Community News & Updates

Stay informed with the latest happenings, achievements, and announcements from our community.

All News

calendar_today March 15, 2026

Viramgam: નળકાંઠાના શાહપુરમાં હિન્દુ સંમેલન યોજાયું

વિરમગામ તાલુકામાં નળકાંઠા વિસ્તારના શાહપુરમાં શનિવારે હિન્દુ સંમેલન યોજાયું હતું. આ પ્રસંગે સાધુ-સંતો સહિતના મહેમાનો દ્વારા દિપપ્રાગટય કરાયું હતુ.સાંસ્કૃતિક કાર્યક્રમ સાથે ધૂન સત્સંગ કરાયો હતો. ઓળકના રાધેશ્યામ બાપુએ શનિવારે હનુમાન ચાલીસા અને મહિલા મંડળોને અગિયારસના દિવસે સત્સંગ કરવા જણાવ્યુ હતું. વધુમાં બાપુએ જ્ઞાતિ જાતિના વાડાઓ ભૂલીને સૌ હિંદુ ભાઈ બહેનોને એક થવા માટે હાકલ કરી હતી. રાષ્ટ્રીય સ્વયંસેવક સંઘના ઘુમંતુ સંમેલનમાં મુખ્ય વક્તા નીલકંઠભાઇ વાસુકિયા દ્વારા સનાતન હિન્દુ ધર્મ, નળકાંઠાનો સ્થાનિક ગૌરવશાળી ઇતિહાસ, રાષ્ટ્રીય સ્વયંસેવક સંઘ અને કરવામાં આવતા કાર્યો, સમાજિક સમરસતા, પર્યાવરણ સંરક્ષણ, કુટુંબ પ્રબોધન, સ્વદેશીભાવ જાગરણ, નાગરિક કર્તવ્ય સહિતના વિષયો પર વક્તવ્ય આપ્યુ હતુ.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 15, 2026

Modasa: ઉત્તર ગુજરાતમાં માવઠાના વર્તારાથી ખેડૂતોમાં ઉચાટ

માર્ચની શરૂઆતથી જ કાળઝાળ ગરમીનો અનુભવ થયા બાદ હવે હવામાનમાં પલટો આવશે અને આ અઠવાડિયા દરમિયાન ગરમીમાં આંશિક રાહત રહેશે તેવી હવામાન વિભાગે આગાહી કરી છે. વેસ્ટર્ન ડિસ્ટર્બન્સની અસર હેઠળ આ અઠવાડિયામાં તા. 18મીથી તા. 20મી માર્ચ દરમિયાન ઉત્તર ગુજરાતમાં છૂટાછવાયા વિસ્તારોમાં હળવાથી મધ્યમ કમોસમી વરસાદની આગાહી કરવામાં આવી છે. સાથે જ ઉત્તર ગુજરાતમાં મહત્તમ તાપમાન હજુ 4 ડિગ્રી ગગડવાની શક્યતાઓ વ્યક્ત કરવામાં આવી છે.ભરઉનાળે કમોસમી માવઠાની આગાહીથી ખેડૂતો ચિંતાગ્રસ્ત બન્યા છે. હવામાન વિભાગે રવિવારે કરેલી આગાહી મુજબ તા. 18મી અને 19મી માર્ચે બનાસકાંઠા, પાટણ અને સાબરકાંઠા જિલ્લામાં માવઠું થઈ શકે છે. જ્યારે તા. 20મી માર્ચે બનાસકાંઠા, સાબરકાંઠા અને અરવલ્લી જિલ્લામાં છૂટાછવાયા વિસ્તારોમાં હળવોથી મધ્યમ કમોસમી થઈ શકે છે. આગામી દિવસોમાં હવામાનમાં પલટો આવશે અને આકાશમાં વાદળો છવાતાં ભર ઉનાળે ચોમાસા જેવો માહોલ સર્જાય તેવી શકયતા રહેલી છે. એક તરફ્ અનેક ખેડૂતોના તૈયાર ઘઉં, ચણા, બટાકા સહિતનો પાક ખેતરોમાં છે અને તેવા સમયે જ કમોસમી વરસાદ પડે તો મુશ્કેલી સર્જાય તેમ છે. ગામડાઓમાં ખેડૂતો તૈયાર પાક લઈ લેવા ભારે દોડધામ પણ કરી રહ્યા છે. કમોસમી માવઠાની વચ્ચે ત્રણથી ચાર દિવસમાં મહત્તમ તાપમાન પણ ઘટશે તેવી હવામાન વિભાગે આગાહી કરી છે. વિતેલા અઠવાડિયામાં ઉત્તર ગુજરાતમાં મહત્તમ તાપમાન 42 ડિગ્રી સુધી પહોંચી ગયું હતું અને હીટવેવની અસર વર્તાઈ હતી. ઉનાળાના પ્રારંભે જ કાળઝાળ ગરમીમાં લોકો શેકાયા હતા. જો કે બે દિવસથી પારો ગગડયો છે અને હાલ 38 ડિગ્રીની આસપાસ મહત્તમ તાપમાન નોંધાઈ રહ્યું છે. તેમાંય હજુ 4 ડિગ્રી સુધીનો ઘટાડો થશે તેવું હવામાન વિભાગનું માનવું ત્યારે આ અઠવાડિયામાં દિવસનું મહત્તમ તાપમાન 32 થી 34 ડિગ્રીની આસપાસ રહી શકે છે. વાતાવરણના પલટાની અસરથી રાત્રિનું તાપમાન પણ ઘટશે અને લોકોને કાળઝાળ ગરમીમાંથી રાહત મળશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 15, 2026

Palanpur: અમીરગઢ પોલીસે વાહન ચેકિંગમાં લકઝરી બસમાં મુંબઈના મુસાફરને ચરસ સાથે ઝડપ્યો

અમીરગઢ પોલીસનો સ્ટાફ અમીરગઢ બોર્ડર ચેકપોસ્ટ ખાતે વાહન ચેકિંગની કામગીરી કરી રહ્યા હતા. તે વખતે રાજસ્થાન બાજુથી ખાનગી ટ્રાવેલ્સ લકઝરી બસ આવતા તેની તલાસી લેતા તેમાં મુસાફરી કરી રહેલ એક યુવક શંકાસ્પદ જણાઈ આવતા પોલીસે તેની પાસે રહેલી બેગની તલાસી લેતા તેમાંથી કપડા તથા જેકેટની આડમાં પ્લાસ્ટીકની થેલીમાં જોતા શંકાસ્પદ પદાર્થ હોવાનું જણાઈ આવતા આ અંગે પોલીસે યુવકની પુછપરછ કરતા જય ચેતન ગાલા રહે.લોખંડવાળા બિલ્ડિંગ, ગોરેગાંવ, મુંબઈ અને મુળ રહે.સાડાઉ, તા.મુંન્દ્રા, જિ.કચ્છવાળો હોવાનું જણાવેલ અને બેગમાંથી માદક પદાર્થ ચરસ 801 ગ્રામ કિ.રૂ.2,00,250 તથા મોબાઈલ નંગ 1 કિ.રૂ.10,000 તથા કપડા મળી કુલ કિ.રૂ.2,10,250 નો મુદ્દામાલ કબ્જે કરી બેગમાં રાખી બોર્ડર ચેકપોસ્ટ ઉપર વાહન ચેકિંગ દરમ્યાન ઝડપાઈ જતા આથી પોલીસે ઉપરોકત ઈસમ વિરૂદ્ધ એનડીપીએસ એક્ટ હેઠળ ગુનો નોંધી વધુ તપાસ હાથ ધરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward