Community News & Updates

Stay informed with the latest happenings, achievements, and announcements from our community.

All News

calendar_today March 20, 2026

Surendranagar News : કચ્છના નાના રણમાં કમોસમી વરસાદથી અગરિયાઓને મોટું નુકસાન, સોલાર પેનલો તૂટીને ઢળી પડી

સુરેન્દ્રનગરના લખતરમાં કચ્છના નાના રણમાં મહેનત કરતા અગરિયા પરિવારો અને ખેડૂતો પર આ વખતે કુદરતી આફતનો ભારે પ્રહાર થયો છે. અચાનક આવેલા વાવાઝોડા અને કમોસમી વરસાદના કારણે વર્ષભરની મહેનતથી તૈયાર કરેલું મીઠું બરબાદ થઈ ગયું છે. અનેક અગરિયા પરિવારોની સોલાર પેનલો તૂટી ગઈ છે, ઝુંપડાં નુકસાન પામ્યા છે અને જીવન નિર્વાહ માટેનો એકમાત્ર આધાર ખોવાઈ ગયો છે.સરવે કરીને અગરિયા પરિવારો અને ખેડૂતોને યોગ્ય રાહત પેકેજ આપવામાં આવે આ ઉપરાંત ખેતરોમાં ઉભા પાકને પણ ભારે નુકશાન થયું છે ત્યારે ખેડૂતો પણ પાયમાલ થયા છે. આથી આ પરિવારો હવે અત્યંત દયનીય પરિસ્થિતિમાં છે. સરકારને વિનંતી છે કે તાત્કાલિક સરવે કરીને અગરિયા પરિવારો અને ખેડૂતોને યોગ્ય રાહત પેકેજ આપવામાં આવે. રણ વિસ્તારમાં અગરિયાઓના રહેવા માટે બનાવવામાં આવેલા કાચા છાપરા જોરદાર પવનમાં ઉડી ગયા હતા. અનેક જગ્યાએ છાપરા તૂટી પડતા પરિવારો મુશ્કેલીમાં મુકાયા હતા. છાપરા ઉડી જતાં અંદર રાખેલી ઘરવખરી, અનાજ, કપડાં તેમજ રોજિંદા ઉપયોગની વસ્તુઓને પણ ભારે નુકસાન પહોંચ્યું હતું. કચ્છના નાના રણમાં કુદરતનો પ્રકોપ નાના રણમાં મીઠું પકવવા માટે પંપ ચલાવવા માટે મોટા પાયે સોલાર એનર્જીનો ઉપયોગ થાય છે. જોકે, આજે ફૂંકાયેલા અત્યંત તેજ પવન અને વાવાઝોડાના કારણે અનેક જગ્યાએ સોલાર પેનલો તૂટી પડી છે. પવનની ગતિ એટલી તીવ્ર હતી કે મજબૂત રીતે ફિટ કરેલી પેનલો પણ હવામાં ફંગોળાઈ હતી અને જમીનદોસ્ત થઈ ગઈ હતી. આ પણ વાંચો : Gandhinagar News : મુખ્યમંત્રી ભૂપેન્દ્ર પટેલની ઉપસ્થિતિમાં જલ જીવન મિશન 2.0 અંતર્ગત કેન્દ્ર અને રાજ્ય સરકાર વચ્ચે મહત્વપૂર્ણ MOU સંપન્ન

Read Full Story arrow_forward

calendar_today March 20, 2026

Stock Market Today: ગુુરુવારે શેરબજાર ક્રેશ અને આજે જબરદસ્ત તેજી કેમ? જાણો કારણ

ગુરુવારે ભારતીય શેરબજારમાં જબરદસ્ત ઘટાડો જોવા મળ્યો હતો.  2400 પોઇન્ટનો કડાકો બોલાતા રોકાણકારોને તો લાખો કરોડો રૂપિયાનું નુકસાન થયુ હતું. પરંતુ શેરબજાર બીજા જ દિવસે લીલા નિશાનમાં ખૂલ્યું હતું. શેરબજારમાં ગુરુવારે ઘટાડા બાદ શુક્રવારે તેજી અઠવાડિયાના અંતિમ ટ્રેડિંગ દિવસે BSE સેન્સેક્સ - જેમાં ટોચના 30 શેરોનો સમાવેશ થાય છે - 944.20 પોઈન્ટ અથવા 1.27 ટકાનો ઉછાળો જોવા મળ્યો હતો, જેના કારણે ઇન્ડેક્સ 75,120.22 પર ટ્રેડ થયો હતો. ગુરુવારે ભારે ઘટાડાને કારણે, સેન્સેક્સ 74,200 ના સ્તરે ગબડી ગયો હતો. તેવી જ રીતે, નિફ્ટી 285 પોઈન્ટ અથવા 1.30 ટકા વધીને 23,285 પર ટ્રેડ થયો હતો. નિફ્ટી બેંક ઇન્ડેક્સમાં 600 પોઈન્ટનો ઉછાળો જોવા મળ્યો હતો અને તે 54,000 ના સ્તરથી ઉપર જળવાઈ રહ્યો છે.શેરબજારમાં મજબૂત રિકવરી બજારમાં મજબૂત રિકવરી જોવા મળી છે, જે ઓટો, બેંકિંગ, IT, મેટલ, રિયલ એસ્ટેટ, ફાર્મા, કેમિકલ્સ અને ઉર્જા ક્ષેત્રોના શેરોમાં જોરદાર ખરીદી દ્વારા દર્શાવવામાં આવી છે. બજારનો વ્યાપક માહોલ હકારાત્મક રહ્યો છે; નિફ્ટી મિડકેપ 100 1.52 ટકા વધ્યો છે, જ્યારે નિફ્ટી સ્મોલકેપ 100 0.89 ટકા વધ્યો છે. BSE ટોપ 30 ઇન્ડેક્સમાં, HDFC અને બજાજ ફાઇનાન્સ સિવાય, બધા શેરોમાં તેજી જોવા મળી રહી છે. ટાટા સ્ટીલ (4 ટકા વધ્યો), ટેક મહિન્દ્રા (3 ટકા વધ્યો) અને રિલાયન્સ (3 ટકા વધ્યો) માં સૌથી નોંધપાત્ર વધારો નોંધવામાં આવ્યો છે. આ ચોક્કસ શેરોએ બજારને પ્રાથમિક મજબૂતી પૂરી પાડી છે. શેરબજારમાં આટલી તેજી કેમ ? શેરબજારમાં તેજીનું પ્રાથમિક કારણ ક્રૂડ ઓઇલને સંબંધિત છે. પશ્ચિમ એશિયામાં ચાલી રહેલા સંઘર્ષ વચ્ચે તેલના ભાવમાં ઘટાડો થયા બાદ વૈશ્વિક બજારોને રાહત મળી છે. જ્યારે પાછલા સત્રમાં ક્રૂડ ઓઇલના ભાવ $119.13 પ્રતિ બેરલ સુધી વધી ગયા હતા . ઊર્જા  ક્ષેત્ર પરના હુમલાઓને કારણે  બ્રેન્ટ ક્રૂડનો ભાવ આજે પ્રતિ બેરલ $107 પર પાછો ફર્યો છે. એક નિવેદનમાં  ઇઝરાયલી વડા પ્રધાન નેતન્યાહૂએ સંકેત આપ્યો કે ઇઝરાયલ સ્ટ્રેટને ફરીથી ખોલવાના યુએસ પ્રયાસોને સમર્થન આપે છે અને તે ઇરાની તેલ અને ગેસ સુવિધાઓ પર વધુ હુમલાઓ શરૂ કરશે નહીં. આ સંઘર્ષ સંભવિત રીતે અપેક્ષા કરતા વહેલા સમાપ્ત થઈ શકે છે.જૂન 2024 પછીના સૌથી ખરાબ ટ્રેડિંગ સત્રના સાક્ષી બન્યાના એક દિવસ પછી એટલેકે 19 જૂન બાદ  ભારતીય ઇક્વિટી બેન્ચમાર્કમાં મૂલ્ય ખરીદી જોવા મળી, જેમાં 3% થી વધુનો ઘટાડો થયો. નિષ્ણાતોએ મનોવૈજ્ઞાનિક રીતે મહત્વપૂર્ણ 23,000 સ્તરથી પુનઃપ્રાપ્તિની અપેક્ષા રાખી હતી. યુએસ શેરબજાર ગુરુવારે નીચા સ્તરે બંધ થયા હતા પરંતુ ઇઝરાયલી વડા પ્રધાનના નિવેદન બાદ તેમાં રિકવરી જોવા મળી હતી. આજે એશિયન બજારોમાં પણ તેજી જોવા મળી રહી છે.આ પણ વાંચોઃ Crude Oil Price: ટ્રંપનો યુ ટર્ન! અમેરિકાનો એક નિર્ણય અને સસ્તુ થઇ શકે છે કાચુ તેલ

Read Full Story arrow_forward

calendar_today March 20, 2026

બાળકોના ભણતરથી લઈને ઓફિસના ભોજન સુધી, જાણો 1 April થી બદલાઇ જશે આ નિયમો

કેન્દ્ર સરકાર આગામી 1 એપ્રિલ, 2026થી દેશની આવકવેરા પ્રણાલીમાં ક્રાંતિકારી ફેરફારો કરવાની તૈયારી કરી રહી છે. જૂની ટેક્સ સિસ્ટમને સ્થાને હવે નવો આવકવેરા કાયદો લાવવામાં આવશે, જેનો મુખ્ય હેતુ ટેક્સ પ્રક્રિયાને સરળ બનાવવાનો છે. આ નવા ડ્રાફ્ટ મુજબ, હાલના ૫૧૧ નિયમોને ઘટાડીને ૩૩૩ કરી દેવામાં આવશે. આ ફેરફારોની સીધી અસર નોકરિયાત વર્ગના પગાર, કંપની દ્વારા અપાતા મકાન, કાર અને અન્ય ભથ્થાં પર પડશે. કંપનીના ઘર (Rent Free Accommodation) પર રાહત નવા નિયમો મુજબ, કંપની દ્વારા પૂરા પાડવામાં આવતા ઘર પરના ટેક્સની ગણતરી હવે શહેરની વસ્તીના આધારે થશે. 40 લાખથી વધુ વસ્તી: વેતનના 10% ટેક્સ (જે પહેલા ૧૫% સુધી હતો). 1.5 થી 40 લાખ વસ્તી: 7.5% ટેક્સ. નાના શહેરો: માત્ર 5% ટેક્સ. આ ફેરફારથી મેટ્રો શહેરોમાં રહેતા કર્મચારીઓના હાથમાં વધુ પગાર (Take home salary) આવશે. કાર અને ડ્રાઇવરના નિયમોમાં ફેરફાર કંપની તરફથી મળતી કાર અને ડ્રાઇવરની સુવિધાના ટેક્સ દરમાં સુધારો કરાયો છે. 1.6 લિટર સુધીના એન્જિનવાળી કાર માટે દર મહિને ₹5000 અને તેનાથી મોટી કાર માટે ₹7000 ટેક્સ ફિક્સ કરાયો છે. ડ્રાઇવરની સુવિધા માટે ₹3000 ટેક્સ લાગશે. અગાઉ આ દરો ઘણા ઓછા હતા, જે હવે વાસ્તવિક મૂલ્યની નજીક લાવવામાં આવ્યા છે. ભોજન અને ભેટ પર મોટી છૂટ કર્મચારીઓને ઓફિસમાં મળતા મફત ભોજન પરની કરમુક્તિ મર્યાદા પ્રતિ ભોજન ₹50 થી વધારીને ₹200 કરવામાં આવી છે. તેવી જ રીતે, વર્ષ દરમિયાન મળતી ભેટ કે વાઉચરની મર્યાદા પણ ₹5000 થી વધારીને ₹15000 કરાઈ છે. આનાથી તહેવારોમાં મળતા બોનસ કે પુરસ્કારો પર ટેક્સનો બોજ ઘટશે. બાળકોનું શિક્ષણ અને હોસ્ટેલ ભથ્થું વાલીઓ પરનો આર્થિક ભાર ઘટાડવા માટે, શિક્ષણ ભથ્થું હવે પ્રતિ બાળક દર મહિને ₹3000 અને હોસ્ટેલ ભથ્થું ₹9000 સુધી કરમુક્ત રહેશે. આ અગાઉના જૂના દરો (જે ₹100-300 હતા) ની સરખામણીએ ઘણો મોટો વધારો છે. વ્યાજમુક્ત લોન અને અન્ય જોગવાઈઓ બીમારી કે અન્ય જરૂરિયાતો માટે કંપની પાસેથી લીધેલી ₹2 લાખ સુધીની વ્યાજમુક્ત લોન પર હવે કોઈ ટેક્સ નહીં લાગે. જોકે, ભાડાના મકાનમાં રહેતા લોકોએ જો વાર્ષિક ₹ 1 લાખથી વધુ ભાડું ચૂકવતા હોય, તો મકાનમાલિક સાથેના સંબંધો જાહેર કરવા ફરજિયાત બનશે. આ પણ વાંચોઃ UAE નો ઇરાન પર સાયલન્ટ પ્રહાર, હથિયાર ઉઠાવ્યા વિના ઈરાન સામે બદલો

Read Full Story arrow_forward