Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 18 માર્ચના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
સાયક્લોનિક સર્ક્યુલેશન સિસ્ટમ સક્રિય થઈ છે અને ઉત્તર ગુજરાત-કચ્છમાં આજે વરસાદની આગાહી કરવામાં આવી છે, બનાસકાંઠા , સાબરકાંઠા, પાટણ, કચ્છ, મોરબી, જામનગર, દ્વારકામાં વરસાદની આગાહી કરવામાં આવી છે, 19, 20 માર્ચે દ.ગુજરાત, સૌરાષ્ટ્રમાં વરસાદનીઆગાહી કરવામાં આવી છે, અને અનેક જિલ્લામાં ગાજવીજ સાથે વરસાદની આગાહી કરવામાં આવી છે. રાજયમાં ગરમીથી આંશિક રાહત રાજયમાં મહતમ તાપમાનમાં 1 થી 2 ડિગ્રીનો ઘટાડો થયો છે અને રાજકોટમાં સૌથી વધુ 38 ડિગ્રી તાપમાન નોંધાયું છે, 4 જિલ્લામાં 37 ડિગ્રી તાપમાન નોંધાયું છે, કંડલા, ભુજમાં 37 ડિગ્રી તાપમાન, અમરેલી, સુરેન્દ્રનગરમાં 37 ડિગ્રી તાપમાન અને અમદાવાદ, ડીસા, ગાંધીનગરમાં 36 ડિગ્રી તાપમાન નોંધાયું છે. છેલ્લા ત્રણ દિવસથી રાજ્યમાં ગરમીનો પ્રકોપ વધ્યો છે ઉત્તર ગુજરાતમાં પણ મોટાભાગના વિસ્તારોમાં દિવસનું મહત્તમ તાપમાન 41 ડિગ્રી આસપાસ નોંધાઈ રહ્યું છે. સોમવારે બનાસકાંઠાના ડીસામાં ગરમીનું યલો એલર્ટ જાહેર કરવામાં આવ્યુ હતું. જ્યારે મંગળવારે હવામાન વિભાગ દ્વારા ઓરેન્જ એલર્ટ જાહેર કરાયુ હતું. સતત બીજા દિવસે પારો 41 ડિગ્રી રહ્યો હતો. મહેસાણા અને સાબરકાંઠા જિલ્લામાં પણ ગરમી વધી હતી. હજુ આગામી દિવસોમાં પણ ઉત્તર ગુજરાતના કેટલાક વિસ્તારોમાં ગરમીનું યલો એલર્ટ જાહેર કરવામાં આવેલ હોય લોકોને આકરી ગરમી સહન કરવી પડશે. સામાન્ય રીતે માર્ચ મહિનામાં આટલી બધી ગરમી પડતી નથી માર્ચ મહિનામાં પરંતુ સામાન્ય કરતાં સાત ડિગ્રી વધુ તાપમાન નોંધાઈ રહ્યુ છે અને આકરા ઉનાળાનો લોકો અનુભવ કરી રહ્યા છે. હજુ તો ઉનાળાની શરૂઆત જ છે અને યલો તેમજ ઓરેન્જ એલર્ટ જાહેર કરવામાં આવી રહયા છે. ત્યારે એપ્રિલ અને મે મહિનામાં કેવી સ્થિતિ સર્જાશે તેની ચિંતા લોકોમાં પ્રસરી છે. હાલ વધેલી ગરમીને પગલે બપોરના સમયે માર્ગો સુમસામ જોવા મળી રહયા છે. બીજી તરફ ઠંડા-પીણાના સ્ટોલ ઉપર લોકોની ભીડ વધવા લાગી છે. દિવસભર આકરી ગરમીનો અનુભવ થઈ રહ્યો છે જેમાં સૌથી વધુ બપોરના સમયે સૂર્ય નારાયણ તપતાં તોબાહ પોકારતી આકરી ગરમી પડી રહી છે. ગુજરાત સહિત ભારતમાં ગરમી વધી માર્ચ મહિનાની શરૂઆત સાથે, સમગ્ર ભારતમાં લોકો પહેલાથી જ પુષ્કળ પરસેવો પાડી રહ્યા છે. આ વર્ષે, ભારતના ઘણા ભાગોમાં તાપમાન સામાન્ય કરતાં ૮ થી ૧૩ ડિગ્રી સેલ્સિયસ વધી ગયું છે. ૧૦ માર્ચે, મુંબઈમાં તાપમાન ૪૦ ડિગ્રી સેલ્સિયસ સુધી પહોંચી ગયું હતું. ૭ માર્ચે, દિલ્હીમાં ૩૫.૭ ડિગ્રી સેલ્સિયસ તાપમાન નોંધાયું હતું. છેલ્લા ૫૦ વર્ષમાં માર્ચના પહેલા અઠવાડિયાનો આ સૌથી ગરમ દિવસ હતો. વધુમાં, ૧૧ માર્ચ, બુધવારના રોજ, દિલ્હીમાં મહત્તમ તાપમાન ૩૬.૮ ડિગ્રી સેલ્સિયસ સુધી પહોંચ્યું હતું, જે સામાન્ય કરતાં ૮.૪ ડિગ્રી વધારે છે. હવામાન વિભાગે ઘણા વિસ્તારો માટે ઓરેન્જ એલર્ટ જારી કર્યું છે વધતા તાપમાનને ધ્યાનમાં રાખીને હવામાન વિભાગે ઘણા વિસ્તારો માટે ઓરેન્જ એલર્ટ જારી કર્યું છે. હવામાન નિષ્ણાતો કહે છે કે હાલની તીવ્ર ગરમી એન્ટિસાયક્લોન સિસ્ટમને કારણે થઈ રહી છે. મુંબઈ હવામાન વિભાગ (IMD) ના વૈજ્ઞાનિકો કહે છે કે દરિયાઈ ના વૈજ્ઞાનિકો પવનો ધીમા પડે ત્યારે આવી સિસ્ટમ બને છે, જેના કારણે તાપમાનમાં અચાનક વધારો થાય છે. ગુજરાત અને આસપાસના વિસ્તારોમાં એક એન્ટિસાયક્લોનિક સર્ક્યુલેશન છે, જેના કારણે આ પ્રદેશ પર સૂકા પૂર્વના પવનો ફૂંકાય છે. આ પણ વાંચો : Gujarat Latest News Live : ગુજરાતવાસીઓને ગરમીથી મળશે આશિંક રાહત, સૌરાષ્ટ્ર પંથકમાં વરસાદની કરાઈ આગાહી
Read Full Story arrow_forward
બે વર્ષ પહેલા ભાભર તાલુકાના રૂની ગામની ચૌધરી સમાજ ની એક દિકરીને કાંકરેજ તાલુકાના ઉણ ગામનો રબારી સમાજ નો એક યુવાન ભગાડી ગયો હતો. તેને પરત લાવવા માટે ભાભર તાલુકાના રૂની ગામે 18 માર્ચના રોજ ચૌધરી સમાજ નું સંમેલન રાખવામાં આવ્યું છે તે દરમિયાન કંકુ ચૌધરી એ વીડિયો વાયરલ કરતાં મુદ્દો વધુ ગરમાયો છે.લોક ગાયિકા કિંજલ રબારીની ઘરવાપસી બાદ ભાભર તાલુકાના રૂની ગામના ચૌધરી સમાજના માતાપિતાએ સોશ્યલ મીડિયામાં અપીલ કરી હતી કે, રબારી સમાજનો યુવક તેમની દીકરીને લઈ ગયો છે તો તેમને પરત અપાવે.જે બાદ ચૌધરી સમાજના આગેવાનોએ એકઠા મળીને રબારી સમાજના આગેવાનો તેમની દીકરી પરત આપવાની અપીલ કરી હતી. જે મુદ્દે આજે 18 માર્ચે ચૌધરી સમાજનું ભાભર તાલુકાના રૂની ગામે મહાસંમેલન મળનાર છે, તે પૂર્વે ચૌધરી સમાજની દીકરી કંકુ ચૌધરીએ પણ સોશ્યલ મીડિયામાં વીડિયો વાયરલ કર્યો છે.જેણે સમાજમા ભારે ચર્ચા જગાવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward