android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Mandal: માંડલના કરશનપુરા ગામની સીમમાંથી LCBએ વિદેશી દારૂ ઝડપ્યો
calendar_today March 15, 2026

Mandal: માંડલના કરશનપુરા ગામની સીમમાંથી LCBએ વિદેશી દારૂ ઝડપ્યો

અમદાવાદ જિલ્લા એલસીબી શાખાના સ્ટાફની ટીમે તાજેતરમાં માંડલ તાલુકા ગ્રામ્ય વિસ્તારમાં પેટ્રોલિંગ હાથ ધર્યું હતું. તે દરમિયાન સ્ટાફની ટીમને મળેલી બાતમી આધારે માંડલ તાલુકાના કરશનપુરા ગામની સીમમાં દરોડો પાડીને બાવળની ઝાડીમાંથી વિદેશી દારૂનો જથ્થા ઝડપી પાડયો હતો. પોલીસે દારૂની કુલ બોટલ 440, કિંમત રૂ. 1.18 લાખનો મુદ્દામાલ કબ્જે લીધો હતો. તેમજ પોલીસે આરોપી કિશન રમેશજી ઠાકોર રહે.કરશનપુરા, તા.માંડલ, જિ.અમદાવાદ સ્થળ પરથી ફરાર હોય તેની વિરૂદ્ધમાં ફરિયાદ દાખલ કરી ઝડપી પાડવા માટે વધુ તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward
Dhrangadhra: ધ્રાંગધ્રાના કારખાનાના પાર્કીંગમાંથી બાઈક ચોરી ગઠિયો ફરાર
calendar_today March 15, 2026

Dhrangadhra: ધ્રાંગધ્રાના કારખાનાના પાર્કીંગમાંથી બાઈક ચોરી ગઠિયો ફરાર

ધ્રાંગધ્રાના ધોળીધારમાં 25 વર્ષીય અરૂણભાઈ મેરાજીભાઈ સાંઢીયા રહે છે. તેઓ દેશળભગતની છાપરી પાસે આવેલ ઉમા ટ્રાન્સફોર્મર ઈલેકટ્રીકલ કારખાનામાં કામ કરે છે. તા. 8-3ના રોજ સવારે 8 કલાકે તેઓ બાઈક લઈને કામે ગયા હતા. અને કારખાનાના પાર્કીંગમાં બાઈક મુકયુ હતુ. જયારે બપોરે 11 કલાકે જોતા બાઈક નજરે પડયુ ન હતુ. આસપાસ શોધખોળ કરવા છતાં બાઈક ન મળી આવતા અંતે તેઓએ ધ્રાંગધ્રા સીટી પોલીસ મથકે અજાણ્યા શખ્સ સામે રૂપીયા 70,600ની કિંમતનું બાઈક ચોરી કરી લઈ ગયાની ફરિયાદ નોંધાવી છે. બનાવની વધુ તપાસ પીએસઆઈ એ.એમ.ચુડાસમા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward
Mehsana: ઉ.ગુ.માં છેલ્લાં 15 વર્ષમાં માર્ચ મહિનો સૌથી વધુ ગરમ
calendar_today March 15, 2026

Mehsana: ઉ.ગુ.માં છેલ્લાં 15 વર્ષમાં માર્ચ મહિનો સૌથી વધુ ગરમ

ઉત્તર ગુજરાતમા માર્ચ મહિનો છેલ્લા 15 વર્ષમાં સૌથી વધુ ગરમ રહ્યો છે. જોકે 2017માં અત્યાર સુધીનું સૌથી વધુ 43.4 ડિગ્રી તાપમાન પણ આ જ મહિનામાં અંકિત થયું હતું.જોકે ચાલુ સીઝનમાં પણ ગરમી તેના જુના રેકોર્ડની બરાબરી કરી રહી છે અને આગામી સપ્તાહમાં હજુ પણ તાપમાન વધવાની હવામાન નિષ્ણાંતો સંભાવના વ્યક્ત કરી રહ્યા છે.ઉત્તર ગુજરાતમા શુક્રવારે સૌથી વધુ 42.21 ડિગ્રી તાપમાન મોડાસામા નોંધાયું હતું.તો હિંમતનગરમા 41.19 ડિગ્રી ગરમી નોંધાઈ હતી. માર્ચ મહિનાની શરૂઆતથી જ ગરમી તેનો મિજાજ ઉત્તર ગુજરાતવાસીઓને બતાવી રહી છે. કલાઈમેટ ચેન્જના કારણે સમગ્ર વિશ્વનું વાતાવરણ બદલાયું છે.જેના પરિણામ સ્વરૂપ વાતાવરણમાં ગરમી ઉત્તરોત્તર વધી રહી છે.તેને લઇ સમગ્ર વિશ્વ પરેશાન થયું છે. ક્લાઈમેટ ચેન્જની અસર આપણા દેશ અને ગુજરાત રાજ્ય તથા ઉત્તર ગુજરાતના વાતાવરણ પર પણ પડી છે. ઉત્તર ગુજરાતમાં ઉનાળાની શરૂઆતના તબક્કે માર્ચ મહિનાથી જ ગરમીનો પારો ઉંચકાયો હતો. ગત વર્ષે પણ માર્ચ મહિનામાં પણ ગરમીએ માઝા મુકી હતી, તો માર્ચ મહિનાના પ્રારંભથી જ ગરમીએ તેનો મિજાજ બતાવ્યો છે. છેલ્લા સપ્તાહથી તાપમાનમાં ભારે ઉછાળો આવ્યો છે. જે આગલા વર્ષોમા માર્ચ મહિનાના અંતિમ તબક્કામાં તાપમાનમાં ઉછાળો જોવા મળતો હતો. ત્યારે ચાલુ સીઝનમાં ગરમીનો પારો 42 ડિગ્રી સુધી પહોંચી ગયો છે. જેને લઇ જિલ્લાવાસીઓ ગરમીથી ભારે તૌબા પોકારી રહ્યા છે.માર્ચ મહિનાની વાત કરીએતો 28 માર્ચ 2017ના રોજ સૌથી વધુ 43.4 ડિગ્રી તાપમાન નોંધાયું હતું. ઉત્તર ગુજરાતમાં ગરમીની આજ ગતિ રહી તો ગરમીનો જૂનો રેકોર્ડ પણ તૂટી જશે તેવી હવામાન નિષ્ણાંતો સંભાવના વ્યક્ત કરી રહ્યા છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward