Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 07 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ગુજરાતમાં હાલમાં માવઠાની સિઝન ચાલી રહી છે.ગરમી અને ઉકળાટની સાથે સાથે વરસાદની પણ આગાહી કરવામાં આવે છે.ત્યારે ફરીવાર રાજ્યમાં માવઠાનો રાઉન્ડ શરૂ થવા જઈ રહ્યો છે.આજે વેસ્ટર્ન ડિસ્ટર્બન્સ શરૂ થવાથી રાજ્યમાં કમોસમી વરસાદની આગાહી કરવામાં આવી છે.આવતી આઠમી એપ્રિલથી ગરમીમાં વધારો થશે.આજે પવનની ગતિમાં વધારો થશે.બે દિવસ માછીમારોને દરિયો નહીં ખેડવા સૂચના અપાઈ છે. ત્યારે હવામાન નિષ્ણાંત અંબાલાલ પટેલે પણ વરસાદની આગાહી કરી છે. અંબાલાલ પટેલની આગાહી હવામાન નિષ્ણાંત અંબાલાલ પટેલે આગાહી કરી હતી કે, આજે બપોર બાદ પ્રિ મોન્સૂન એક્ટિવિટિનો વરસાદ વરસી શકે છે. રાજ્યના કેટલાક ભાગોમાં ગાજવીજ સાથે વરસાદની શક્યતાઓ છે. પવનની ગતિ 40 કિ.મી રહેવાની શક્યતાઓ છે. અમદાવાદ, ગાંધીનગર, કચ્છ, સૌરાષ્ટ્ર અને ઉત્તર ગુજરાતના ભાગોમાં વરસાદ વરસી શકે છે. સૌરાષ્ટ્રના ભાગોમાં હવામાનમાં પલટો આવશે. 20 તારીખ સુધી ગરમીમાં વધારો થશે. ઉતર ભારતના ભાગોમાં વાદળનો સમૂહ આવી રહ્યો છે.બનાસકાંઠાના ભાગમાં વાતાવરણ પલટો આવશે. ખેડૂતોએ ખાસ સાવચેતી રાખવાની જરૂર છે. ગુજરાતમાં વેસ્ટર્ન ડિસ્ટર્બન્સ સક્રિય થયું ગુજરાતમાં વેસ્ટર્ન ડિસ્ટર્બન્સ સક્રિય થયું છે. વિવિધ જિલ્લામાં માવઠાની આગાહી કરવામાં આવી છે.દ્વારકા,જામનગર,રાજકોટ, દાહોદ,પંચમહાલ, મોરબી, કચ્છ,બનાસકાંઠા,સાબરકાંઠા, અરવલ્લી,મહીસાગર,પાટણમાં વરસાદની આગાહી કરવામાં આવી છે. માછીમારોને દરિયો નહીં ખેડવા સૂચના અપાઈ છે. બીજી તરફ રાજ્યમાં માવઠાની આગાહી વચ્ચે તાપમાનમાં પણ વધારો થવાની આગાહી કરવામાં આવી છે. રાજ્યમાં તાપમાનમાં એકથી બે ડિગ્રીનો વધારો થશે. અમદાવાદમાં 36.4, અમરેલી 36.5, રાજકોટમાં 36.7,સુરેન્દ્રનગર 36.2, ગાંધીનગરમાં 36.2,વડોદરામાં 35.6 ડિગ્રી તાપમાન નોંધાયું છે. આ પણ વાંચોઃ Junagadh: અંબાજીની યાત્રાએ જતા શ્રદ્ધાળુઓ માટે મહત્વના સમાચાર, ભારે પવનના કારણે ગિરનાર રોપવે સેવા બંધ
Read Full Story arrow_forward
વલસાડ જિલ્લાના કપરાડા પંથકમાં આવેલો કુંભ ઘાટ ફરી એકવાર રક્તરંજિત થયો છે. કપરાડા તરફથી ઘાટ ઉતરતી વખતે એક ટ્રકની બ્રેક ફેલ થઈ જતા ટ્રક ચાલકે સ્ટીયરિંગ પરથી કાબૂ ગુમાવ્યો હતો અને માર્ગ પર આવતા અનેક વાહનોને અડફેટે લીધા હતા. આ ભયાનક અકસ્માતમાં એક ટ્રક ડ્રાઈવરનું ઘટનાસ્થળે જ મોત નીપજ્યું છે.કપરાડાના કુંભ ઘાટમાં ટ્રક અકસ્માતમળતી માહિતી મુજબ, માલસામાન ભરેલી ટ્રક જ્યારે કુંભ ઘાટ ઉતરી રહી હતી ત્યારે અચાનક તેની બ્રેકે કામ કરવાનું બંધ કરી દીધું હતું. બેકાબૂ બનેલી ટ્રકે રસ્તામાં આવતા અન્ય વાહનોને જોરદાર ટક્કર મારી હતી. અકસ્માત એટલો ભીષણ હતો કે ટ્રકની કેબિનનો કચ્ચરઘાણ નીકળી ગયો હતો. જેમાં એક ડ્રાઈવરનું દબાઈ જવાથી કરૂણ મોત થયું હતું, જ્યારે અન્ય એક વ્યક્તિ કલાકો સુધી કેબિનમાં ફસાયેલો રહ્યો હતો.કલાકો સુધી ટ્રાફિક જામ અને બચાવ કામગીરીઘટનાની જાણ થતા જ 108 એમ્બ્યુલન્સ અને સ્થાનિક પોલીસની ટીમ સ્થળ પર દોડી ગઈ હતી. નાનાપોંઢા-નાસિક હાઈવે પર અકસ્માતને પગલે કિલોમીટરો સુધી લાંબો ટ્રાફિક જામ સર્જાયો હતો. કેબિનમાં ફસાયેલા વ્યક્તિને બહાર કાઢવા માટે ક્રેનની મદદ લેવામાં આવી હતી. કલાકોની ભારે જહેમત બાદ દબાયેલા વ્યક્તિને બહાર કાઢી સારવાર અર્થે હોસ્પિટલ ખસેડવામાં આવ્યો છે.આ પણ વાંચો: Ahmedabad: પાકિસ્તાનથી વાયા રાજસ્થાન થઈ ગુજરાત આવતું 5 કિલો MD ડ્રગ્સ ઝડપાયું, ATSની કાર્યવાહીમાં આંતરરાજ્ય કનેક્શન ખુલ્યું
Read Full Story arrow_forward