Patna જંકશન પર 100થી વધુ જીવંત કાચબાની તસ્કરી ઝડપાઈ, 5 આરોપીઓની કરાઈ ધરપકડ
પટના જંકશન પર ટ્રેનમાંથી 100થી વધુ જીવંત કાચબાઓને બચાવવામાં આવ્યા છે, જેના કારણે કાચબાઓની ગેરકાયદેસર હેરાફેરીનો મોટો ભાંડો ફૂટ્યો છે. આ કાર્યવાહી દિલ્હી-માલદા ફરક્કા એક્સપ્રેસ ટ્રેનમાં કરવામાં આવી હતી, જ્યાં તસ્કરો દ્વારા કાચબાઓને બોરીઓમાં ભરીને ગેરકાયદેસર રીતે લઈ જવાઈ રહ્યા હતા.દિલ્હી-માલદા ફરક્કા એક્સપ્રેસમાં તસ્કરીનો પર્દાફાશ જી.આર.પી. (GRP) દ્વારા ખાસ ઓપરેશન હાથ ધરવામાં આવ્યું હતું, જેમાં 5 આરોપીઓની ધરપકડ કરવામાં આવી છે. પ્રાથમિક તપાસમાં ખુલ્યું છે કે આ તસ્કરી નેટવર્ક ઉત્તર પ્રદેશથી પશ્ચિમ બંગાળ સુધી ફેલાયેલું હતું. તસ્કરો કાચબાઓને પકડીને કાળા બજારમાં લાખો રૂપિયામાં વેચવાનું આયોજન કરી રહ્યા હતા. આ કાચબાઓને અત્યંત અમાનવીય પરિસ્થિતિમાં બોરીઓમાં બંધ કરી રાખવામાં આવ્યા હતા, જેના કારણે તેમની સ્થિતિ પણ નાજુક બની ગઈ હતી. સમગ્ર નેટવર્કને નાબૂદ કરવા માટે વધુ તપાસ હાથ ધરવામાં આવી સમયસર કાર્યવાહી થતાં તમામ કાચબાઓને બચાવી લેવામાં આવ્યા છે. બાદમાં તેમને વન વિભાગને સોંપવામાં આવ્યા છે, જ્યાં તેમની સારવાર અને સંભાળ લેવામાં આવશે. આ કેસમાં આરોપીઓ સામે વાઈલ્ડલાઈફ પ્રોટેક્શન એક્ટ હેઠળ કડક કાર્યવાહી હાથ ધરવામાં આવશે. અધિકારીઓએ જણાવ્યું છે કે આ પ્રકારની ગેરકાયદેસર પ્રવૃત્તિઓ સામે સખત કાર્યવાહી ચાલુ રહેશે અને સમગ્ર નેટવર્કને નાબૂદ કરવા માટે વધુ તપાસ હાથ ધરવામાં આવી રહી છે. આ ઘટનાએ ફરી એકવાર વન્યજીવનની સુરક્ષા માટે સતર્ક રહેવાની જરૂરિયાત ઉજાગર કરી છે. પોલીસ અને વન વિભાગના સંકલિત પ્રયાસોથી આવા ગુનાઓને રોકવા માટે વધુ પગલાં લેવામાં આવી રહ્યા છે. આ પણ વાંચો : Mumbai એરપોર્ટ પર દાણચોરી ઝડપાઈ, 2 કરોડની કિંમતનો નશીલો પદાર્થ પકડાયો
Read Full Story arrow_forward
