Community News & Updates

Stay informed with the latest happenings, achievements, and announcements from our community.

All News

calendar_today March 30, 2026

Gandhinagar News: અંબાજીથી ઉમરગામ સુધીના આદિજાતિ વિસ્તારમાં 362 કરોડના વિકાસ કામોને મંજૂરી

મુખ્યમંત્રી ભુપેન્દ્ર પટેલે રાજ્યના અંબાજીથી ઉમરગામ સુધીના સમગ્ર આદિજાતિ વિસ્તારોના સર્વાંગી વિકાસને પ્રાથમિકતા આપતાં,ગામડાઓ સુધી પાયાની સુવિધાઓને વધુ સુલભ બનાવવા માટેનો એક મહત્વ પૂર્ણ નિર્ણય કર્યો છે. આ સંદર્ભમાં આદિજાતિ વિસ્તારોના ગામોની શાળાઓ અને પ્રાથમિક આરોગ્ય કેન્દ્રોને પાકા રસ્તાઓથી જોડવા માટે 325.81 કિ.મી. લંબાઈના કામો તેમજ સ્ટ્રકચર નિર્માણના કામો મળીને 293 કામો માટે કુલ 362.57 કરોડ મંજૂર કર્યા છે. મૂળભૂત સેવાઓ સરળ અને સમયસર મળશે વડાપ્રધાન મોદીની પ્રેરણાથી શરૂ થયેલી વનબંધુ કલ્યાણ યોજના અંતર્ગત આદિજાતિ સમુદાયોને શિક્ષણ અને આરોગ્ય જેવી મૂળભૂત સેવાઓ સરળ અને સમયસર પહોંચે તે સુનિશ્ચિત કરવાના હેતુસર મુખ્યમંત્રીએ આ કામો મંજૂર કર્યા છે.આદિજાતિ વિસ્તારોમાં નવા રસ્તાઓનું નિર્માણ થવાથી વિદ્યાર્થીઓને શાળાએ પહોંચવામાં સરળતા થશે. આકસ્મિક પરિસ્થિતિમાં દર્દીઓને નજીકના આરોગ્ય કેન્દ્ર સુધી ઝડપથી પહોંચાડી શકાશે.મુખ્યમંત્રી ભૂપેન્દ્ર પટેલની આ પહેલથી આદિજાતિ વિસ્તારોમાં વિકાસના નવા દ્વાર ખુલતા "સબકા સાથ, સબકા વિકાસ”નો ધ્યેય પણ સાકાર થશે.આ પણ વાંચોઃ Surat: VNSGUના વિદ્યાર્થીઓ માટે મોટા સમાચાર, હવે ડિગ્રી મેળવવા રમતગમતમાં ભાગ લેવો ફરજિયાત બનશે

Read Full Story arrow_forward

calendar_today March 30, 2026

Delhi Police: દિલ્હી બોર્ડરથી ઝડપાયો લશ્કર એ તૈયબાનો આતંકી શબ્બીર, ISIના ઇશારે ષડયંત્ર રચતો

દિલ્હી પોલીસની એક ખાસ ટીમે પ્રતિબંધિત આતંકવાદી સંગઠન લશ્કર-એ-તૈયબા (LeT) સાથે જોડાયેલા એક આતંકવાદીની ધરપકડ કરી છે. આ આતંકવાદીની ઓળખ શબ્બીર અહેમદ લોન તરીકે થઈ છે. આરોપી તાજેતરમાં મેટ્રો પોસ્ટર કેસમાં ધરપકડ કરાયેલ લશ્કર-એ-તૈયબા મોડ્યુલનો હેન્ડલર હતો. તપાસમાં જાણવા મળ્યું છે કે તે બાંગ્લાદેશથી ભારત વિરોધી પ્રવૃત્તિઓ ચલાવતો હતો. આ આખું નેટવર્ક પાકિસ્તાનની ગુપ્તચર એજન્સી, ઇન્ટર-સર્વિસિસ ઇન્ટેલિજન્સ (ISI) ના ઇશારે કાર્યરત હતું. આતંકી શબ્બીર અહમદ લોન ઝડપાયો તપાસ એજન્સીઓ અનુસાર, શબ્બીર અહેમદ લોન આતંકવાદી સંગઠન લશ્કર-એ-તૈયબા (LeT) સાથે જોડાયેલો છે. તે લશ્કરના વડા હાફિઝ સઈદ અને ઝકી-ઉર-રહેમાન લખવી જેવા આતંકવાદીઓ સાથે સીધા સંપર્કમાં હતો. આ મોડ્યુલને પાકિસ્તાનની ગુપ્તચર એજન્સી, ISI તરફથી ભંડોળ અને સમર્થન મળતું હતું. બાંગ્લાદેશથી કાર્યરત, લોન ભારતમાં આતંકવાદીઓની ભરતી અને બ્રેઈનવોશ કરતો હતો. ગેરકાયદેસર બાંગ્લાદેશી નાગરિકોને નિશાન બનાવવામાં આવતા હતા અને કટ્ટરપંથી બનાવવામાં આવતા હતા. નકલી આધારકાર્ડ થકી છૂપાયો હતો ભારતમાં નકલી દસ્તાવેજો (જેમ કે આધાર કાર્ડ) મેળવીને ભારતમાં છુપાયેલા હતા. એન્ક્રિપ્ટેડ એપ્સ દ્વારા સંપર્ક જાળવવામાં આવતો હતો. દિલ્હી અને અન્ય શહેરોમાં પણ તપાસ હાથ ધરવામાં આવી હતી. 2007 માં દિલ્હી પોલીસે શબીર અહેમદ લોનની હથિયારો સાથે ધરપકડ કરી હતી અને તેને આર્મ્સ એક્ટ હેઠળ દોષિત ઠેરવવામાં આવ્યો હતો. બાદમાં તે જામીન પર છટકી ગયો અને દેશમાંથી બાંગ્લાદેશ ભાગી ગયો. ત્યાંથી, તેણે ફરીથી પોતાનું આતંકવાદી નેટવર્ક શરૂ કર્યું. તપાસ એજન્સીઓ માને છે કે આ મોડ્યુલ ભારતમાં મોટા આતંકવાદી હુમલાઓની તૈયારી કરી રહ્યું હતું. યોજના લાલ કિલ્લા જેવા સંવેદનશીલ વિસ્તારોને નિશાન બનાવવાની હતી. મોટો આતંકી હુમલો ટળ્યો તપાસ એજન્સીઓ માને છે કે આ મોડ્યુલ ભારતમાં મોટા આતંકવાદી હુમલાઓની તૈયારી કરી રહ્યું હતું. યોજના લાલ કિલ્લા જેવા સંવેદનશીલ વિસ્તારોને નિશાન બનાવવાની હતી. અધિકારીઓનું કહેવું છે કે શબીર અહેમદ લોન એક અનુભવી અને પ્રશિક્ષિત આતંકવાદી ઓપરેટિવ છે જેણે બાંગ્લાદેશમાં રહીને ISI અને લશ્કર-એ-તૈયબાના સમર્થનથી ભારતમાં આતંકવાદી નેટવર્ક સ્થાપિત કરવાનો પ્રયાસ કર્યો હતો. દિલ્હી પોલીસની કાર્યવાહીથી આ મોટા મોડ્યુલનો પર્દાફાશ થયો અને સંભવિત મોટો હુમલો ટળી ગયો. કોણ છે શબ્બીર અહમદ લોન ? શબ્બીર  અહેમદ લોનને 2007 માં સ્પેશિયલ સેલ દ્વારા મોટી માત્રામાં હથિયારો અને દારૂગોળો (AK-47 અને ગ્રેનેડ સહિત) સાથે ધરપકડ કરવામાં આવી હતી. તે 2018 સુધી તિહાર જેલમાં રહ્યો. 2007 માં તેની ધરપકડ સમયે, શબીરનો જમાત-ઉદ-દાવાના મુખ્ય આતંકવાદી હાફિઝ સઈદ અને તેના ડેપ્યુટી ઝકી-ઉર-રહેમાન લખવી સાથે સીધો સંબંધ હતો. શબીરે પાકિસ્તાનના મુઝફ્ફરાબાદમાં લશ્કર-એ-તોઇબા કેમ્પમાંથી દૌરા-એ-આમ (મૂળભૂત તાલીમ) અને દૌરા-એ-ખાસ (અદ્યતન તાલીમ) મેળવી હતી.આ પણ વાંચો: ભારતના કયા રાજ્યમાં તેલના સૌથી વધારે કૂવા ?

Read Full Story arrow_forward

calendar_today March 30, 2026

Bhuj: શહેરને ટ્રાફિકના ચક્રવ્યૂહમાંથી બહાર કાઢવા માસ્ટર પ્લાન તૈયાર, 21 કિમી લાંબા બાયપાસ માટે જમીન સંપાદન

ભુજ શહેરમાં સતત વધી રહેલા વાહનોના ભારણને ઘટાડવા અને શહેરને ટ્રાફિક મુક્ત કરવા માટે રાજ્ય સરકાર અને વહીવટી તંત્ર દ્વારા મોટા પ્રોજેક્ટ પર કામ શરૂ કરવામાં આવ્યું છે. ભુજની આસપાસ 21 કિલોમીટર લાંબો નવો બાયપાસ માર્ગ બનાવવા માટેની પ્રક્રિયા હવે અંતિમ તબક્કામાં પહોંચી છે.જમીન સંપાદન માટે ₹114 લાખનો ખર્ચઆ મહત્વકાંક્ષી પ્રોજેક્ટ માટે અંદાજે 45 હેક્ટર જેટલી જમીન સંપાદિત કરવામાં આવનાર છે. જમીન સંપાદનની આ પ્રક્રિયા માટે તંત્ર દ્વારા ₹114.64 લાખ જેટલી માતબર રકમનો ખર્ચ કરવામાં આવશે. આ જમીન સંપાદન બાદ રસ્તાના નિર્માણની કામગીરી પૂરજોશમાં શરૂ કરવામાં આવશે.કયા વિસ્તારોમાંથી પસાર થશે નવો માર્ગ?ભુજને ફરતે તૈયાર થનારો આ નવો બાયપાસ માર્ગ શહેરના પ્રવેશદ્વાર ગણાતા ભુજોડી અને એશિયાના સૌથી ધનિક ગામ ગણાતા માધાપરમાંથી પસાર થશે. આ ઉપરાંત, આ માર્ગ સુખપર અને મીરજાપર ગામની સીમમાંથી પણ પસાર થશે, જેને કારણે હાઈવે પરથી આવતા ભારે વાહનોને ભુજ શહેરમાં પ્રવેશવાની જરૂર નહીં પડે અને તેઓ સીધા જ પોતાના ગંતવ્ય સ્થાને પહોંચી શકશે.આ પણ વાંચો: Jetpur: કથાનો મંડપ હટાવતી વખતે સર્જાયો અકસ્માત, વીજ કરંટ લાગતા એક શ્રમિકનું કરુણ મોત

Read Full Story arrow_forward