Navsari News: અકસ્માત સર્જી યુવકને માર મારનાર અને લૂંટ ચલાવનાર બે શખ્સોની ધરપકડ
નવસારી શહેરમાં માનવતા ને શર્મસાર કરતી એક ઘટના સામે આવી છે, જેમાં પૂરપાટ ઝડપે કાર હંકારી અકસ્માત સર્જનાર શખ્સોએ ઇજાગ્રસ્ત યુવકની મદદ કરવાને બદલે તેની સાથે અસંવેદનશીલ વર્તન કરી માર માર્યો હતો. આ મામલે પોલીસે ત્વરિત કાર્યવાહી કરીને બે આરોપીઓની ધરપકડ કરી કાયદાનું ભાન કરાવ્યું છે.કારચાલકોએ ટુ વ્હીલરચાલકને માર્યો હતો માર શહેરમાં બે કારચાલકોએ પોતાની ગાડી પૂરપાટ ઝડપે હંકારીને એક મોપેડ ચાલક યુવકને જોરદાર ટક્કર મારી હતી. અકસ્માતને કારણે મોપેડ સવાર યુવક જમીન પર પટકાયો હતો અને તેને ઇજાઓ પહોંચી હતી. જોકે, અકસ્માત સર્જનાર ઇસમોએ પોતાની ભૂલ સ્વીકારવા કે ઇજાગ્રસ્તને હોસ્પિટલ પહોંચાડવાને બદલે ઊલટાનું તેની સાથે ઝઘડો શરૂ કર્યો હતો અને જાહેરમાં તેને નિર્મમ રીતે માર માર્યો હતો. પોલીસે બે આરોપીઓની કરી ધરપકડ આટલેથી ન અટકતા, આ શખ્સોએ ઇજાગ્રસ્ત યુવક પાસેથી તેનું પર્સ અને મોબાઈલ ફોન પણ ઝૂંટવી લીધા હતા. આ ગંભીર ઘટના બાદ ભોગ બનનાર મોપેડ ચાલકે હિંમત દાખવી કારમાં સવાર શખ્સો વિરુદ્ધ પોલીસ મથકે ફરિયાદ નોંધાવી હતી. યુવકની ફરિયાદને આધારે પોલીસે તપાસનો ધમધમતો કરી ગણતરીના સમયમાં જ બંને આરોપીઓની ધરપકડ કરી લીધી છે. પોલીસે આ અસંવેદનશીલ શખ્સો વિરુદ્ધ કડક કાયદાકીય કાર્યવાહી હાથ ધરીને ગુનાહિત માનસ ધરાવતા તત્વોને સ્પષ્ટ સંદેશ આપ્યો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
