Community News & Updates

Stay informed with the latest happenings, achievements, and announcements from our community.

All News

calendar_today March 20, 2026

Morbi: ભારે પવનથી રાજપર રોડ પર મંડપ ડેકોરેશનનો ગેટ ધરાશાયી, બાગાયતી પાક જમીનદોસ્ત

મોરબી જિલ્લામાં અચાનક બદલાયેલા વાતાવરણ અને ફૂંકાયેલા અતિ ભારે પવનને કારણે જનજીવન અસ્તવ્યસ્ત થઈ ગયું છે. જિલ્લાના વિવિધ વિસ્તારોમાં મીની વાવાઝોડા જેવી સ્થિતિ સર્જાતા મંડપ ડેકોરેશન, કારખાનાના શેડ અને ખેતી પાકોને વ્યાપક નુકસાન પહોંચ્યું છે.શહેરી અને ગ્રામ્ય વિસ્તારમાં નુકસાનીમોરબીના રાજપર રોડ પર આવેલા એક પાર્ટી પ્લોટમાં ભારે પવનના કારણે મંડપ ડેકોરેશનનો મુખ્ય ગેટ ધરાશાયી થયો હતો. સદનસીબે આ ઘટનામાં કોઈ જાનહાનિના સમાચાર નથી. બીજી તરફ, ગ્રામ્ય વિસ્તારોમાં અનેક કારખાનાઓના પતરા અને શેડ પણ હવામાં ઊડ્યા હોવાના અહેવાલ મળી રહ્યા છે.રણકાંઠાના અગરિયાઓની હાલત કફોડીહળવદ અને માળીયાના રણકાંઠા વિસ્તારમાં મીની વાવાઝોડાએ ભારે તબાહી મચાવી છે. રણમાં મીઠું પકવતા અગરિયાઓની સોલાર પેનલો પવનમાં ફંગોળાઈ જવાથી મોટું આર્થિક નુકસાન થયું છે. આ ઉપરાંત અગરિયાઓના કાચા ઝૂંપડાઓ પણ ધરાશાયી થઈ ગયા છે, જેને કારણે તેઓ ખુલ્લા આકાશ નીચે આવી ગયા છે.ખેડૂતોનો મોંએ આવેલો કોળિયો છીનવાયોમોરબી જિલ્લામાં બાગાયતી પાક લેતા ખેડૂતો માટે આ પવન આફત બનીને આવ્યો છે. ભારે પવનને કારણે તૈયાર થયેલો બાગાયતી પાક ખરી પડ્યો છે. ખેડૂતોની વર્ષભરની મહેનત અને ખર્ચ પર પાણી ફરી વળતા "મોંએ આવેલો કોળિયો છીનવાયો" જેવી સ્થિતિ સર્જાઈ છે. હાલમાં અસરગ્રસ્તો દ્વારા સરકાર પાસે સર્વે કરી વળતર આપવાની માંગ કરવામાં આવી રહી છે.આ પણ વાંચો: Amreli: મીની વાવાઝોડાએ ખાંભા ગીરમાં કેસરી કેરીનો સોથ વાળ્યો, બાગાયતદારોને લાખોનું નુકસાન

Read Full Story arrow_forward

calendar_today March 20, 2026

Bihar Next CM: તો બિહારના નવા મુખ્યમંત્રી ફાઇનલ? NDAના આ નેતાએ CMના નવા નામ પર સહમતિ દર્શાવી

બિહારના મુખ્યમંત્રી કોણ તે હજી નક્કી થઇ શક્યુ નથી. પરંતુ સમ્રાટ ચૌધરીના નામની અટકળી તો તેજ ગતિએ ચાલી રહી છે. નીતિશ કુમાર પણ આ અંગે સંકેતો આપી રહ્યા છે. ત્યારે હવે આ તમામ અટકળોને વેગ મળ્યો છે. કારણ કે કેન્દ્રીય મંત્રી જીતનરામ માંઝીએ પટનામાં તેમના નિવાસ સ્થાને મળેલી બેઠકમાં મહત્વનો ખુલાસો કર્યો છે. મુખ્યમંત્રીના નામ માટે કોણ આગળ ?બિહારના નવા મુખ્યમંત્રી પદ માટે દાવેદારોની યાદીમાં જો હાલમાં કોઈ નામ ટોચ પર હોય તો તે સમ્રાટ ચૌધરી છે. તેઓ હાલમાં બિહારના નાયબ મુખ્યમંત્રી તરીકે સેવા આપે છે અને ગૃહ વિભાગનો હવાલો પણ સંભાળે છે. તાજેતરમાં, 'સમૃદ્ધિ યાત્રા' (સમૃદ્ધિ માર્ચ) દરમિયાન, નીતિશ કુમારે સમ્રાટ ચૌધરી વિશે ટિપ્પણી કરી હતી કે તેઓ ભવિષ્યના કામકાજનું નિરીક્ષણ કરશે. આનાથી એવી અટકળોને વેગ મળ્યો છે કે તેઓ સંભવિત રીતે બિહારના આગામી મુખ્યમંત્રી બની શકે છે. આને ધ્યાનમાં રાખીને, NDA ગઠબંધનમાં સામેલ નેતા જીતન રામ માંઝીએ હવે એક મહત્વપૂર્ણ ખુલાસો કર્યો છે.ઇફતાર પાર્ટીમાં જીતનરામ રહ્યા હાજર  19 માર્ચે કેન્દ્રીય મંત્રી જીતન રામ માંઝીએ પટણામાં તેમના નિવાસસ્થાને એક ઇફ્તાર પાર્ટીનું આયોજન કર્યું હતું. NDAના અન્ય ઘણા અગ્રણી નેતાઓ સાથે નીતિશ કુમાર પણ હાજર રહ્યા હતા. આ પ્રસંગે મીડિયા સાથે વાત કરતા, જીતન રામ માંઝીએ બિહારના આગામી મુખ્યમંત્રીની ઓળખ અંગે પોતાના વિચારો શેર કર્યા હતા. જો નીતિશ કુમાર કહે છે કે તો તેવું કરશે જ- નીતિશ કુમાર પત્રકારોએ પૂછ્યું કે શું એવું લાગે છે કે સમ્રાટ ચૌધરી મુખ્યમંત્રી બનશે, નોંધ્યું કે નીતિશ કુમાર વારંવાર આવા સંકેતો આપી રહ્યા છે. આના જવાબમાં જીતન રામ માંઝીએ કહ્યું, "નીતીશ કુમાર *જી* ખૂબ જ પારદર્શક વ્યક્તિ છે... તેઓ તેમના મનમાં જે હોય છે તેના પર કાર્ય કરે છે. જ્યારે તેઓ હંમેશા ચોક્કસ વ્યક્તિઓ વિશે તેમના વિચારો મૌખિક રીતે વ્યક્ત કરતા નથી, જો તેઓ આ પ્રકારના સંકેતો આપી રહ્યા છે, તો તે એક સંકેત તરીકે લેવું જોઈએ કે તેઓ તે ઇરાદાથી પાછળ હટશે નહીં. મારો પણ મત છે કે સમ્રાટ ચૌધરી *જી* એ વ્યક્તિ દેખાય છે જે નીતિશ કુમાર મુખ્યમંત્રી પદ માટે ઇચ્છે છે..." આવો જવાબ આપીને, માંઝીએ, એક અર્થમાં, સમ્રાટ ચૌધરી પ્રત્યે પોતાનું સમર્થન દર્શાવ્યું છે.  નિશાંત કુમારના ભરપૂર કર્યા વખાણ આજકાલ નિશાંત કુમાર અને સમ્રાટ ચૌધરીની જોડી દેખાઈ રહી છે અને શું નિશાંત કુમાર ડેપ્યુટી સીએમ બની શકે છે તે અંગે પૂછવામાં આવેલા પ્રશ્નના જવાબમાં માંઝીએ મીડિયાને કહ્યું, "નિશાંત *જી* રાજકારણના ક્ષેત્રમાં પ્રમાણમાં નવા છે... તેઓ એક ધીરજવાન અને સહિષ્ણુ વ્યક્તિ છે. મેં હમણાં જ જોયું - જ્યારે તેઓ અહીં (ઇફ્તાર મેળાવડામાં) પહોંચ્યા, ત્યારે તેમણે હાજર રહેલા દરેકનું આદરપૂર્વક સ્વાગત કર્યું. આ ખૂબ જ પ્રશંસનીય ગુણ છે. મને વિશ્વાસ છે કે તેમને જે પણ જવાબદારી સોંપવામાં આવશે, તે તે ખૂબ જ યોગ્યતા સાથે નિભાવશે

Read Full Story arrow_forward

calendar_today March 20, 2026

Iran-Israel યુદ્ધ વચ્ચે અર્મેનિયા અને અઝરબૈજાન ભારતીયો માટે બન્યું લાઇફલાઇન, 880 ભારતીયોની ઘરવાપસી

મધ્ય પૂર્વમાં ઈરાન, ઈઝરાયેલ અને અમેરિકા વચ્ચે ભભૂકી રહેલા યુદ્ધની જ્વાળાઓમાં હજારો નિર્દોષ લોકો ફસાયા છે, જેમાં મોટી સંખ્યામાં ભારતીય નાગરિકો અને વિદ્યાર્થીઓનો સમાવેશ થાય છે. આ કટોકટીના સમયે ભારત સરકારે અત્યંત સક્રિયતા દાખવીને પોતાના નાગરિકોને સુરક્ષિત બહાર કાઢવાની પ્રક્રિયા શરૂ કરી દીધી છે. ગુરુવારે જારી કરાયેલા અહેવાલ મુજબ, અત્યાર સુધીમાં 880 ભારતીયો સફળતાપૂર્વક સ્વદેશ પરત ફર્યા છે. આર્મેનિયા અને અઝરબૈજાન બની નવી જીવનરેખા યુદ્ધને કારણે મધ્ય પૂર્વના ઘણા દેશોએ તેમનું હવાઈ ક્ષેત્ર (Airspace) સંપૂર્ણપણે બંધ કરી દીધું છે, જેના કારણે સીધી ફ્લાઈટ્સ દ્વારા ભારતીયોને લાવવા અશક્ય બન્યા હતા. આ કપરા સમયમાં ભારત સરકારે વૈકલ્પિક માર્ગો શોધ્યા છે. પરત ફરેલા 880 નાગરિકોમાંથી 772 લોકો આર્મેનિયા થઈને આવ્યા છે, જ્યારે 110 લોકો અઝરબૈજાન ના માર્ગે ભારત પહોંચ્યા છે. આ પડોશી દેશો દ્વારા તૈયાર કરાયેલ કોરિડોર ભારતીયો માટે જીવનરેખા સાબિત થઈ રહ્યો છે. યાત્રાળુઓ અને વિદ્યાર્થીઓની સ્થિતિ સરકારે માહિતી આપી છે કે ઈરાનમાં ફસાયેલા 284 ભારતીય યાત્રાળુઓમાંથી લગભગ તમામની સુરક્ષિત વાપસી થઈ ગઈ છે. જોકે, હજુ પણ ચિંતાનો વિષય એ છે કે આશરે 9,000 ભારતીય નાગરિકો હજુ પણ ઈરાનના વિવિધ ભાગોમાં હાજર છે. ભારતીય દૂતાવાસો આ તમામ સાથે સતત સંપર્ક જાળવી રહ્યા છે અને તેમની સુરક્ષા સુનિશ્ચિત કરવા માટે એડવાઈઝરી જારી કરી છે. સરકારની સજ્જતા અને હેલ્પલાઈન વિદેશ મંત્રાલયે યુદ્ધગ્રસ્ત વિસ્તારોમાં ફસાયેલા લોકોની મદદ માટે 24x7 કંટ્રોલ રૂમ અને હેલ્પલાઈન નંબરો સ્થાપિત કર્યા છે. સરકાર દ્વારા ભારતીયોને કડક સૂચના આપવામાં આવી છે કે સરહદ પાર કરતા પહેલા અથવા કોઈપણ મુસાફરી કરતા પહેલા સ્થાનિક દૂતાવાસનો સંપર્ક અવશ્ય કરવો. બાકી રહેલા નાગરિકોને પણ તબક્કાવાર રીતે બહાર કાઢવા માટે ભારત સરકાર આંતરરાષ્ટ્રીય સ્તરે રાજદ્વારી પ્રયાસો કરી રહી છે. આ પણ વાંચોઃ Iran વિરુદ્ધ 6 શક્તિશાળી દેશો એકજૂથ, દરિયાઈ માર્ગે રક્ષણ આપવા લશ્કરી કવાયત

Read Full Story arrow_forward