Railway News : ગુજરાતમાં બુલેટ ટ્રેન પ્રોજેક્ટ હેઠળ 300 કિમીથી વધુ વાયાડક્ટનું નિર્માણ પૂર્ણ થઈ ગયું છે : કેન્દ્રીય રેલ મંત્રી અશ્વિની વૈષ્ણવ
રેલ મંત્રીઅશ્વિની વૈષ્ણવે લોકસભામાં જણાવ્યું કે, મુંબઈ ઉપનગરીય નેટવર્કને મજબૂત બનાવવા માટે 238 નવી ઉપનગરીય ટ્રેનોનું નિર્માણ કરવામાં આવી રહ્યું છે, જેમાં ઓટોમેટિક ડોર ક્લોઝિંગ સિસ્ટમની સુવિધા હશે. ભારતની પ્રથમ અંડરસી રેલ ટનલ પર પણ કામ પ્રગતિ પર છે તેમણે વધુમાં જણાવ્યું કે મુંબઈ ઉપનગરીય સેવાઓમાં મુસાફરોને રાહત આપવા માટે સરકાર દ્વારા અંદાજે ₹3000 કરોડની વધારાની સબસિડી આપવામાં આવી રહી છે. રેલ મંત્રીએ ગુજરાત સંબંધિત માહિતી આપતા જણાવ્યું કે મુંબઈ–અમદાવાદ હાઈ-સ્પીડ રેલ (બુલેટ ટ્રેન) પ્રોજેક્ટ પર ઝડપી ગતિએ કામ ચાલી રહ્યું છે. આ પ્રોજેક્ટ હેઠળ 300 કિમીથી વધુ વાયાડક્ટનું નિર્માણ પૂર્ણ થઈ ગયું છે અને પિયર નિર્માણ, ટ્રેક પાથરવાની તથા સ્ટેશનોના વિકાસનું કામ ચાલુ છે. સાથે જ, ભારતની પ્રથમ અંડરસી રેલ ટનલ પર પણ કામ પ્રગતિ પર છે. અનેક નદીઓ પરના પુલોના નિર્માણનું કામ પૂર્ણ થઈ ગયું છે તેમણે આગળ જણાવ્યું કે, પ્રોજેક્ટમાં 435 કિમી ફાઉન્ડેશન કામ, 338 કિમી ગર્ડર ઇન્સ્ટોલેશન અને 168 કિમી ટ્રેક પાથરવાનું કામ પૂર્ણ થયું છે તથા ઓએચઈ ઇન્સ્ટોલેશનનું કામ પણ ઝડપી ગતિએ ચાલી રહ્યું છે. આ સાથે જ વાપી, બિલીમોરા, સુરત અને બાંદ્રા-કુર્લા કોમ્પ્લેક્સ (BKC) સહિતના અનેક સ્ટેશનોનું કામ ઝડપથી પૂર્ણતા તરફ વધી રહ્યું છે. તેમણે જણાવ્યું કે, પ્રોજેક્ટ હેઠળ અનેક નદીઓ પરના પુલોના નિર્માણનું કામ પૂર્ણ થઈ ગયું છે અને ભરુચ, વડોદરા, આનંદ, નડિયાદ, અમદાવાદ અને સાબરમતી વિસ્તારોમાં કામ ઝડપથી આગળ વધી રહ્યું છે. મુસાફરોને વધુ સુરક્ષિત, સુવિધાજનક અને ઉત્તમ પ્રવાસનો અનુભવ મળશે રેલ મંત્રીએ વધુમાં માહિતી આપી કે સરહદી વિસ્તારોમાં કનેક્ટિવિટી વધારવા માટે નવી રેલવે લાઇનોના સર્વે હાથ ધરવામાં આવી રહ્યા છે, જેમાં કચ્છ વિસ્તારમાં દેશલપરથી હાજીપીર અને વાયોરથી લખપત સુધી કનેક્ટિવિટી વિકસાવવાની યોજના સામેલ છે. તેમણે જણાવ્યું કે આ પહેલોથી આધુનિક કનેક્ટિવિટી મજબૂત બનશે અને મુસાફરોને વધુ સુરક્ષિત, સુવિધાજનક અને ઉત્તમ પ્રવાસનો અનુભવ મળશે. આ પણ વાંચો : Ahmedabad News : ગુજરાતની ટેકનિકલ કોલેજોની ફી જાહેર થઈ, 27 કોલેજમાં 1થી 2 ટકા ફીનો વધારો થયો
Read Full Story arrow_forward
