Community News & Updates

Stay informed with the latest happenings, achievements, and announcements from our community.

All News

calendar_today March 22, 2026

Dhandhuka: ધંધૂકા પોલીસે આકરુંની લૂંટનો ભેદ ગણતરીના દિવસોમાં ઉકેલ્યો

ધંધૂકા તાલુકાના આકરું ગામની સીમ નજીક ગત તા. 12મી માર્ચે સાંજે રાણીબેન મુંધવા નામની મહિલાને એક અજાણ્યા શખ્સે માર મારી તેમની પાસે રહેલા સોનાનાં ઘરેણાં લૂંટીને ફરાર થઈ ગયો હતો. આ બનાવ અંગે ધંધૂકા પોલીસમાં ફરિયાદ નોંધાતા ડી-સ્ટાફ્ પીએસઆઈ એચ.એસ. ઝાલા તથા સ્ટાફે તપાસ હાથ ધરી હતી. જેમાં ટેકનિકલ અને માનવીય સૂત્રોના આધારે આરોપી મધ્યપ્રદેશ તરફ્ ભાગ્યો હોવાની માહિતી મળી હતી. પોલીસ ટીમે સતત પ્રયત્નો બાદ મધ્યપ્રદેશ પહોંચી આરોપી રેણુસિંહ યાદવને એમપીના ભગુવાપૂરા ખાતેથી ઝડપી પાડયો હતો. આ રીતે ધંધૂકા ડી-સ્ટાફ્ ટીમે ખૂબ જ ટૂંકા સમયમાં લૂંટની ઘટનાનો ભેદ ઉકેલી આરોપીને દબોચ્યો હતો.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 22, 2026

Himatnagar: RTO ચલણ, લગ્ન આમંત્રણની બોગસ લિંક ફરતી થઈ

સોશિયલ મિડીયાના સમયમાં અનેક ગઠિયાઓ અવનવી લિંક બનાવીને મોબાઈલમાં ફરતી કરે છે ત્યારે ઘણી વખત કેટલાક મોબાઈલ ધારકોના બેંકના ખાતાઓમાંથી અજાણ્યા શખ્સો હજારો, લાખો રૂપિયાનો ઉપાડ કરીને છેતરપીંડી કરતા હોવાની ઘટનાઓ અવારનવાર બહાર આવી રહી છે ત્યારે તાજેતરમાં ગુજરાતના અનેક જિલ્લાઓ સહિત સાબરકાંઠામાં આરટીઓ ચલન તથા લગ્નના આમંત્રણની બોગસ લિંક ફરતી થઈ છે જેથી લોકોએ સાવધાન રહીને આવી લિંક કે જેનું એક્સટેન્શન એપીકે (APK) (એપીકે એટલે કે એપ્લીકેશનનું શોર્ટ નામ) ને મોબાઈલમાંથી તરત જ ડિલીટ કરી દેવી જોઈએ તેમ નિષ્ણાતો કહી રહ્યા છે. સાબરકાંઠામાં છેલ્લા ઘણા દિવસથી અજાણ્યા ગઠીયાઓએ આરટીઓ ચલન અને લગ્નના આમંત્રણના નામે બોગસ લિંક સોશ્યલ મીડીયાના પ્લેટફોર્મ વોટ્સએપના માધ્યમથી મોબાઈલમાં ફરતી થઈ હતી. જેના લીધે ઘણાંના મોબાઈલ હેક થઈ જવાની ઘટના પણ સામે આવી હતી. ગુરુવારે હિંમતનગરના જાણીતા તબીબનો મોબાઈલ હેક થઈ ગયો હતો. જેના કારણે તેને આર્થિક કેટલું નુકસાન થયુ છે તેની વિગત તો સામે આવી નથી પરંતુ તે તબીબના મોબાઈલથી લગ્નનું આમંત્રણ એપીકે એક્સટેન્શન વાળી ફાઈલ અને લગ્નમાં પરીવાર સાથે જરુર પધારજો, એવા લખાણ સાથે તેમના મોબાઈલમાં જેટલા પણ કોન્ટેક્ટ હતા તે તમામને મોબાઈલ હેક કરવા વાળી એપ્લીકેશન એપીકે ફાઈલ ફોરવર્ડ થઈ જતાં અનેક લોકો પણ ભોગ બન્યા હોવાની સંભાવના નકારી શકાતી નથી. પરંતુ કેટલાક જાણકાર અને સમજદાર લોકોએ તરત જ આ લિંક મોબાઈલમાંથી ડીલીટ કરી દીધી હતી. જેથી લોકોએ પોતાના મોબાઈલ પર અજાણી તથા લલચામણી એપીકે નામની એપ ખોલવી જોઈએ નહીં તેમ નિષ્ણાતો ચેતવી રહ્યા છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 22, 2026

NARMADA: સાગબારા તાલુકાના ખડકુ ગામે દીપડો પાંજરે પુરાતા હાશકારો

નર્મદા વન વિભાગનાં સાગબારા રેંજના કાર્યક્ષેત્રમાં પાટલામહુ રાઉન્ડના નાનીદેવરૂપણ બીટમાં ખડકુની ગામના સીમમાં વન્યપ્રાણી દીપડો દેખાતાં ગ્રામજનોએ વન્ય પ્રાણી દીપડાને પકડવા રેંજ સાગબારા ખાતે જાણ કરી હતી.જેને લઇને વી.જી.બારીયા RFO સાગબારા દ્વારા માર્ગદર્શન અને દોરવણી આપતા એસ.એ.પટેલ વનપાલ પાટલામહુ તથા રાઉન્ડના રોજમદાર સાથે તા.16 માર્ચના રોજ બપોરે પાંજરૂ મૂકાયુ હતું. તા.21માર્ચની વહેલી સવારે વન્યપ્રાણી દીપડો પાંજરામાં પુરાતા તાત્કાલિક વન વિભાગના સ્ટાફ્ એચ.એલ.સોલંકી, સી.એન.વાઘેલા, એમ. એસ.વસાવા તથા રોજમદાર સાથે સ્થળ પર પહોંચ્યા હતા. ત્યાંથી દીપડાને રાજપીપળા ખાતે સુરક્ષિત લઈ જવાયો હતો. સાગબારા તાલુકામાં છેલ્લા ઘણા સમયથી દીપડાઓનો ઉપદ્રવ વધી જતાં વી.જી. બારીયા રેંજ ફેરેસ્ટ ઓફ્સિર સાગબારા દ્વારા 4 જગ્યાએ દીપડાને પાંજરે પુરીને પકડયાં છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward