Community News & Updates

Stay informed with the latest happenings, achievements, and announcements from our community.

All News

calendar_today March 29, 2026

Patan News : ખોખરવાડમાં આઠ વર્ષના બાળકને ધૂણવા બેસાડ્યો, UGVCLના કર્મચારી જગદીશ ગોસ્વામીએ ગીતો લલકાર્યા

પાટણમાં અંધશ્રદ્ધાને નામે ધતિંગ થતાં હોય તેવો બનાવ સામે આવ્યો છે. આજના આધુનિક યુગમાં પણ લોકો અંધશ્રદ્ધામાંથી બહાર નીકળતા નથી તેનો તાજો દાખલો પાટણમાં જોવા મળ્યો છે. જેની ઉંમર હજી રમવાની છે તે બાળકનો ધૂણતો વીડિયો વાયરલ થયો છે. ભણવાની ઉંમરે બાળક ધૂણતો હોવાનો વીડિયો વાયરલ થતાં અનેક સવાલો ઉભા થયાં છે. આ બાળક જ્યારે ધૂણી રહ્યો હતો ત્યારે UGVCLના કર્મચારી જગદીશ ગૌસ્વામી ગીતો લલકારતા દેખાયા હતાં. ભણવાની ઉમરે ધૂણતો માસૂમ બાળક પાટણના ખોખરવાડા વિસ્તારમાં ભૂવા ધૂણી રહ્યા હતાં. આ દરમિયાન ભણવાની અને રમવાની ઉંમર ધરાવતો એક બાળક પણ ધૂણી રહ્યો હતો. આ બાળકના માથા પર કેટલાક લોકો ફૂલ વરસાવી રહ્યા હતાં. નાના બાળકનો ધૂણતો વીડિયો વાયરલ થતાં અનેક સવાલો ઉભા થયાં છે. બાળકના માતા પિતા સામે પણ લોકો આંગળી ચિંધીને સવાલો કરી રહ્યાં છે. માતા પિતા આજના આધુનિક યુગમાં પણ બાળકને અંધશ્રદ્ધામાં ધકેલી રહ્યા હોવાના આક્ષેપો પણ થઈ રહ્યાં છે. UGVCLના કર્મચારી જ ગીતો ગાતા દેખાયા ખોખરવાડમાં આઠ વર્ષના બાળકને ભૂવાઓ વચ્ચે ધૂણવા બેસાડવામાં આવ્યો હોવાનો વીડિયો વાયરલ થયો છે. આ વીડિયોમાં UGVCLના કર્મચારી જ ગીતો ગાતા દેખાયા છે. થોડા સમય પહેલા જેઓ લાઈટ બિલ ભરવા માટે ગીતો ગાઈને લોકોને જાગૃત કરવાનો પ્રયાસ કરતા હતાં તે UGVCLના કર્મચારી જગદીશ ગૌસ્વામી આ બાળક ધૂણતો હતો અને ગીતો ગાઈ રહ્યા હતાં. તેઓ ગીતો ગાતા રહ્યા અને બાળક ધૂણતો હતો. સરકારી કર્મચારીની હાજરીમાં જ આ પ્રકારની અંધશ્રદ્ધા વાયુવેગે વાયરલ થતાં અનેક સવાલો ઉભા થયાં છે. આ પણ વાંચોઃ Ahmedabad News : સિંગર જીગરદાન ગઢવીએ જાહેર મંચ પરથી યુ ટર્ન માર્યો, ગુજરાતી ગીતો ગાવાનું ચાલુ રાખશે

Read Full Story arrow_forward

calendar_today March 29, 2026

Banaskanth News: જૂનાડીસા-વાસણા રોડ પર અજાણ્યા કાર ચાલકે 75 વર્ષીય વૃદ્ધને અડફેટે લેતા ઘટનાસ્થળે જ કરુણ મોત

બનાસકાંઠા જિલ્લાના ડીસા તાલુકામાં જૂનાડીસા-વાસણા રોડ પર એક ગમખ્વાર હિટ એન્ડ રનની ઘટના સામે આવી છે. બેફામ ગતિએ આવતા એક અજાણ્યા કાર ચાલકે રસ્તો ક્રોસ કરી રહેલા વયોવૃદ્ધને જોરદાર ટક્કર મારી હતી. આ અકસ્માત એટલો ભયાનક હતો કે વૃદ્ધનું ઘટનાસ્થળે જ કરુણ મોત નીપજ્યું હતું, જ્યારે અકસ્માત સર્જીને કાર ચાલક ગાડી સાથે ફરાર થઈ ગયો હતો.જૂનાડીસા વાસણા રોડ પર બની ઘટના મૃતક વૃદ્ધની ઓળખ વાસણા સંતોષી ગોળિયાના રહીશ ગીગાજી હેમાજી માળી (સુરદાસ) તરીકે થઈ છે. 75 વર્ષીય ગીગાજી જ્યારે જૂનાડીસા રોડ પરથી પસાર થઈ રહ્યા હતા, ત્યારે કાળમુખી કારે તેમને અડફેટે લીધા હતા. આ અકસ્માત બાદ સ્થાનિક લોકો દોડી આવ્યા હતા, પરંતુ ગંભીર ઈજાઓને કારણે વૃદ્ધે દમ તોડી દીધો હતો. ઘટનાને પગલે સમગ્ર પંથકમાં અરેરાટી વ્યાપી ગઈ છે. 75 વર્ષીય વૃદ્ધનું ઘટનાસ્થળે જ મોત ડીસા તાલુકા પોલીસને જાણ થતા જ પોલીસ કાફલો ઘટનાસ્થળે દોડી આવ્યો હતો. પોલીસે મૃતકના મૃતદેહને પોસ્ટમોર્ટમ (PM) માટે ડીસા સિવિલ હોસ્પિટલ ખાતે ખસેડ્યો છે. હાલમાં પોલીસે અજાણ્યા કાર ચાલક વિરુદ્ધ અકસ્માત અને હિટ એન્ડ રનનો ગુનો નોંધી, આસપાસના સીસીટીવી ફૂટેજના આધારે ફરાર ચાલકની શોધખોળ હાથ ધરી છે. માળી પરિવારના મોભીના અવસાનથી પરિવારમાં ઘેરા શોકની લાગણી પ્રસરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 29, 2026

રેમન્ડ ગ્રુપના પૂર્વ ચેરમેન વિજયપત સિંઘાનિયાનું 87 વર્ષની વયે નિધન થયું છે.1200 કરોડના માલિકે ભાડાના મકાનમાં કેમ ગુજારી જિંદગી?

રેમન્ડ ગ્રુપના પૂર્વ ચેરમેન વિજયપત સિંઘાનિયાનું 87 વર્ષની વયે નિધન થયું છે. તેમના પુત્ર ગૌતમ સિંઘાનિયાએ સોશિયલ મીડિયા પર આ માહિતી આપી.ગૌતમ સિંઘાનિયાએ પોતાના મેસેજમાં લખ્યું છે કે તેમના પિતા એક દૂરંદેશી નેતા અને સમાજસેવી વ્યક્તિ હતા,જેમનો વારસો આવનારી પેઢીઓને પ્રેરિત કરતો રહેશે.તમામ સંપત્તિ પુત્રને સોંપીને સૌથી મોટી ભૂલ ગણાવીવિજયપત સિંઘાનિયા દેશની અગ્રણી ટેક્સટાઇલ કંપની રેમન્ડ ગ્રુપના પૂર્વ મેનેજિંગ ડિરેક્ટર રહ્યા છે. વિજયપત 2017થી જ પુત્ર ગૌતમ સિંઘાનિયા સાથે પરિવાર અને સંપત્તિ સંબંધિત વિવાદને કારણે ચર્ચામાં હતા.દેશ-વિદેશમાં પોતાની ઓળખ બનાવનાર કંપની રેમન્ડ આજે ફરી ચર્ચામાં આવી છે. ધાબળા વેચતી નાની ફેક્ટરીને રેમન્ડ જેવી બ્રાન્ડ બનાવનાર,રેમન્ડના સ્થાપક વિજયપત સિંઘાનિયાએ પોતાનું જીવન એક ભાડાના મકાનમાં વિતાવ્યું છે.એક સમયે તેમની પાસે અંબાણી કરતા પણ વધુ સંપત્તિ હતી.એક સમયે 12,000 કરોડની સંપત્તિના માલિક વિજયપત સિંઘાનિયાએ પોતાની તમામ સંપત્તિ પુત્રને સોંપીને સૌથી મોટી ભૂલ માનતા હતા.ધાબળા વેચતી ફેક્ટરીને બનાવી રેમન્ડ જેવી બ્રાન્ડ રેમન્ડે સો વર્ષ પહેલાં મુંબઈથી પોતાની સફર શરૂ કરી હતી.1900ની સાલમાં મહારાષ્ટ્રના થાણેમાં તેમની એક મીલ હતી.જેમાં ધાબળા બનાવવામાં આવતા હતા. ત્યારબાદ તે મીલમાં સેનાના જવાનો માટે યુનિફોર્મ તૈયાર થવા લાગ્યા. વર્ષ 1925માં મુંબઈના એક વેપારીએ આ મિલ ખરીદી હતી,પરંતુ થોડા વર્ષો પછી વર્ષ 1940માં કૈલાશપત સિંઘાનિયાએ તેમની પાસેથી આ મિલ ખરીદી. તેમણે મિલનું નામ વાડિયા મિલથી બદલીને રેમન્ડ મિલ કર્યું.રાજસ્થાનથી કાનપુર સ્થળાંતર કરીને આવેલા સિંઘાનિયા પરિવાર કોટન સ્પિનિંગ એન્ડ વીવિંગ મિલ્સ કંપની ચલાવતા હતા.1980માં વિજયપત સિંઘાનિયાને રેમન્ડની જવાબદારી સોપવામાં આવી. 1986માં સિંઘાનિયાએ ફેબ્રિક બિઝનેસની સાથે સાથે પરફ્યુમ બ્રાન્ડ પાર્ક એવન્યુની શરૂઆત કરી.તેમણે ભારતની બહાર પહેલો શોરૂમ ખોલ્યો હતો. પિતા અને પુત્ર વચ્ચેના સંબંધો બગાડવા લાગ્યા 2015માં વિજયપત સિંઘાનિયાએ રેમન્ડની કમાન તેમના પુત્ર ગૌતમ સિંઘાનિયાને સોંપી હતી. તેણે તેના તમામ શેર તેના પુત્રના નામે ટ્રાન્સફર કરી દીધા. તે સમયે તે શેરની કિંમત 1000 કરોડ રૂપિયા હતી. ગૌતમે કંપનીનો ચાર્જ સંભાળતાની સાથે જ પિતા અને પુત્ર વચ્ચેના સંબંધો બગડવા લાગ્યા.બંને વચ્ચે ફ્લેટને લઈને એટલો વિવાદ થયો કે મામલો કોર્ટમાં પહોંચ્યો અને ગૌતમે પિતાને ઘરની બહાર કાઢી મૂક્યા. વિજયપત સિંઘાનિયાએ મુંબઈના એક પોશ વિસ્તારમાં જેકે હાઉસ નામનું આલિશાન ઘર બનાવ્યું હતું, પરંતુ તેમના પુત્રએ તેમને તે ઘરમાંથી બહાર કાઢીને ભાડાના મકાનમાં રહેવા દબાણ કર્યું હતું. 12000 કરોડની સંપતિના માલિક ભાડાના મકાનમાં રહેવા મજબુર મુંબઈમાં દુનિયાના સૌથી મોંઘા ઘરોમાંના એક ઘરમાં રહેતા હતા વિજયપત સિંઘાનિયા. પુત્રએ તેમની જિંદગી એટલી બદલી નાખી કે તેઓ એખ સામાન્ય ભાડાના મકાનમાં રહેવા મજબુર બન્યા. રેમન્ડના ફાઉન્ડર વિજયપત સિંઘાનિયાએ પણ એક ઈન્ટર્વ્યુમાં જણાવ્યું હતું તેતેમની જીંદગીની સૌથી મોટી ભૂલ એ હતી કે તેમણે પોતાની તમામ મિલકત અને સમગ્ર બિઝનેસ તેમના પુત્રને સોંપી દીધો. 12,000 કરોડ રૂપિયાની કંપનીના એક સમયે માલિક આજે સાઉથ બોમ્બેની ગ્રાન્ડ પારડી સોસાયટીમાં ભાડાના મકાનમાં રહેવા મજબૂર છે. પુત્રએ તેની પાસેથી કાર અને ડ્રાઈવર પણ છીનવી લીધો હતો. વિજયપત સાથે સંકળાયેલા કેટલાક તથ્યો સૌથી ધનિક લોકોમાં સામેલ વિજયપતનો એવિએશન અને ફિલ્મ ઇન્ડસ્ટ્રીમાં પણ પ્રભાવ હતો.એક સમયે વિજયપત બ્રિટનથી એકલા પ્લેન ઉડાવીને ભારત આવ્યા હતા.એડવેન્ચર અને એવિએશનના શોખીન સિંઘાનિયા માટે આકાશ જ સીમા હતી. બિઝનેસ અને એડવેન્ચર, બંને ક્ષેત્રોમાં તેમને ખૂબ પ્રશંસા મળી.ભારતનો ત્રીજો સૌથી મોટો નાગરિક સન્માન 'પદ્મ ભૂષણ' અને સાથે જ 'તેનઝિંગ નોર્ગે નેશનલ એડવેન્ચર એવોર્ડ' પણ મળ્યો.વિજયપતે ‘એન એન્જલ ઇન એ કોકપિટ’ શીર્ષકથી પુસ્તક પણ લખ્યું હતું. આ પણ વાંચો:ઈરાનના સપોર્ટમાં ઉતરેલા હૂતી કોણ છે? જેના એક નિર્ણયથી બદલાઈ શકે છે યુદ્ધની સૂરત

Read Full Story arrow_forward