Community News & Updates

Stay informed with the latest happenings, achievements, and announcements from our community.

All News

calendar_today March 13, 2026

Gandhinagar News : વિધાનસભામાં મામુર શબ્દનો અર્થ જાણવા ધારાસભ્યો ગોથે ચડ્યાં, જાણો સરકારે શું આપ્યો જવાબ?

આજે ગુજરાત વિધાનસભાના બજેટ સત્રનો 16મો દિવસ છે. આજે ગૃહમાં જળસંચય અને જળભાગીદારી અંગે ચર્ચાઓ થઈ હતી. આ દરમિયાન વિપક્ષના ધારાસભ્યએ રાજ્યમાં જળ સંચય માટે કેન્દ્ર સરકારે કેટલી ગ્રાન્ટ આપી તેના જવાબમાં સરકારે માત્ર મામૂર શબ્દ કહ્યો હતો. આ શબ્દને લઈને ગૃહમાં બેઠેલા તમામ ધારાસભ્યોમાં કુતૂહલ સર્જાયું હતું. આ શબ્દને લઈને સ્પષ્ટતા કરવા માગ કરાઈ ગુજરાત વિધાનસભામાં જળ સંચય અને જળભાગીદાગીને લઈને ચર્ચાઓ થઈ હતી. પ્રશ્નોત્તરી કાળ દરમિયાન વિપક્ષના ધારાસભ્ય દ્વારા સરકારને સવાલ કરાયો હતો કે, કેન્દ્ર સરકાર તરફથી જળ સંચય અને જળભાગીદારી અંગે છેલ્લા બે વર્ષમાં કેટલી ગ્રાન્ટ ફાળવવામાં આવી છે અને રાજ્ય સરકાર તરફથી આ ગ્રાન્ટમાંથી કેટલી રકમ વાપરવામાં આવી છે. આ સવાલના જવાબમાં સરકારે માત્ર મામૂર શબ્દનો પ્રયોગ કરતાં ગૃહમાં બેઠેલા તમામ ધારાસભ્યો મુંઝવણમાં મુકાયા હતાં. મામુર શબ્દનો અર્થ શું એવી ચર્ચાઓ ચાલી હતી. ત્યાર બાદ આ શબ્દને લઈને સ્પષ્ટતા કરવા માગ કરાઈ હતી. ત્યારે સરકાર તરફથી કહેવાયું હતું કે, મામુર એટલે શૂન્ય નીલ. જળ અભિયાનમાં ગુજરાતે રેકોર્ડ નોંધાવ્યો બીજી તરફ જળ અભિયાનમાં ગુજરાતે રેકોર્ડ નોંધાવ્યો હોવાનું પણ ગૃહમાં સરકારે જણાવ્યું હતું. ત્રણ મહાનગર પાલિકા અને એક જિલ્લો જળસંચયમાં ટોપ સ્થાને હોવાનું સરકારે જણાવ્યું હતું. ગાંધીનગરના ઉત્તરના ધારાસભ્ય દ્વારા પાણી પુરવઠા મંત્રીને સવાલ કરાયો હતો. જેના જવાબમાં મંત્રીએ કહ્યું હતું કે, જળ સંચયમાં અમદાવાદ મનપા ત્રીજા ક્રમે છે. સુરત મનપા ચોથા ક્રમે છે. જ્યારે જામનગર મનપા સાતમા ક્રમે છે. સુરત જિલ્લાનો ટોપ ટેનમાં સમાવેશ કરાયો છે. આ પણ વાંચોઃ Tharad News: થરાદ કેનાલમાં પ્રેમીપંખીડાએ કરી આત્મહત્યા, હાથ બાંધી જીવન ટૂંકાવ્યું

Read Full Story arrow_forward

calendar_today March 13, 2026

Surendranagar News: લખતર-વિરમગામ હાઇવે પર બે ડમ્પર વચ્ચે અકસ્માત, ગાયને બચાવવા જતાં સર્જાઈ ઘટના

સુરેન્દ્રનગર જિલ્લાના લખતર-વિરમગામ હાઇવે પર આજે વહેલી સવારે બે ડમ્પર વચ્ચે જોરદાર અકસ્માત સર્જાયો હતો. હાઇવે પર અચાનક ગાય આડી ઉતરતા આગળ જઈ રહેલા ડમ્પર ચાલકે બ્રેક મારતા પાછળ આવી રહેલું ડમ્પર તેમાં ધડાકાભેર અથડાયું હતું. આ અકસ્માતમાં પાછળના ડમ્પરના કેબિનનો કચ્ચરઘાણ નીકળી ગયો હતો, પરંતુ ચાલકનો આબાદ બચાવ થયો છે.ઘટનાની વિગત ઘટનાની મળતી માહિતી અનુસાર, વહેલી સવારે સુરેન્દ્રનગર તરફથી વિરમગામ તરફ જઈ રહેલા બ્લેક ટ્રેપ ભરેલા એક ડમ્પર સામે અચાનક ગાય આવી ગઈ હતી. ગાયને બચાવવા માટે ચાલકે અચાનક જોરદાર બ્રેક મારી હતી. આ દરમિયાન પાછળ પૂરપાટ ઝડપે આવી રહેલું બીજું ડમ્પર આગળના ડમ્પરના પાછળના ભાગે ધડાકાભેર અથડાયું હતું. અકસ્માત એટલો ભીષણ હતો કે પાછળના ડમ્પરના આગળના ભાગને ભારે નુકસાન થયું હતું. બચાવ કામગીરી અકસ્માતનો અવાજ સાંભળી આસપાસના ખેતરોમાં કામ કરી રહેલા ખેડૂતો અને સ્થાનિક લોકો તાત્કાલિક ઘટના સ્થળે દોડી આવ્યા હતા. લોકોએ ભારે જહેમત બાદ પાછળના ડમ્પરના ચાલક અજયભાઈ ધરેજીયાને કેબિનમાંથી સહી-સલામત બહાર કાઢ્યા હતા. અજયભાઈને શરીરે સામાન્ય ઈજાઓ પહોંચી હતી, જેમને પ્રાથમિક સારવાર આપવામાં આવી છે. ચાલક ફરાર નવાઈની વાત એ છે કે, અકસ્માત સર્જાયા બાદ આગળના ડમ્પરનો ચાલક પોતાનું વાહન લઈને ઘટના સ્થળેથી નાસી છૂટ્યો હતો. અકસ્માતને પગલે હાઇવે પર થોડો સમય ટ્રાફિક જામની સ્થિતિ સર્જાઈ હતી. ખેડૂતોની સતર્કતાને કારણે ચાલકને સમયસર બહાર કાઢી લેવાતા મોટી દુર્ઘટના ટળી હતી. પોલીસે આ મામલે વધુ તપાસ હાથ ધરી છે. આ પણ વાંચો - Surendranagar News : પાંચાળની પવિત્ર ધરા પર ચોટીલા ઉત્સવ 2026નો ભવ્ય પ્રારંભ, ભક્તિ અને લોક સંસ્કૃતિનો અનોખો સંગમ

Read Full Story arrow_forward

calendar_today March 13, 2026

Iran Israel War: LPG ગેસને લઇને નિશ્ચિંત થઇ જાઓ, ભારતમાં આવી રહ્યો છે ગેસનો મોટો પુરવઠો

ભારતમાં હાલમાં ચાલી રહેલા ગેસ સંકટને પહોંચી વળવા સરકારે નોંધપાત્ર પગલાં લીધાં છે. જે પરિસ્થિતિ મધ્ય પૂર્વમાં ચાલી રહેલા સંઘર્ષને કારણે વધુ વણસી છે. સરકાર હવે યુનાઇટેડ સ્ટેટ્સ, નોર્વે, કેનેડા અને રશિયા સહિતના નવા સપ્લાયર્સ પાસેથી LPG ના મોટા જથ્થાનો સોર્સિંગ કરી રહી છે. જ્યાં પણ પુરવઠો ઉપલબ્ધ છે ત્યાંથી ગલ્ફ પ્રદેશમાંથી ખરીદી ચાલુ છે. કેન્દ્રીય પેટ્રોલિયમ મંત્રી હરદીપ સિંહ પુરીએ ગુરુવારે આ માહિતી શેર કરી. LPG ના વિશ્વના બીજા સૌથી મોટા આયાતકાર તરીકે, ભારત હાલમાં મર્યાદિત પુરવઠાના પડકારનો સામનો કરી રહ્યું છે. રાજ્ય પ્રદૂષણ નિયંત્રણ બોર્ડને આપી સલાહ કેન્દ્રીય મંત્રીએ જણાવ્યું કે કેન્દ્રીય પર્યાવરણ મંત્રાલયે રાજ્ય પ્રદૂષણ નિયંત્રણ બોર્ડને સલાહ આપી છે કે તેઓ હોટેલ અને રેસ્ટોરન્ટ ક્ષેત્રને એક મહિનાના સમયગાળા માટે વૈકલ્પિક ઇંધણ - જેમ કે બાયોમાસ, કેરોસીન અને કોલસા - નો ઉપયોગ કરવાની મંજૂરી આપે, જેનો ઉદ્દેશ્ય LPG વપરાશ ઘટાડવાનો છે. અગાઉ 60% ગેસ ગલ્ફ રાષ્ટ્રોમાંથી આવતો સંસદમાં બોલતા હરદીપ પુરીએ સમજાવ્યું કે ભારત અગાઉ તેની LPG જરૂરિયાતોના લગભગ 60% ગલ્ફ રાષ્ટ્રોમાંથી આયાત કરતું હતું. જો કે ખરીદી માટેના સ્ત્રોતો હવે વૈવિધ્યસભર બનાવવામાં આવ્યા છે. કટોકટીની સત્તાઓનો ઉપયોગ કરીને કેન્દ્ર સરકારે રિફાઇનરીઓને ઔદ્યોગિક ક્ષેત્રોને વેચાણ ઘટાડીને LPG ઉત્પાદન વધારવાનો નિર્દેશ આપ્યો છે જેનાથી દેશના લગભગ 333 મિલિયન ઘરોને ગેસની અછતનો સામનો ન કરવો પડે તે સુનિશ્ચિત થાય છે. કેન્દ્રીય મંત્રીએ ખાતરી આપી હતી કે ઘરેલું LPG પુરવઠો સંપૂર્ણપણે સુરક્ષિત રહે છે અને ગેસ સિલિન્ડરો માટે ડિલિવરી ચક્ર રાબેતા મુજબ ચાલુ રહે છે. હોર્મુઝ સ્ટ્રેટની બહારથી તેલની પ્રાપ્તિમાં વધારો અમેરિકા, ઇઝરાયલ અને ઈરાન સાથેના સંઘર્ષના પરિણામે ગલ્ફ પ્રદેશ અને હોર્મુઝ સ્ટ્રેટમાં જહાજોની હિલચાલ સ્થગિત થવાને કારણે વૈશ્વિક શિપિંગ કામગીરી ખોરવાઈ ગઈ છે. આ પરિસ્થિતિએ ભારતના ક્રૂડ ઓઇલ, LPG અને LNGના પુરવઠા પર પણ અસર કરી છે. સરકારના ઉપચારાત્મક પગલાં છતાં રેસ્ટોરાં, હોટલો અને વિવિધ ઔદ્યોગિક ક્ષેત્રોને મર્યાદિત LPG પુરવઠાનો સામનો કરવો પડ્યો છે. કારણ કે બળતણનો ઉપયોગ મુખ્યત્વે રસોઈ હેતુ માટે થાય છે. કાળાબજારને રોકવા માટે લેવામાં આવેલા પગલાં પુરીએ જણાવ્યું હતું કે ગુરુવારથી તેલ કંપનીઓ - રાજ્ય સરકારો સાથે મળીને - સંગ્રહખોરી અને કાળાબજારને રોકવા માટે સરેરાશ માસિક વાણિજ્યિક LPG જરૂરિયાતના 20% ફાળવશે. ગયા વર્ષે ભારતે 33.15 મિલિયન ટન રસોઈ ગેસનો વપરાશ કર્યો હતો જેમાંથી આયાત આ માંગના લગભગ 60% ને પૂર્ણ કરે છે. સંઘર્ષ વચ્ચે ગેસની કોઈ અછત નથી પુરીએ એ પણ પુષ્ટિ આપી હતી કે ભારતની વર્તમાન ક્રૂડ ઓઇલ સપ્લાય સ્થિતિ સુરક્ષિત છે, કારણ કે હોર્મુઝ સ્ટ્રેટની બહારથી મેળવાતા તેલનો હિસ્સો કુલ આયાતના 70% સુધી વધી ગયો છે. તેમણે ઉમેર્યું હતું કે દેશમાં પેટ્રોલ અને ડીઝલની ઉપલબ્ધતા પણ સંપૂર્ણપણે સુરક્ષિત છે, અને LNG કન્સાઇન્મેન્ટ્સ વૈકલ્પિક માર્ગો દ્વારા લગભગ દરરોજ આવી રહ્યા છે. પુરીએ ભાર મૂક્યો હતો કે જો સંઘર્ષ લાંબા સમય સુધી ચાલુ રહે તો પણ, ભારત પાસે સ્થાનિક ગેસ ઉત્પાદન અને LNG સપ્લાય માટે પૂરતી વ્યવસ્થા છે જેથી પરિસ્થિતિને અસરકારક રીતે સંચાલિત કરી શકાય.

Read Full Story arrow_forward