Dhandhuka: એક્સપ્રેસ હાઈવે પર આંબલી સર્કલનો માર્ગ જોખમી
અમદાવાદ જિલ્લામાં ધોલેરા - પીપળી માર્ગ પર એક્સપ્રેસ હાઈવે ઉપર આવેલ આંબલી સર્કલનો વળાંક હાલ વાહનચાલકો માટે જીવલેણ સાબિત થઈ રહ્યો છે. સાંકડો રસ્તો અને અચાનક આવતા ભયજનક વળાંકને કારણે છેલ્લા એક મહિનામાં નાના-મોટા મળી કુલ 11 અકસ્માતોની ઘટના સામે આવી છે. જેમાં અનેક વાહનો પલ્ટી ખાઈ ગયા છે.બે દિવસ અગાઉ એક ટ્રક પલ્ટી મારવાની ઘટના બાદ આજે ફરી એક ટ્રક પલ્ટી જતા અકસ્માત સર્જાયો હતો, જેના કારણે આ વિસ્તારમાં ફરી ભયનો માહોલ ફેલાયો છે. સતત બનેલા અકસ્માતોને કારણે વાહનચાલકોમાં દહેશત વ્યાપી ગઈ છે. સ્થાનિક લોકો અને વાહનચાલકો દ્વારા આ વળાંકને તાત્કાલિક સુધારી રસ્તો પહોળો કરવાની માંગ જોર પકડી રહી છે. લોકોનું કહેવું છે કે જો સમયસર યોગ્ય પગલાં લેવામાં નહીં આવે તો વધુ ગંભીર અકસ્માતો સર્જાઈ શકે છે. પ્રશાસન દ્વારા તાત્કાલિક પગલાં લેવામાં આવે અને આ જોખમી વળાંકને સલામત બનાવવામાં આવે તેવી લોકમાગ હવે ઉગ્ર બની રહી છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
