West Bengal Election 2026 : ભાજપે 144 ઉમેદવારનું પ્રથમ લિસ્ટ કર્યું જાહેર, 23 અને 29 એપ્રિલે યોજાશે મતદાન
પશ્ચિમ બંગાળ વિધાનસભા ચૂંટણીને લઈને રાજકીય ગતિવિધિઓ તેજ બની ગઈ છે. ચૂંટણી પહેલા ભારતીય જનતા પાર્ટી (ભાજપ)એ પોતાના ઉમેદવારોની પ્રથમ યાદી જાહેર કરી છે. પાર્ટીએ કુલ 144 ઉમેદવારોના નામોની જાહેરાત કરી છે, જેના કારણે રાજ્યમાં ચૂંટણીનું રાજકીય માહોલ વધુ ગરમાયું છે. બંગાળમાં બે તબક્કામાં થશે મતદાન પશ્ચિમ બંગાળમાં કુલ 294 વિધાનસભા બેઠકો માટે ચૂંટણી યોજાવાની છે. ચૂંટણી આયોગ દ્વારા જાહેર કરાયેલા કાર્યક્રમ મુજબ રાજ્યમાં બે તબક્કામાં મતદાન યોજાશે. પ્રથમ તબક્કાનું મતદાન 23 એપ્રિલે યોજાશે, જ્યારે બીજા તબક્કાનું મતદાન 29 એપ્રિલે કરવામાં આવશે. બંને તબક્કામાં રાજ્યના અલગ-અલગ વિસ્તારોમાં મતદારો પોતાના મતાધિકારનો ઉપયોગ કરશે. પશ્ચિમ બંગાળમાં આગામી સરકાર કોણ બનાવશે? ચૂંટણીને ધ્યાનમાં રાખીને તમામ રાજકીય પક્ષોએ પોતાની તૈયારીઓ તેજ કરી દીધી છે. ભાજપ દ્વારા જાહેર કરાયેલ પ્રથમ યાદી બાદ હવે અન્ય પક્ષો પણ પોતાના ઉમેદવારોની જાહેરાત કરવા તરફ આગળ વધી રહ્યા છે. ચૂંટણી પૂર્ણ થયા બાદ તમામ 294 બેઠકોના પરિણામો 4 મેના રોજ જાહેર કરવામાં આવશે. મતગણતરીના દિવસે જ સ્પષ્ટ થઈ જશે કે પશ્ચિમ બંગાળમાં આગામી સરકાર કોણ બનાવશે. રાજ્યમાં ચૂંટણીને લઈને રાજકીય પક્ષો વચ્ચે કડક ટક્કર જોવા મળી રહી છે અને આગામી દિવસોમાં પ્રચાર વધુ તેજ બનવાની શક્યતા છે. આ પણ વાંચો : Kerala Assembly Election 2026 : ભાજપે 47 ઉમેદવારનું પ્રથમ લિસ્ટ કર્યું જાહેર, જાણો કોને ક્યાંથી મળી ટિકિટ
Read Full Story arrow_forward
