Community News & Updates

Stay informed with the latest happenings, achievements, and announcements from our community.

All News

calendar_today March 15, 2026

Surat: વેપારીને ચૂનો ચોપડનાર ઠગ આખરે સકંજામાં, પોલીસથી બચવા ઓળખ છુપાવી આશ્રમમાં લીધો હતો આશરો

શહેરમાં વેપારીને લાખો રૂપિયાનો ચૂનો ચોપડીને ફરાર થઈ જનારા એક ભેજાબાજને સુરતની ચોકબજાર પોલીસે આખરે ઝડપી લીધો છે. આરોપીએ પોતાની ઓળખ છુપાવવા માટે એક આશ્રમમાં આશરો લીધો હતો, પરંતુ પોલીસની સતર્કતા સામે તેની એક ન ચાલી.સુરતમાં છેતરપિંડી કરનાર ઝડપાયોમળતી માહિતી મુજબ, આરોપીએ એક વેપારી પાસેથી વિશ્વાસમાં લઈને અંદાજે 11.79 લાખ રૂપિયાની કિંમતના મોબાઈલ ફોન અને સ્માર્ટ વોચની ખરીદી કરી હતી. માલ મેળવ્યા બાદ પેમેન્ટ આપવાના બહાને તે રફુચક્કર થઈ ગયો હતો. લાંબો સમય વીતવા છતાં પેમેન્ટ ન મળતા વેપારીએ પોલીસમાં ફરિયાદ નોંધાવી હતી.આશ્રમમાં છુપાયો હતો ઠગપોલીસથી બચવા માટે આરોપીએ પોતાની સાચી ઓળખ બદલી નાખી હતી અને એક આશ્રમમાં સાધુ જેવો વેશ ધારણ કરીને રહેવા લાગ્યો હતો. તેને લાગ્યું હતું કે તે પોલીસની નજરથી દૂર છે. પરંતુ ચોકબજાર પોલીસે ટેકનિકલ સર્વેલન્સ અને બાતમીદારોના નેટવર્ક દ્વારા તેનું લોકેશન ટ્રેસ કર્યું હતું. પોલીસે આશ્રમમાં દરોડો પાડીને આરોપીને દબોચી લીધો હતો.આ પણ વાંચો: Dahegam: નગરપાલિકાના લોકાર્પણ કાર્યક્રમમાં પશુપાલકોનું પ્રદર્શન, ઉગ્ર વિરોધ થતા પોલીસ દ્વારા ડિટેઇન

Read Full Story arrow_forward

calendar_today March 15, 2026

Surat News : ગુજરાત અને દેશની જનતા માટે ભાજપ એટલે વિકાસનો પર્યાય અને ભરોસાનું નામ : જગદીશ વિશ્વકર્મા

ભાજપના પ્રદેશ અધ્યક્ષ જગદીશ વિશ્વકર્માની અધ્યક્ષતામાં સુરતના મહુવા ખાતે બુથ કાર્યકર્તા સંમેલન યોજાયું હતું. આ સંમેલનને સંબોધતાં તેમણે કહ્યું હતું કે, પૂર્ણા નદીના કિનારે વસેલો આ જિલ્લો કૃષિ અને સહકારીતાનું હૃદય છે. દક્ષિણ ગુજરાતે સહકારી ક્ષેત્રે મેળવેલી સિદ્ધિઓ આજે સમગ્ર દેશ માટે મોડેલ બની છે. ભાજપ એટલે વિકાસનો પર્યાય કોંગ્રેસ પર આકરા પ્રહારો કરતા જગદીશવિશ્વકર્માએ જણાવ્યું કે, વિપક્ષના નેતાઓ પ્રજાના પ્રશ્નોની ચિંતા કરવાને બદલે અફવાઓ ફેલાવવાનું અને સંસદ બહાર માત્ર વિરોધ કરવાનું કામ કરે છે.કોંગ્રેસના 60 વર્ષના શાસનને કરપ્શન, કમિશન, કમ્યુનલ રાયોટ્સ અને ક્રિમિનલ પોલિટિક્સ તરીકે ઓળખાવ્યું હતું.તેની સામે ભાજપે જનતાને ન જાતિવાદ,ન પરિવારવાદ, ન તૃષ્ટીકરણ’ સાથેનું ભ્રષ્ટાચાર મુક્ત શાસન આપ્યું છે.ભાજપનો કાર્યકર્તા માત્ર ચૂંટણી ટાણે જ નહીં પણ સતત પ્રજાની વચ્ચે રહીને સેવા કરે છે.આજે ગુજરાત અને દેશની જનતા માટે ભાજપ એટલે વિકાસનો પર્યાય અને ભરોસાનું નામ છે. સુરત સદીઓથી ભારતનું વ્યાપારી બંદર રહ્યું પ્રદેશ અધ્યક્ષ જગદીશ વિશ્વકર્માએ જણાવ્યું કે, સુરત સદીઓથી ભારતનું વ્યાપારી બંદર રહ્યું છે અને અહીંના લોકોના સાહસિક વેપારની વાતો આજે પણ એટલી જ પ્રસ્તુત છે.છેલ્લા 10 વર્ષમાં આ વિધાનસભા વિસ્તારમાં 500 કરોડથી વધુના ખર્ચે 76 જેટલા નાના-મોટા પુલોનું નિર્માણ કરવામાં આવ્યું છે. 376 કરોડના ખર્ચે બારડોલીથી અનાવલ ફોરલેન રસ્તાનું નિર્માણ અને નાલોઠા ખાતે રૂ. ૫૧ કરોડના ખર્ચે આદિવાસી આદર્શ નિવાસી શાળા જેવી સુવિધાઓએ આ વિસ્તારની કાયાપલટ કરી છે. આજે કચ્છથી ડાંગ સુધી સર્વાંગી વિકાસ થયો છે. સમગ્ર દેશમાં અમૂલ અને સુમુલનું સહકારી મોડલ વખણાય છે, જેની 150થી વધુ પ્રોડક્ટ્સ આજે વિદેશોમાં પણ નિકાસ થાય છે. આ પણ વાંચોઃ Ahmedabad: વસ્ત્રાપુરમાં ઘરઘાટીએ માલિકના ઘરે જ કરી ચોરી, લાયસન્સવાળી પિસ્તોલ અને જીવતા કારતૂસ લઈ થયો છૂમંતર

