Palanpur : બનાસકાંઠામાં વિવિધ સરકારી યોજનાઓની કામગીરીની સમીક્ષા
બનાસકાંઠા જિલ્લામાં વિવિધ વિકાસલક્ષી અને જનકલ્યાણકારી યોજનાઓના અસરકારક અમલીકરણ તથા કામગીરીની પ્રગતિની સમીક્ષા કરવાના હેતુથી જિલ્લા પ્રભારી સચિવ ડી.કે.પ્રવીણાની અધ્યક્ષતામાં જિલ્લા કક્ષાના અધિકારીઓ સાથે સમીક્ષા બેઠક યોજાઈ હતી. બેઠક દરમ્યાન પ્રભારી સચિવએ રાજ્ય સરકારની વિવિધ યોજનાઓના અમલીકરણની વિગતવાર સમીક્ષા કરી હતી. તેમણે સંબંધિત વિભાગો દ્વારા યોજનાઓ અંતર્ગત નિર્ધારિત કરવામાં આવેલા લક્ષ્યાંકો, અત્યાર સુધી પૂર્ણ થયેલી કામગીરી, બાકી રહેલી કામગીરી અને યોજનાઓની વર્તમાન સ્થિતિ અંગે અધિકારીઓ પાસેથી વિગતો મેળવી હતી. આ ઉપરાંત, યોજનાઓના અમલીકરણમાં થતી પ્રગતિની સમીક્ષા કરી કામગીરીને વધુ અસરકારક બનાવવા અંગે ચર્ચા કરવામાં આવી હતી. પ્રભારી સચિવએ સંબંધિત અધિકારીઓને રાજ્ય સરકારની વિવિધ યોજનાઓનો લાભ પાત્ર લાભાર્થીઓ સુધી સમયસર પહોંચે તે સુનિશ્ચિત કરવા, નિર્ધારિત લક્ષ્યાંકો સમયમર્યાદામાં પૂર્ણ કરવા તથા બાકી રહેલી કામગીરીને પ્રાથમિકતા આપવા જરૂરી સૂચનો કર્યા હતા. સાથે જ વિવિધ વિભાગો વચ્ચે સંકલન જાળવી વિકાસલક્ષી અને જનહિતલક્ષી કામગીરીને વધુ વેગ આપવા અંગે જરૂરી માર્ગદર્શન અપાયું હતું. આ બેઠકમાં જિલ્લા વિકાસ અધિકારી એમ.જે.દવે, નિવાસી અધિક કલેકટર સી.પી.પટેલ સહિત જિલ્લાના વિવિધ વિભાગોના ઉચ્ચ અધિકારીઓ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
