Gujarat News: અંબાલાલ પટેલની આગાહી, સૌરાષ્ટ્રમાં ભારે પવન સાથે વરસાદની સંભાવના
બે વરસાદી સિસ્ટમ સક્રિય થતાં રાજ્યમાં 4 એપ્રિલ સુધી ગાજવીજ સાથે માવઠાની હવામાન વિભાગ દ્વારા આગાહી કરવામાં આવી છે. ઉત્તર ગુજરાત અને કચ્છમાં વરસાદ થઈ શકે છે. જ્યારે દક્ષિણ ગુજરાત અને સૌરાષ્ટ્રમાં પણ માવઠાની આગાહી કરવામાં આવી છે. ગાજવીજ અને ભારે પવન સાથે વરસાદ થઈ શકે છે. બીજી તરફ હવામાન નિષ્ણાંત અંબાલાલ પટેલે પણ સૌરાષ્ટ્રમાં ભારે પવન સાથે વરસાદની આગાહી કરી છે. મે મહિનામાં ગરમીનો પારો 44 ડિગ્રી પહોંચી શકે હવામાન નિષ્ણાંત અંબાલાલ પટેલની આગાહી પ્રમાણે પશ્ચિમ અને મધ્ય સૌરાષ્ટ્રમાં વરસાદની સંભાવનાઓ છે. પવનની ગતિ વધુ રહેવાની શક્યતાઓ છે. જેના કારણે બાગાયતી પાકોને ભારે નુકસાન થઈ શકે છે. ઉત્તર સૌરાષ્ટ્ર, પંચમહાલમાં પ્રિ-મોન્સૂન એક્ટિવિટી સક્રિય થઈ છે.વડોદરા અને દ.ગુજરાતમાં પ્રિ-મોન્સૂન એક્ટિવિટી સક્રિય થઈ છે. કેટલાક વિસ્તારોમાં કરા પડવાની શક્યતા છે. મે મહિનામાં ગરમીનો પારો 44 ડિગ્રી પહોંચી શકે છે.20 એપ્રિલ બાદ ભારે વરસાદની શક્યતાઓ છે. આજે ગાજવીજ સાથે વરસાદની શક્યતાઓ હવામાન વિભાગની આગાહી પ્રમાણે આજે ગાજવીજ સાથે વરસાદની શક્યતાઓ છે. 40થી 50 કિ.મી પ્રતિ કલાકની ઝડપે પવન ફૂંકાશે. અમદાવાદમાં વાદળછાયુ વાતાવરણ રહેશે. 36 થી 37 ડિગ્રી તાપમાન રહેશે. ઉત્તર ગુજરાત અને દક્ષિણ ગુજરાત, કચ્છ અને સૌરાષ્ટ્રમાં વરસાદની આગાહી છે. રાજ્યમાં ગરમીનો પ્રકોપ ઓછો થશે. તાપમાનમાં એકથી બે ડિગ્રીનો ઘટાડો થશે. અમદાવાદમાં સૌથી વધુ 37 ડિગ્રી તાપમાન નોંધાયું છે. ગાંધીનગરમાં 36, ડીસામાં 35, વડોદરામાં 36, અમરેલી 35.2, સુરેન્દ્રનગરમાં 35.6, કંડલામાં 33.2, ભાવનગરમાં 33.4 ડિગ્રી તાપમાન નોંધાયું છે. આ પણ વાંચોઃ Surat News: ભાજપની સેન્સ પ્રક્રિયામાં 96 બેઠક માટે 1578 દાવેદારો, ડોક્ટરો પણ ચૂંટણી લડવા મેદાનમાં ઉતર્યા
Read Full Story arrow_forward
