Anandન News: પેટલાદના ભવાનીપુરા ગામે તળાવમાં સેંકડો માછલીઓના મોત, વિસ્તારમાં ભારે દુર્ગંધ અને રોગચાળાનો ભય
આણંદ જિલ્લાના પેટલાદ તાલુકામાં આવેલા ભવાનીપુરા ગામમાં એક ચોંકાવનારી ઘટના સામે આવી છે. ગામની ઇન્દિરા કોલોની નજીક આવેલા તળાવમાં એકાએક મોટી સંખ્યામાં માછલીઓના મોત નીપજતા સમગ્ર પંથકમાં ચર્ચાનો વિષય બન્યો છે. આ ઘટનાને પગલે સ્થાનિક રહીશોમાં પર્યાવરણ અને આરોગ્યને લઈને ચિંતા ફેલાઈ છે. છેલ્લા 24 કલાક દરમિયાન તળાવમાં અચાનક માછલીઓ મરવા લાગી હતી, જેને કારણે સેંકડો મૃત માછલીઓ તળાવના કિનારે તરી આવી છે.મોટી સંખ્યામાં માછલીઓના મોતકયા કારણોસર આટલી મોટી સંખ્યામાં માછલીઓના મોત થયા છે તે હજુ સ્પષ્ટ થયું નથી, પરંતુ પાણીમાં પ્રદૂષણ અથવા ઓક્સિજનની કમી હોવાની શક્યતાઓ સેવાઈ રહી છે. તળાવના કિનારે પડેલી મૃત માછલીઓ કોહવાવાને કારણે આસપાસના વિસ્તારમાં અસહ્ય દુર્ગંધ ફેલાઈ છે. ખાસ કરીને ઇન્દિરા કોલોનીના રહિશોને આ દુર્ગંધને કારણે રહેવું મુશ્કેલ બન્યું છે. સ્થાનિક લોકોમાં ભય છે કે જો આ મૃત માછલીઓનો સમયસર નિકાલ કરવામાં નહીં આવે, તો ઉનાળાની શરૂઆતમાં આ વિસ્તારમાં ગંભીર રોગચાળો ફાટી નીકળી શકે છે. ગ્રામજનોએ તંત્ર સમક્ષ કરી માંગ ભવાનીપુરાના ગ્રામજનોએ તંત્ર સમક્ષ માંગ કરી છે કે વહેલી તકે આ મૃત માછલીઓનો યોગ્ય નિકાલ કરવામાં આવે અને તળાવના પાણીની તપાસ કરવામાં આવે. જો વહીવટી તંત્ર દ્વારા ત્વરિત કાર્યવાહી કરવામાં નહીં આવે તો પરિસ્થિતિ વધુ વણસી શકે છે તેવી ભીતિ પણ સેવાઈ રહી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
