Community News & Updates

Stay informed with the latest happenings, achievements, and announcements from our community.

All News

calendar_today March 20, 2026

Surendranagar: લખતરમાં વાવાઝોડા અને વરસાદે ખેતી પાકોનો વિનાશ વેર્યો, ખેડૂતો આર્થિક સંકટમાં

લખતર શહેર તેમજ ગ્રામ્ય વિસ્તારોમાં ગત રાત્રે અચાનક વાતાવરણમાં પલટો આવતા ભારે પવન સાથે મિની વાવાઝોડું ત્રાટક્યું હતું. આ કમોસમી વરસાદ અને વાવાઝોડાને કારણે ખેડૂતોના તૈયાર થયેલા પાકનો સોથ વળતા ધરતીપુત્રો ભારે મુશ્કેલીમાં મુકાયા છે.કમોસમી વરસાદથી પાકને થયેલું નુકસાનલખતર પંથકમાં ખેડૂતો દ્વારા વાવવામાં આવેલા ઘઉં, ચણા, જીરું, એરંડા, કપાસ અને અજમા જેવા મહત્વના પાકોને આ કુદરતી આફતે ભારે નુકસાન પહોંચાડ્યું છે. ખાસ કરીને તૈયાર થયેલા ઘઉં અને કપાસનો પાક પવનને કારણે જમીનદોસ્ત થઈ ગયો છે. માવઠાને કારણે ખેડૂતોનો મોંએ આવેલો કોળિયો છીનવાઈ ગયો હોય તેવી સ્થિતિ સર્જાઈ છે.ખેડૂતોની સરકાર પાસે માગવર્ષભરની મહેનત અને મોંઘા બિયારણ-ખાતરનો ખર્ચ કરીને તૈયાર કરેલો પાક નિષ્ફળ જતાં ખેડૂતો હવે સરકાર સામે મીટ માંડીને બેઠા છે. લખતર પંથકના અસરગ્રસ્ત ખેડૂતોએ માંગ કરી છે કે, સરકાર દ્વારા યુદ્ધના ધોરણે નુકસાનીનો સર્વે કરવામાં આવે અને ખેડૂતોને થયેલા આર્થિક નુકસાન બદલ યોગ્ય વળતર અથવા સહાય ચૂકવવામાં આવે.આ પણ વાંચો: Morbi: ભારે પવનથી રાજપર રોડ પર મંડપ ડેકોરેશનનો ગેટ ધરાશાયી, બાગાયતી પાક જમીનદોસ્ત

Read Full Story arrow_forward

calendar_today March 20, 2026

Surendranagar News : સુરેન્દ્રનગર હવામહેલ ખાતે 21-22 માર્ચ બે દિવસીય ‘મિલેટ મહોત્સવ અને પ્રાકૃતિક ફાર્મર માર્કેટ-2026’નું આયોજન કરાયું

ગુજરાત સરકારના કૃષિ, ખેડૂત કલ્યાણ અને સહકાર વિભાગ દ્વારા રાજ્યના નાગરિકોમાં પૌષ્ટિક આહાર પ્રત્યે જાગૃતિ લાવવા અને પ્રાકૃતિક ખેતી કરતા ખેડૂતોને પ્રોત્સાહન પૂરું પાડવાના ઉમદા આશયથી સુરેન્દ્રનગરના વઢવાણ ખાતે આવતીકાલ તા. ૨૧ અને ૨૨ માર્ચ, ૨૦૨૬ના રોજ ‘મિલેટ મહોત્સવ અને પ્રાકૃતિક ફાર્મર માર્કેટ’નું ભવ્ય આયોજન કરવામાં આવ્યું છે. મહાનુભાવોની ગરિમામય ઉપસ્થિતિમાં મહોત્સવની શોભા વધારવામાં આવશે ‘સ્વાસ્થ્ય, સમૃદ્ધિ અને સંસ્કૃતિનો અનેરો ઉત્સવ’ના સૂત્રને સાર્થક કરતા આ મહોત્સવમાં બરછટ ધાન્યો એટલે કે મિલેટ્સ અને રસાયણમુક્ત ખેતીના મહત્વ પર વિશેષ ભાર મૂકવામાં આવશે. કાર્યક્રમમાં મુખ્ય અતિથિ તરીકે ગુજરાત વિધાનસભાના નાયબ મુખ્ય દંડક જગદીશભાઈ મકવાણા ઉપસ્થિત રહેશે. આ પ્રસંગે સાંસદ ચંદુભાઈ શિહોરા, ધારાસભ્ય સર્વે કિરીટસિંહ રાણા, શામજીભાઈ ચૌહાણ, પ્રકાશભાઈ વરમોરા અને પરષોત્તમભાઈ પરમાર સહિતના મહાનુભાવોની ગરિમામય ઉપસ્થિતિમાં મહોત્સવની શોભા વધારવામાં આવશે. શાકભાજી અને ફળો ખેડૂતો પાસેથી સીધા જ ખરીદવાની તક મળશે આ પ્રદર્શનમાં મુખ્યત્વે મિલેટ પ્રોડક્ટ્સ અને પ્રાકૃતિક કૃષિ પેદાશોના વેચાણ માટે વિશેષ સ્ટોલ્સ ઊભા કરવામાં આવ્યા છે. અહીં મુલાકાતીઓને બાજરી, જુવાર અને રાગી જેવા પૌષ્ટિક ધાન્યોમાંથી બનેલી આધુનિક વાનગીઓનો રસાસ્વાદ માણવા મળશે, સાથે જ પ્રાકૃતિક પદ્ધતિથી પકવેલા તાજા શાકભાજી અને ફળો ખેડૂતો પાસેથી સીધા જ ખરીદવાની તક મળશે. આ માર્કેટનો મુખ્ય ઉદ્દેશ્ય વચેટિયાઓને દૂર કરી ખેડૂતોને આર્થિક સદ્ધરતા આપવાનો અને ગ્રાહકોને ઉત્તમ સ્વાસ્થ્યપ્રદ આહાર ઉપલબ્ધ કરાવવાનો છે. પ્રાકૃતિક જીવનશૈલી અપનાવવા હાર્દિક આમંત્રણ ઉલ્લેખનીય છે કે, વડાપ્રધાન નરેન્દ્રભાઈ મોદીના ‘શ્રી અન્ન’ અભિયાનને છેવાડાના માનવી સુધી પહોંચાડવા માટે ગુજરાત સરકાર દ્વારા રાજ્યની 17 મહાનગરપાલિકાઓમાં આવા કાર્યક્રમોનું આયોજન કરવામાં આવ્યું છે. સુરેન્દ્રનગર વહીવટી તંત્ર દ્વારા શહેરના પ્રબુદ્ધ નાગરિકો અને ખેડૂત મિત્રોને આ પ્રદર્શનની મુલાકાત લેવા અને પ્રાકૃતિક જીવનશૈલી અપનાવવા હાર્દિક આમંત્રણ પાઠવવામાં આવ્યું છે. આ પણ વાંચો : Arvalli News : કમોસમી વરસાદે ખેડૂતના હાથમાં આવેલો કોળીયો છીનવી લીધો, અરવલ્લી જિલ્લાના ખેડૂતોને ઘઉંના પાકમાં નુકસાન આવ્યું

Read Full Story arrow_forward

calendar_today March 20, 2026

Ahmedabad: ઘરફોડ ચોરીના નેટવર્કનો પર્દાફાશ, ગ્રામ્ય LCBએ બે રીઢા તસ્કરોને દબોચ્યા

અમદાવાદમાં વધતી જતી ઘરફોડ ચોરીની ઘટનાઓ ડામવા માટે પોલીસ એક્શન મોડમાં આવી છે. અમદાવાદ ગ્રામ્ય લોકલ ક્રાઈમ બ્રાન્ચ (LCB) એ વટવા વિસ્તારમાં ઓપરેશન હાથ ધરીને ઘરફોડ ચોરીમાં સંડોવાયેલા બે રીઢા આરોપીઓની ધરપકડ કરી છે. આ ધરપકડ સાથે જ પોલીસ દ્વારા કુલ 3 જેટલા ઘરફોડ ચોરીના ગુનાઓનો ભેદ ઉકેલી નાખવામાં આવ્યો છે.સીસીટીવીની મદદથી મળી સફળતામળતી માહિતી મુજબ, ચોરીની ઘટનાઓ બાદ પોલીસ દ્વારા વિવિધ વિસ્તારોના CCTV ફૂટેજ તપાસવામાં આવ્યા હતા. સીસીટીવીની મદદથી પોલીસ આરોપીઓના સગડ મેળવવામાં સફળ રહી હતી અને ટેકનિકલ સર્વેલન્સના આધારે વટવા વિસ્તારમાંથી બે શખ્સોને દબોચી લીધા હતા. પોલીસની પ્રાથમિક પૂછપરછમાં આ તસ્કરોએ 14.60 લાખની ચોરી કરી હોવાની કબૂલાત કરી છે.મુદ્દામાલ અને તપાસપોલીસે ઝડપાયેલા આરોપીઓ પાસેથી 7.30 લાખ રૂપિયાનો મુદ્દામાલ કબ્જે કર્યો છે. આ ગેંગમાં અન્ય એક સાગરીત પણ સામેલ હોવાનું બહાર આવ્યું છે, જેને હાલ પોલીસ દ્વારા ફરાર જાહેર કરી તેની શોધખોળ હાથ ધરવામાં આવી છે. આરોપીઓની કડક પૂછપરછમાં અમદાવાદના અન્ય વિસ્તારોમાં થયેલી ચોરીઓના ભેદ પણ ઉકેલાય તેવી શક્યતા છે. હાલ વટવા પોલીસે ગુનો નોંધી આગળની કાયદેસરની કાર્યવાહી શરૂ કરી છે.આ પણ વાંચો: Surendranagar: લખતરમાં વાવાઝોડા અને વરસાદે ખેતી પાકોનો વિનાશ વેર્યો, ખેડૂતો આર્થિક સંકટમાં

Read Full Story arrow_forward