Read Full Story arrow_forward

calendar_today March 15, 2026

Dwarka News: જામ ખંભાળીયા હાઈવે પર કાર અને ટ્રેક્ટર વચ્ચે અકસ્માત, 4 યાત્રિકો ઈજાગ્રસ્ત

દેવભૂમિ દ્વારકા જિલ્લાના જામ ખંભાળીયા-દ્વારકા નેશનલ હાઈવે પર આજે એક ગમખ્વાર અકસ્માત સર્જાયો હતો. દ્વારકા દર્શનાર્થે જઈ રહેલા યાત્રિકોની કાર અને ટ્રેક્ટર વચ્ચે થયેલી જોરદાર ટક્કરમાં એક બાળક સહિત કુલ ચાર લોકોને ઈજાઓ પહોંચી છે. અકસ્માત એટલો જોરદાર હતો કે, ટ્રેક્ટરે રોડ પર પલ્ટી મારી દીધી હતી.જુવાનપુર ગામ પાસે સર્જાયો અકસ્માત ઘટનાની મળતી માહિતી અનુસાર, દ્વારકા તરફ જઈ રહેલી એક કાર જ્યારે જામ ખંભાળીયા હાઈવે પર આવેલા જુવાનપુર ગામ નજીક પહોંચી ત્યારે ટ્રેક્ટર સાથે તેની જોરદાર ટક્કર થઈ હતી. ટક્કર વાગતા જ ટ્રેક્ટર ચાલકે કાબૂ ગુમાવ્યો હતો અને ટ્રેક્ટર રસ્તા પર પલ્ટી ખાઈ ગયું હતું, જ્યારે યાત્રિકો ભરેલી કાર રોડની સાઈડમાં ઉતરી ગઈ હતી. પરિવારના 4 સભ્યોને પહોંચી ઈજા આ અકસ્માતમાં કારમાં સવાર મુસાફરો પૈકી 2 પુરૂષ, 1 મહિલા અને 1 માસૂમ બાળકને નાની-મોટી ઈજાઓ પહોંચી હતી. ઘટનાના પગલે આસપાસના લોકો દોડી આવ્યા હતા અને તાત્કાલિક 108 એમ્બ્યુલન્સને જાણ કરી હતી. 108ની ટીમે ઘટના સ્થળે પહોંચી તમામ ઈજાગ્રસ્તોને પ્રાથમિક સારવાર આપી જામ ખંભાળીયાની સરકારી હોસ્પિટલમાં ખસેડ્યા હતા. સદનસીબે જાનહાનિ ટળી અકસ્માતની તીવ્રતા જોતા મોટી દુર્ઘટના સર્જાઈ શકે તેમ હતી, પરંતુ સદનસીબે તમામ યાત્રિકોનો બચાવ થયો છે અને કોઈ જાનહાનિ નોંધાઈ નથી. અકસ્માતને પગલે હાઈવે પર થોડો સમય ટ્રાફિક જામની સ્થિતિ સર્જાઈ હતી, જે બાદમાં પોલીસ દ્વારા રાબેતા મુજબ કરવામાં આવી હતી. આ પણ વાંચો - Dwarka: જામખંભાળિયામાં ટ્રાફિક નિયમોના લીરેલીરા ઉડાવનાર સામે કાર્યવાહી, 15 વાહનો ડિટેઇન કરતી પોલીસ

Read Full Story arrow_forward