Community News & Updates

Stay informed with the latest happenings, achievements, and announcements from our community.

All News

calendar_today March 15, 2026

World News : ભારત પાસેથી એપ્રિલ મહિના સુધી 45,000 ટન ડીઝલ ઈમ્પોર્ટ કરશે બાંગ્લાદેશ

બાંગ્લાદેશ ટૂંક સમયમાં ભારત પાસેથી 45,000 ટન ડીઝલ આયાત કરશે. આ અંગે બાંગ્લાદેશ પેટ્રોલિયમ કોર્પોરેશનના કોમર્શિયલ અને ઓપરેશન્સ વિભાગના જનરલ મેનેજરે માહિતી આપી છે. તેમણે જણાવ્યું કે તાજેતરમાં ભારતમાંથી 5,000 ટન ડીઝલ બાંગ્લાદેશ પહોંચ્યું છે, જ્યારે વધુ 5,000 ટન ડીઝલ 18 અથવા 19 માર્ચ આસપાસ બાંગ્લાદેશ પહોંચવાની સંભાવના છે.પહેલા ભારત અને બાંગ્લાદેશ વચ્ચે ડીઝલનો પુરવઠો ટ્રેન વેગનો દ્વારા કરવામાં આવતો વધુમાં જણાવ્યું કે ભારતમાંથી વધારાના 40,000 ટન ડીઝલ આયાત કરવાની દરખાસ્ત પણ મળી છે. જરૂરી પ્રક્રિયા જેમ કે લેટર ઓફ ક્રેડિટ (LC) ખોલવી અને અન્ય ઔપચારિકતાઓ પૂર્ણ થયા પછી આ ડીઝલ પણ એપ્રિલ સુધી બાંગ્લાદેશ પહોંચશે. આ પહેલા ભારત અને બાંગ્લાદેશ વચ્ચે ડીઝલનો પુરવઠો ટ્રેન વેગનો દ્વારા કરવામાં આવતો હતો. પરંતુ માર્ચ 2023માં બંને દેશો વચ્ચે ઊર્જા સહકારને વધુ મજબૂત બનાવવા માટે બાંગ્લાદેશ-ભારત ફ્રેન્ડશીપ પાઈપલાઈનનું ઉદ્ઘાટન કરવામાં આવ્યું હતું. પાઈપલાઈન શરૂ થયા બાદ પરિવહન ખર્ચ અને સમય બંનેમાં ઘટાડો થયો આ પાઈપલાઈનનું ઉદ્ઘાટન તે સમયના બાંગ્લાદેશના વડાપ્રધાન શેખ હસીના અને ભારતના વડાપ્રધાન નરેન્દ્ર મોદીએ સંયુક્ત રીતે કર્યું હતું. આ પાઈપલાઈન શરૂ થયા પછીથી બાંગ્લાદેશમાં ડીઝલનો પુરવઠો સીધો પાઈપલાઈન મારફતે થવા લાગ્યો છે, જેના કારણે પરિવહન ખર્ચ અને સમય બંનેમાં ઘટાડો થયો છે. ઊર્જા ક્ષેત્રમાં ભારત અને બાંગ્લાદેશ વચ્ચેનો આ સહકાર બંને દેશોના સંબંધોને વધુ મજબૂત બનાવવામાં મહત્વપૂર્ણ ભૂમિકા ભજવી રહ્યો છે. આ પણ વાંચો : PM Benjamin Netanyahuએ કોફી પીતા-પીતા મોતની અફવાઓની ઉડાવી મજાક, જુઓ VIDEO

Read Full Story arrow_forward

calendar_today March 15, 2026

Himachal Pradesh : અટલ ટનલની બહાર ભારે હિમવર્ષા, 1000થી વધુ વાહનો અંદર ફસાયા

હિમાચલના અટલ ટનલમાં અચાનક થયેલી હિમવર્ષાને કારણે 1,000થી વધુ વાહનો ફસાયા છે. માહિતી મળતાં જ મનાલી પોલીસે બચાવ કામગીરી શરૂ કરી. અહેવાલ મુજબ અટલ ટનલમાં બંને છેડે અડધો ફૂટ બરફ પડ્યો છે, જેના કારણે બરફવર્ષાનો આનંદ માણવા આવેલા હજારો પ્રવાસીઓ ફસાઈ ગયા. લોકોને સુરક્ષિત રીતે બહાર કાઢવા માટે બચાવ ટીમો હાલમાં ઘટનાસ્થળે પહોંચી ગઈ છે.1,000થી વધુ વાહનો ફસાયા હકીકતમાં રવિવારે હિમવર્ષાનો આનંદ માણવા માટે મોટી સંખ્યામાં પ્રવાસીઓ પર્યટન સ્થળ પર પહોંચ્યા હતા. હિમાચલ પ્રદેશના ઘણા વિસ્તારોમાં ભારે હિમવર્ષા જોવા મળી. અટલ ટનલના બંને છેડા પર પણ ભારે હિમવર્ષા થઈ. પરિણામે, અટલ ટનલથી ધુંધી તરફ ઉતરતી વખતે પ્રવાસી વાહનો લપસી રહ્યા છે. હોકી બ્રિજથી અટલ ટનલના બીજા છેડા સુધી આશરે 8 કિલોમીટર લાંબો ટ્રાફિક જામ સર્જાયો છે, જેમાં 1,000થી વધુ વાહનો ફસાયા છે. બપોરે 3 વાગ્યાથી પ્રવાસીઓ પર પ્રતિબંધ બપોરે 3 વાગ્યાથી લાહૌલ-સ્પિતિ અને મનાલી પોલીસે પ્રવાસીઓને પાછા વાળવાનું શરૂ કરી દીધું છે. મનાલી પોલીસે પ્રવાસી વાહનોને લાહૌલમાં પ્રવેશવા પર સંપૂર્ણપણે પ્રતિબંધ મૂક્યો છે. મનાલી પોલીસની ટીમો અટલ ટનલમાં ફસાયેલા પ્રવાસીઓને બચાવવા માટે કામ કરી રહી છે. એવું જાણવા મળ્યું છે કે ફસાયેલા પ્રવાસીઓ ભારે મુશ્કેલી અનુભવી રહ્યા છે. ઘણા લોકો પાસે ખોરાક અને પાણી પણ ખતમ થઈ ગયું છે. અટલ ટનલમાં ફસાયેલા પ્રવાસીઓ ભારે હિમવર્ષાને કારણે, પ્રવાસીઓને બપોરે 3 વાગ્યાથી અટલ ટનલ તરફ જવા પર પ્રતિબંધ મૂકવામાં આવ્યો હતો. જોકે, સવારે મોટી સંખ્યામાં પ્રવાસીઓ લાહૌલ જવા રવાના થયા હતા. અટલ ટનલમાં ઘણા પ્રવાસીઓ ફસાયેલા હોવાના અહેવાલ છે અને તેમને બચાવવાના પ્રયાસો ચાલી રહ્યા છે. ઘણી ટીમો બચાવ કામગીરીમાં રોકાયેલી છે. આશા છે કે ટૂંક સમયમાં બધાને સુરક્ષિત રીતે બહાર કાઢવામાં આવશે. આ પણ વાંચો : Assembly Elections 2026: આદર્શ આચારસંહિતા લાગુ થયા પછી કયા નિર્ણયો લઇ શકાતા નથી?, જાણો

Read Full Story arrow_forward

calendar_today March 15, 2026

Ahmedabadના ગોતામાં ભરવાડ યુવા સંગઠન દ્વારા 55 JCB મશીનોનું વિતરણ, યુવાનો બનશે આત્મનિર્ભર

અમદાવાદના ગોતા ચોકડી પાસે આવેલા રાજપૂત સમાજ ભવન ખાતે ભરવાડ યુવા સંગઠન, ગુજરાત પ્રદેશ દ્વારા એક ભવ્ય કાર્યક્રમનું આયોજન કરવામાં આવ્યું હતું. સમાજના યુવાનોને આર્થિક રીતે સદ્ધર કરવાના ઉમદા હેતુથી શરૂ કરવામાં આવેલી “યુવા રોજગાર યોજના – પ્રથમ તબક્કો 2026” અંતર્ગત આ કાર્યક્રમ યોજાયો હતો. આ પ્રસંગે કુલ ૫૫ JCB મશીનોનું વિતરણ કરવામાં આવ્યું હતું, જેનો મુખ્ય ઉદ્દેશ્ય યુવાનોને રોજગાર સાથે જોડીને તેમને આત્મનિર્ભર બનાવવાનો છે. ઉપસ્થિત સમાજના આગેવાનોએ આ પહેલને સમાજ માટે એક ક્રાંતિકારી કદમ ગણાવ્યું હતું.શિક્ષિત અને સફળ યુવા શક્તિનું ગૌરવવંતુ સન્માન આ કાર્યક્રમમાં માત્ર આર્થિક મદદ જ નહીં, પરંતુ શિક્ષણ અને બૌદ્ધિક ક્ષેત્રે પણ વિશેષ ભાર મૂકવામાં આવ્યો હતો. જે યુવાનો વિવિધ સરકારી અને પ્રતિષ્ઠિત સંસ્થાઓમાં પરીક્ષાઓ પાસ કરી નવનિયુક્ત અધિકારી તરીકે પસંદ થયા છે, તેમનું મહાનુભાવો દ્વારા મંચ પર સન્માન કરવામાં આવ્યું હતું. આ સન્માન સમાજના અન્ય યુવાનો માટે પણ પ્રેરણાસ્ત્રોત બની રહ્યું છે. મહેમાનોએ પોતાના ઉદ્બોધનમાં જણાવ્યું હતું કે શિક્ષણ અને મહેનત જ સમાજના વિકાસની સાચી ચાવી છે, અને યુવાનોએ આ દિશામાં સતત આગળ વધવું જોઈએ. સમાજ ઉત્થાન માટે સંગઠનની ભાવિ રણનીતિ ભરવાડ યુવા સંગઠનના પ્રદેશ પ્રમુખ દિલીપભાઈ ભરવાડ અને મહામંત્રી શ્રી અમિતભાઈ મારુંએ સમાજના વિકાસ માટેની પોતાની પ્રતિબદ્ધતા વ્યક્ત કરી હતી. તેમણે જણાવ્યું હતું કે સંગઠન દ્વારા યુવાનોને રોજગાર અને શિક્ષણની શ્રેષ્ઠ તકો મળે તે માટે આગામી સમયમાં પણ આવી અનેક યોજનાઓ અમલમાં મૂકવામાં આવશે. કાર્યક્રમના અંતે લીધો સંકલ્પ આ પ્રસંગે સાંસદ નરહરિ અમીન, માજી ધારાસભ્યો ભવાનભાઈ ભરવાડ અને લાખાભાઈ ભરવાડ સહિતના અનેક રાજકીય અને સામાજિક અગ્રણીઓએ હાજરી આપીને યુવાનોના ઉત્સાહમાં વધારો કર્યો હતો. કાર્યક્રમના અંતે સૌએ સમાજના સર્વાંગી વિકાસ માટે સાથે મળીને કામ કરવાનો સંકલ્પ લીધો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward