Community News & Updates

Stay informed with the latest happenings, achievements, and announcements from our community.

All News

calendar_today March 23, 2026

Sabarkantha News : સાબરકાંઠા જિલ્લામાંથી ઝડપાયું બાળ તસ્કરીનું રેકેટ, અમદાવાદ ખાતેના પરિવારને 2 લાખમાં બાળક આપ્યું હોવાનો ખુલાસો

સાબરકાંઠાના ખેડબ્રહ્માના મટોળા નજીકથી AHTU ટીમે રેકેટ ઝડપ્યું બાળ તસ્કરીનું રેકેટ અને મેડી ગામે જન્મ લેનાર બાળકને વેચ્યું હોવાનું ખુલ્યું છે, અમદાવાદ ખાતેના પરિવારને 2 લાખમાં આપ્યું બાળક અને 15 દિવસ અગાઉ બાળકને વેચ્યું હોવાનું તપાસમાં ખુલ્યું છે, બાળ તસ્કરી ગેગના પાંચ સંભ્યોને AHTU ટીમે દબોચ્યા છે. આરોપીઓ સાબરકાંઠા, અમદાવાદ, રાજસ્થાનના રહેવાસી બાળકના માતા-પિતાને લઇ પોલીસે તપાસ હાથધરી છે અને લાંબા સમયથી આ રેકેટ ચાલતું હોવાની વાત સામે આવી છે, ઝડપાયેલ આરોપીઓ સાબરકાંઠા, અમદાવાદ અને રાજસ્થાનના રહેવાસી છે, બાળક કોણે વેચ્યું તે દિશામાં પણ થશે કડક તપાસ, સાબરકાંઠા પોલીસની ટીમો અંતરિયાળ સહિત શહેરી વિસ્તારમાં રાખી રહી છે બાળ તસ્કરી સામે વોચ અને અગાઉ પણ સાબરકાંઠા જિલ્લામાં બાળ તસ્કરીનું રેકેડ ઝડપી પાડવામાં આવ્યું હતુ. બાળ તસ્કરી ગેગના પાંચ સંભ્યોને AHTU ટીમે દબોચ્યા બાતમી આધારે ટીમ તસ્કરોની રાખી રહી હતી વોચ અને બાળ તસ્કરીના રેકેટનો પર્દાફાશ કરવામાં આવ્યો છે, રૂપિયા બેથી અઢી લાખમાં સ્થાનિક સ્તરે ખરીદાયેલું બાળક જ્યારે સંતાનહીન દંપતી સુધી પહોંચે ત્યારે તેની કિંમત રૂપિયા 10થી 15 લાખ સુધી પહોંચી જતી હોવાનો ચોંકાવનારો પર્દાફાશ થયો છે. અમદાવાદ ક્રાઈમ બ્રાન્ચે અગાઉ પણ એક બાળકની તસ્કરી કરીને હૈદરાબાદ લઈ જઈ રહેલા ત્રણ આરોપી વંદના પંચાલ, રોશન અગ્રવાલ અને સુમિત યાદવને ઝડપી લીધા હતા. પૂછપરછ દરમિયાન આરોપીઓએ કબૂલાત કરી હતી કે આ બાળક તેમણે બનાસકાંઠાના સપ્લાયર યુનુસ સિંધી પાસેથી 3.60 લાખ રૂપિયામાં લીધું હતું. આ પણ વાંચો : Surat News : હીરાના વેપારીઓ માટે મોટા અને સારા સમાચાર, દુબઈને બદલે હવે સુરતમાં રફ હીરાનું થશે ઓકશન

Read Full Story arrow_forward

calendar_today March 23, 2026

Himatnagar: ઇડર હાઈવે પર ટ્રક અને ટ્રેક્ટર વચ્ચે ભયાનક અકસ્માત, 3 લોકો લોહીલુહાણ

સાબરકાંઠા જિલ્લાના હિંમતનગર-ઇડર સ્ટેટ હાઈવે પર આજે એક ગમખ્વાર અકસ્માતની ઘટના સામે આવી છે. હિંગળાજ ભેટાલી પાસે હુસેલ ભરેલા ટ્રેક્ટર અને એક ટ્રક વચ્ચે જોરદાર ટક્કર થઈ હતી. આ અકસ્માતમાં ત્રણ લોકો ગંભીર રીતે ઘાયલ થયા હોવાના અહેવાલ મળી રહ્યા છે.હિંમતનગર-ઇડર હાઈવે પર અકસ્માતપ્રાપ્ત માહિતી અનુસાર, હુસેલ ભરેલું ટ્રેક્ટર હાઈવે પરથી પસાર થઈ રહ્યું હતું ત્યારે ટ્રક સાથે તેની જોરદાર ટક્કર થઈ હતી. ટક્કર એટલી પ્રચંડ હતી કે ટ્રેક્ટર હાઈવે પર જ પલટી મારી ગયું હતું, જ્યારે ટ્રક રોડની સાઈડમાં લાગેલી રેલિંગ તોડીને આગળ વધી ગઈ હતી. અકસ્માતને પગલે ટ્રેક્ટરમાં ભરેલો સામાન રોડ પર ફેલાઈ જતાં હિંમતનગર-ઇડર હાઈવે પર લાંબો ટ્રાફિક જામ સર્જાયો હતો.બચાવ કામગીરી અને પોલીસ કાર્યવાહીઘટનાની જાણ થતા જ આસપાસના લોકો દોડી આવ્યા હતા અને 108 એમ્બ્યુલન્સને જાણ કરી હતી. એમ્બ્યુલન્સ મારફતે ત્રણેય ઘાયલોને તાત્કાલિક નજીકની હોસ્પિટલમાં સારવાર અર્થે ખસેડવામાં આવ્યા છે. બીજી તરફ, જાદર પોલીસની ટીમ પણ તાત્કાલિક સ્થળ પર પહોંચી ગઈ હતી અને ક્રેન તેમજ અન્ય સાધનોની મદદથી ટ્રેક્ટર હટાવી ટ્રાફિક વ્યવસ્થા પૂર્વવત કરાવી હતી. હાલમાં પોલીસે અકસ્માતનો ગુનો નોંધી આગળની કાયદેસરની તપાસ શરૂ કરી છે.આ પણ વાંચો: Gandhinagar: 31 માર્ચે PM મોદી જૈન મ્યુઝિયમનું કરશે લોકાર્પણ, રાણકપુર શૈલી અને આધુનિક કલાનો અનોખો સંગમ

Read Full Story arrow_forward

calendar_today March 23, 2026

Gujarat Weather Update: આજે સવારે 11 વાગ્યા સુધીમાં કચ્છ અને ઉત્તર ગુજરાતમાં વરસાદની આગાહી

રાજયમાં આજથી ગરમીનું વધશે જોર તેવી આગાહી હવામાન વિભાગ દ્વારા કરવામાં આવી છે, 2 થી 3 ડિગ્રીનો વધારો થશે. હવે રાજ્યમાં વરસાદની શક્યતાઓ નહીંવત હોવાનું હવામાન વિભાગે જણાવ્યું છે. વેસ્ટર્ન ડિસ્ટર્બન્સ સક્રિય હોવાથી વાતાવરણ ધૂંધળું રહી શકે છે. આજે અમદાવાદ સહિતના વિસ્તારોમાં વાતાવરણ વાદળછાયું રહેવાની શક્યતાઓ છે. બીજી તરફ આગામી ત્રણ કલાક માટે નાઉકાસ્ટ દ્વારા વેધર બુલેટિન જાહેર કરાયું છે. કચ્છ અને ઉત્તર ગુજરાતમાં વરસાદની આગાહી નાઉકાસ્ટ દ્વારા જાહેર કરવામાં આવેલા વેધર બુલેટિન પ્રમાણે આગામી ત્રણ કલાકમાં કચ્છ અને ઉત્તર ગુજરાતાં વરસાદની આગાહી કરાઈ છે. જેમાં કચ્છ સહિત બનાસકાંઠા, સાબરકાંઠા અને અરવલ્લીમાં વરસાદની આગાહી કરવામાં આવી છે. આજે સવારે 11 વાગ્યા સુધીમાં આ વિસ્તારોમાં વરસાદ ખાબકી શકે છે. બંગાળની ખાડી તરફથી આવતા ભેજવાળા પવનો અને પશ્ચિમી વિક્ષેપને કારણે વાતાવરણમાં અણધાર્યા ફેરફારો આવ્યા હતાં. હવે વરસાદની કોઈ શક્યતાઓ નહીં હોવાથી દિવસના તાપમાનમાં વધારો થશે. આગામી દિવસોમાં ગરમીનું જોર વધશે રાજ્યમાં અમદાવાદ, કેશોદમાં 36 ડિગ્રી સુધી તાપમાન નોંધાયું છે.રાજકોટ, સુરેન્દ્રનગરમાં 36 ડિગ્રી, ગાંધીનગર, ભુજ, ડીસામાં 35 ડિગ્રી તાપમાન નોંધાયું છે, ગુજરાતમાં હાલ પૂરતું વરસાદનું સંકટ ટળ્યું છે, અને આગામી દિવસોમાં ગરમીનું જોર વધશે તેવી આગાહી સામે આવી છે. વેસ્ટર્ન ડિસ્ટર્બન્સ અને રાજસ્થાન પર સર્જાયેલા સાયક્લોનિક સર્ક્યુલેશનને કારણે ૫૦ થી ૭૦ કિમીની ઝડપે ફૂંકાયેલા પવને રાજ્યમાં ધૂળની ડમરીઓ અને વરસાદી માહોલ ઊભો કર્યો હતો. આ પણ વાંચોઃ Gujarat Weather News : ગુજરાતમાં આજથી ગરમીનું જોર વધશે, તાપમાનમાં 2 થી 3 ડિગ્રીનો થઈ શકે છે વધારો

Read Full Story arrow_forward