Community News & Updates

Stay informed with the latest happenings, achievements, and announcements from our community.

All News

calendar_today March 15, 2026

Rajkot News: પોલીસે 2 પિસ્ટલ અને 5 કાર્ટીસ સાથે આરોપી સંજય ભુપ્તાની ધરપકડ કરી

રાજકોટ શહેરમાં ગેરકાયદેસર હથિયાર રાખતા ઈસમો પર વોચ રાખવાની સુચના અન્વયે સ્પેશ્યલ ઓપરેશન ગ્રુપે રણુજા-લાપાસરી રોડ પરથી નામચીન શખસ સંજય ભુપ્તાને બે પિસ્તલ અને પાંચ કાર્ટિસ સાથે દબોચી લઈ રૂ.31 હજારનો મુદામાલ કબજે કર્યો છે. હથિયાર કયાંથી લાવ્યો અને શું ઉપયોગમાં લેવાનો હતો તે અંગે પોલીસે વિશેષ તપાસ આદરી છે. 2 પિસ્ટલ અને 5 કાર્ટીસ મળ્યા એસઓજી પીઆઈ એસ.એમ.જાડેજાના માર્ગદર્શન હેઠળ પીએસઆઈ વી.કે.ઝાલા સહિતનો સ્ટાફ પેટ્રોલીંગમાં હતો ત્યારે રણુજા-લાપાસરી રોડ પર સંજય ભુપ્તા નામનો શખસ હથિયાર અને કાર્ટિઝ સાથે ઉભો હોવાની બાતમી આધારે ટીમે દરોડો પાડી ઉભેલ શખસને પોતાનું નામઠામ પૂછતા કોઠારીયા મેઈન રોડ પર ઓમ રેસીડેન્સીમાં રહેતો સંજય ભીખુભાઈ ભુપ્તા હોવાનું જણાવ્યું હતું. આરોપી સંજય ભુપ્તાની કરી ધરપકડ પોલીસે તેની ઝડતી લેતા તેની પાસેથી બે દેશી પિસ્તલ અને પાંચ કાર્ટિસ મળી આવતા પોલીસે કુલ રૂ.31 હજારના મુદામાલ સાથે શખસની ધરપકડ કરી હતી. પોલીસની પ્રાથમિક તપાસમાં ઝડપાયેલો આરોપી અગાઉ મારામારી, દારૂ સહિતના ગુનાઓમાં સંડોવાયેલ છે. હાલ તે હથિયાર કયાંથી લાવ્યો અને શું ઉપયોગમાં લેવાનો હતો તે અંગે પોલીસે વિશેષ તપાસ હાથ ધરી છે. આ પણ વાંચોઃ Ahmedabad News : અમદાવાદની કોર્ટોમાં લોકઅદાલતમાં 5.77 લાખ કેસનો નિકાલ કરાયો, ઇ-ચલણ કેસોમાં 50 કરોડની રકમ વસૂલાઈ

Read Full Story arrow_forward

calendar_today March 15, 2026

Surat News : ગુજરાત હાઈકોર્ટની સુરત પોલીસ સામે લાલ આંખ, ઠગાઈ અને એટ્રોસિટી એકટના ગુનામાં આરોપીની ધરપકડ વિના ચાર્જશીટ ફાઈલ કરાઈ

આ અંગે હાઈકોર્ટમાં થયેલી સ્પેશ્યલ પીટિશનમાં સુરત પોલીસ કમિશનરને તપાસનો હુકમ કરાયો છે. આ કેસની વિગત મુજબ ઉધના મગદલ્લા રોડ ઉપર રહેતા એક યુવકએ વેસુના ઋષિવિહાર હાઇટ્સમાં રહેતા હર્ષિત સંજય જૈન તેમજ સંજય મદનલાલ જૈન અને રેખાબેન સંજયભાઈ જૈનની સામે ઠગાઈ ઉપરાંત એટ્રોસિટી એક્ટ મુજબની ફરિયાદ ખટોદરા પોલીસમાં આપી હતી. અઠવાડિયામાં તપાસ કરવા સુરત પોલીસ કમિશનરને આદેશ કરાયો હતો આ કેસમાં પોલીસે ગુનો નોંધ્યા બાદ આરોપીઓની ધરપકડ કરી ન હતી અને મુદ્દામાલ પણ રીકવર કર્યો ન હતો. સમયમર્યાદા પૂર્ણ થતાં જ પોલીસે અધૂરી તપાસના આધારે ચાર્જશીટ કરી દેવાઈ હતી. જેને લઈને સુરત પોલીસ કમિશનરને લેખીત ફરિયાદ કરીને જવાબદાર આરોપીઓ તેમજ અધૂરી તપાસ કરનારા અધિકારીની સામે પગલા લેવા જણાવાયું હતું. પરંતુ લાંબા સમય સુધી કોઈ કાર્યવાહી નહીં થતાં આખરે ફરિયાદીએ એડવોકેટ અશ્વિન જે. જોગડીયા અને હાઇકોર્ટના વકીલ રાજેન જાદવ મારફતે હાઈકોર્ટમાં પીટીશન કરી હતી. ગુજરાત હાઈકોર્ટે બંને પક્ષોની દલીલો બાદ આ સમગ્ર કેસ અંગે અઠવાડિયામાં તપાસ કરવા સુરત પોલીસ કમિશનરને આદેશ કરાયો હતો. આ પણ વાંચો : Surendranagar News : સુરેન્દ્રનગરના ચોટીલામાં હોટલોમાં LPG ગેસને લઈ પુરવઠા વિભાગનું સઘન ચેકિંગ

Read Full Story arrow_forward

calendar_today March 15, 2026

Petrol Diesel Price Today : મોંઘવારીનો માર કે રાહત? પેટ્રોલ-ડીઝલના ભાવમાં મોટો ફેરફાર!

દરેક દિવસ ફક્ત સૂર્યના કિરણોથી જ નહીં, પરંતુ નવા પેટ્રોલ અને ડીઝલના ભાવની જાહેરાતથી પણ શરૂ થાય છે - જે દરો સામાન્ય માણસના ખિસ્સા પર સીધી અસર કરે છે. સવારે 6:00 વાગ્યે, દેશની ઓઇલ માર્કેટિંગ કંપનીઓ (OMCs) અપડેટેડ દરો જાહેર કરે છે, જે આંતરરાષ્ટ્રીય ક્રૂડ ઓઇલના ભાવમાં વધઘટ અને ડોલર-રૂપિયાના વિનિમય દર સામે માપદંડ છે. આ ફેરફારો દૈનિક જીવનને અસર કરે છે - પછી ભલે તે ઓફિસ જનાર વ્યક્તિ માટે હોય કે ફળો અને શાકભાજી વેચતા વિક્રેતા માટે. આ સંદર્ભમાં, દૈનિક ઇંધણના ભાવ વિશે માહિતગાર રહેવું માત્ર જરૂરી નથી પણ એક સમજદારીભર્યું કાર્ય પણ છે. સરકાર દ્વારા ફરજિયાત આ સિસ્ટમ પારદર્શિતા સુનિશ્ચિત કરે છે, જેનાથી ગ્રાહકોને કોઈપણ ભ્રામક માહિતી પ્રાપ્ત થતી નથી.તમારા શહેરમાં આજે પેટ્રોલ અને ડીઝલના ભાવશહેરપેટ્રોલ (₹)ડીઝલ (₹)અમદાવાદ94.4990.16ગાંધીનગર94.6290.29સુરત94.3290.01વડોદરા94.2389.90રાજકોટ94.2789.96દિલ્હી94.7787.67મુંબઈ103.5490.03છેલ્લા બે વર્ષથી ભાવ સ્થિર કેમ રહ્યા છે? મે 2022 થી, કેન્દ્ર સરકાર અને ઘણી રાજ્ય સરકારો બંનેએ કરવેરા ઘટાડા લાગુ કર્યા છે, પરિણામે, પેટ્રોલ અને ડીઝલના ભાવમાં સ્થિરતાનો સમયગાળો જોવા મળ્યો છે. આંતરરાષ્ટ્રીય ક્રૂડ ઓઇલ બજારમાં સતત વધઘટ થતી હોવા છતાં, ભારતીય ગ્રાહકો માટે ભાવ પ્રમાણમાં સ્થિર રહ્યા છે. કયા પરિબળો ઇંધણના ભાવ નક્કી કરે છે? 1. ક્રૂડ ઓઇલના ભાવ: પેટ્રોલ અને ડીઝલ મુખ્યત્વે ક્રૂડ ઓઇલમાંથી ઉત્પન્ન થાય છે. જ્યારે આંતરરાષ્ટ્રીય બજારમાં ક્રૂડ ઓઇલના ભાવ વધે છે, ત્યારે તેની સીધી અસર ભારતીય સ્થાનિક બજાર પર પડે છે. 2. ડોલર સામે રૂપિયો: ભારત તેની મોટાભાગની ક્રૂડ ઓઇલની જરૂરિયાતો આયાત કરે છે, અને આ ખરીદીઓ યુએસ ડોલરમાં થાય છે. જો ડોલર સામે રૂપિયો ઘટે છે, તો ઇંધણની કિંમત વધે છે. 3. સરકારી કર અને ફરજો: કેન્દ્ર અને રાજ્ય બંને સરકારો પેટ્રોલ અને ડીઝલ પર નોંધપાત્ર કર અને ફરજો વસૂલ કરે છે, જે અંતિમ છૂટક ભાવનો નોંધપાત્ર ભાગ બનાવે છે. આ મુખ્ય કારણ છે કે એક રાજ્યથી બીજા રાજ્યમાં ઇંધણના ભાવ બદલાય છે. 4. રિફાઇનિંગ ખર્ચ: કાચા તેલને ઉપયોગી સ્વરૂપમાં રૂપાંતરિત કરવાની પ્રક્રિયા (રિફાઇનિંગ) પણ ખર્ચ કરે છે. આ ખર્ચ કાચા તેલની ગુણવત્તા અને રિફાઇનરીની ક્ષમતા પર આધાર રાખે છે.5. પુરવઠા અને માંગ સંતુલન: જો બજારમાં ઇંધણની માંગ વધે છે, તો કિંમતોમાં પણ વધારો થાય છે. ખાસ કરીને તહેવારો દરમિયાન, તેમજ ઉનાળા અથવા શિયાળાની ઋતુઓમાં ઇંધણનો વપરાશ વધુ હોય છે. એસએમએસ દ્વારા જાણો પેટ્રોલ અને ડીઝલના ભાવ ઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો. ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો. હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરોઆ પણ વાંચો- સુંદરતામાં ઐશ્વર્યા રાયને પણ ટક્કર આપે છે આ એક્ટ્રેસ! ડેબ્યૂ ફિલ્મથી જ બોક્સ ઓફિસ પર મચાવ્યો હતો ગદર!

Read Full Story arrow_forward