Community News & Updates

Stay informed with the latest happenings, achievements, and announcements from our community.

All News

calendar_today March 18, 2026

Rajkot : ભાવેશ વાણવી હત્યા કેસમાં નવો વળાંક, હત્યા પહેલા આરોપીઓ અને મૃતક વચ્ચે થઇ હતી સમાધાનની બેઠક

રાજકોટ શહેરમાં દલિત યુવાન ભાવેશ વાણવીની હત્યાના પ્રકરણે સમગ્ર પંથકમાં ભારે અરેરાટી ફેલાવી દીધી છે. આ હિંસક ઘટનામાં હવે એક નવો વળાંક આવ્યો છે, જેમાં હત્યાની પહેલાના સીસીટીવી ફૂટેજ પોલીસના હાથે લાગ્યા છે. આ ફૂટેજમાં મૃતક અને હત્યારાઓ વચ્ચેની હિલચાલ કેદ થઈ છે.સીસીટીવીમાં શું દેખાયું? સામે આવેલા સીસીટીવી ફૂટેજ મુજબ, ભાવેશની હત્યા કરવામાં આવી તે પહેલા હત્યારાઓ અને ભાવેશ વચ્ચે એક બેઠક યોજાઈ હતી. જાણવા મળે છે કે વિવાદના મામલે આ સમાધાનની બેઠક બોલાવવામાં આવી હતી. ફૂટેજમાં ભાવેશ આરોપીઓ સાથે વાતચીત કરતો નજરે પડે છે. આશ્ચર્યજનક વાત એ છે કે, આ બેઠકમાં એક મહિલા પણ હાજર હતી જે ભાવેશને કંઈક સમજાવી રહી હોય તેવું સ્પષ્ટ દેખાય છે. ક્રૂર હત્યા અને પોલીસ કાર્યવાહી સમાધાનની આ વાતચીત બાદ હત્યારાઓ ભાવેશ પર કુહાડી સહિતના જીવલેણ હથિયારો વડે તૂટી પડ્યા હતા. હુમલાખોરોએ ભાવેશ પર ઘા ઝીંકી તેને સ્થળ પર જ મોતને ઘાટ ઉતારી દીધો હતો. પોલીસ તપાસ શરુ રાજકોટ પોલીસે આ મામલે સઘન તપાસ આદરી છે અને અત્યાર સુધીમાં આ જઘન્ય અપરાધમાં સામેલ ત્રણ શખ્સોને દબોચી લીધા છે. જોકે, આ કેસમાં હજુ પણ બે મુખ્ય શખ્સો ફરાર છે, જેમને પકડવા માટે પોલીસે અલગ-અલગ ટીમો બનાવી ચક્રો ગતિમાન કર્યા છે.આ પણ વાંચો---     Patan : પોલીસને છંછેડી, હવે ભોગવો, જીલીયા ફાર્મમાં આતંક મચાવનાર 17 લુખ્ખાઓની પોલીસે જાહેરમાં સર્વિસ કરી સરઘસ કાઢ્યું

Read Full Story arrow_forward

calendar_today March 18, 2026

Ahmedabad News: વિરમગામ હાઈવે પર હિટ એન્ડ રનની ઘટના, અજાણ્યા વાહને બાઈક સવારને અડફેટે લેતા યુવકનું મોત

અમદાવાદ જિલ્લાના વિરમગામ હાઈવે પર અકસ્માતોનો સિલસિલો યથાવત રહ્યો છે. વિરમગામથી હાંસલપુર તિરંગા સર્કલ રોડ પર મોડી રાત્રે એક ભયાનક હિટ એન્ડ રનની ઘટના બની છે. જેમાં એક અજાણ્યા વાહન ચાલકે બાઈક સવારને જોરદાર ટક્કર મારી ફરાર થઈ જતા 33 વર્ષીય યુવાનનું ઘટના સ્થળે જ કમકમાટીભર્યું મોત નીપજ્યું છે.IOCL ગેટ પાસે સર્જાયો અકસ્માત ઘટનાની મળતી માહિતી અનુસાર, વિરમગામના કરકથલ ગામના રહેવાસી વિનોદભાઈ મેરાભાઇ વાઘેલા (ઉંમર વર્ષ 33) પોતાના બાઈક પર વિરમગામ-હાંસલપુર રોડ પરથી પસાર થઈ રહ્યા હતા. આ દરમિયાન વિરમગામ હાંસલપુર IOCL ના ગેટ પાસે પાછળથી પુરપાટ ઝડપે આવી રહેલા એક અજાણ્યા વાહને બાઈકને અડફેટે લીધું હતું. ટક્કર એટલી જોરદાર હતી કે, વિનોદભાઈ રોડ પર પટકાયા હતા અને તેમને ગંભીર ઇજાઓ પહોંચતા તેમનું સ્થળ પર જ મોત થયું હતું. અજાણ્યો વાહન ચાલક ફરાર અકસ્માત સર્જ્યા બાદ માનવતા નેવે મૂકીને અજાણ્યો વાહન ચાલક પોતાનું વાહન લઈને અંધારાનો લાભ ઉઠાવી ઘટનાસ્થળેથી નાસી છૂટ્યો હતો. અકસ્માતને પગલે હાઈવે પર લોકોના ટોળા ઉમટી પડ્યા હતા અને પોલીસને જાણ કરવામાં આવી હતી. મૃતક યુવાન કરકથલ ગામનો હોવાનું જાણવા મળતા તેના પરિવારમાં અને ગામમાં શોકનું મોજું ફરી વળ્યું છે. વિરમગામ રૂરલ પોલીસ દ્વારા તપાસ ઘટનાની જાણ થતા જ વિરમગામ રૂરલ પોલીસનો કાફલો ઘટના સ્થળે પહોંચી ગયો હતો. પોલીસે મૃતદેહને પોસ્ટ મોર્ટમ માટે હોસ્પિટલ ખસેડ્યો છે અને અજાણ્યા વાહન ચાલક વિરૂદ્ધ ગુનો નોંધી તેને પકડવાના ચક્રો ગતિમાન કર્યા છે. હાઈવે પર લાગેલા CCTV ફૂટેજ તપાસવાની તજવીજ પણ હાથ ધરવામાં આવી છે, જેથી હત્યારા વાહનનો પત્તો લગાવી શકાય. આ પણ વાંચો - Ahmedabad News : સોલા સિવિલમાં મહિલાઓની સુરક્ષા જોખમમાં, એક્સ-રે વિભાગમાં ડ્રાઈવર મહિલાનો વીડિયો ઉતારતા ઝડપાયો

Read Full Story arrow_forward

calendar_today March 18, 2026

Celina Jaitleyની ભાઇ Vikrant માટેની ભાવુક પોસ્ટ થઇ વાયરલ, જાણો શુ છે મામલો?

અભિનેત્રી ભાવુક થતાની સાથે જ એક લાંબુ નિવેદન તેણીએ સોશિયલ મીડિયા પર પોસ્ટ કર્યુ હતુ. ભાઇ માટે સેલિનાની લડત અભિનેત્રી સેલિના જેટલીએ તેના ભાઈ વિક્રાંત જેટલી માટે પોસ્ટ શેર કરી છે. જે યુએઈમાં અટકાયતમાં લેવાયો છે. વિક્રાંત જેટલીએ તેનો સંપર્ક કરવાનો ઇનકાર કર્યા પછી, દિલ્હી હાઈકોર્ટે મુલાકાત માટેની તેની અરજી ફગાવી દીધી છે. સેલિના જેટલી માને છે કે તેનો ભાઈ "નાણાકીય અને ભાવનાત્મક મુશ્કેલીઓ"થી બચાવવા માટે પોતાને દૂર કરે છે. કાઉન્સેલરો સુધી પહોંચવા બદલ તેણીએ ભારત સરકારનો આભાર માન્યો અને સ્પષ્ટપણે કહ્યું કે તેણીની એકમાત્ર ચિંતા તેના ભાઈની માનસિક અને શારીરિક સુખાકારી અને તેને યોગ્ય કાનૂની સહાય પૂરી પાડવાની છે. ભાઇને જેલમાંથી મુક્ત કરવા સેલિનાની દોડધામતેણીની પોસ્ટમાં, સેલિના જેટલીએ ખુલાસો કર્યો કે તેનો ભાઈ છેલ્લા 18 મહિનાથી કોઈ નક્કર કાનૂની કાર્યવાહી વિના અટકાયતમાં છે. તેણીએ સમજાવ્યું કે ઓગસ્ટ 2024માં તેની સાથે છેલ્લી વાત કરી હતી, અને ત્યારથી, તેને એક અટકાયત કેન્દ્રથી બીજા અટકાયત કેન્દ્રમાં સ્થાનાંતરિત કરવામાં આવ્યો છે. જેના કારણે તેને મળવું કે તેની સાથે વાતચીત કરવી ખૂબ મુશ્કેલ બની ગઈ છે. અભિનેત્રીએ એ પણ સ્પષ્ટતા કરી કે તેણીએ પોતાના ફાયદા માટે નહીં, પરંતુ તેના ભાઈના સ્વાસ્થ્ય અને તેના કાનૂની અધિકારો માટે કોર્ટનો સંપર્ક કર્યો હતો. ભારત સરકાર અને દૂતાવાસનો આભાર અભિનેત્રીએ આ મુશ્કેલ સમયમાં તેના ભાઈને કોન્સ્યુલર એક્સેસ આપવા અને તેની તબિયત વિશે પૂછપરછ કરવા બદલ ભારત સરકાર અને દૂતાવાસનો આભાર માન્યો છે. સેલિના જેટલીએ પ્રતિજ્ઞા લીધી છે કે જ્યાં સુધી તે તેના ભાઈ સાથે રૂબરૂ બેસીને તેની સાથે વાત નહીં કરે ત્યાં સુધી તે કંઈપણ માનશે નહીં. તેણીએ તેના ભાઈને તેનું "પહેલું બાળક" ગણાવ્યું અને કહ્યું કે તે તેના છેલ્લા શ્વાસ સુધી તેના અધિકારો માટે લડતી રહેશે અને ખાતરી કરશે કે તેને યોગ્ય કાનૂની ટેકો મળે. આ પણ વાંચોઃ Iran War દરમિયાન Mojtaba Khamenei મામલે આંતરિક ધાર્મિક યુદ્ધ શરુ, જાણો શું છે કારણ?

Read Full Story arrow_forward