Community News & Updates

Stay informed with the latest happenings, achievements, and announcements from our community.

All News

calendar_today March 12, 2026

Surat : LPG ગેસની અછતની અસર, રોજ કંપની દીઠ 125 ટ્રક આવતી હતી, હવે 50 થી 60 ટ્રક આવે છે

સુરત શહેરમાં એલપીજી ગેસની અછતની સ્થિતિ સર્જાતા નાગરિકો અને ગેસ એજન્સીઓ બંને ચિંતામાં મુકાયા છે. છેલ્લા કેટલાક દિવસોથી શહેરમાં ગેસના પુરવઠામાં નોંધપાત્ર ઘટાડો થયો હોવાનું સામે આવ્યું છે.હાલ ગેસ ગેસ સિલીન્ડરના 50થી 60 ટ્રક આવે છે અગાઉ રોજિંદા પુરવઠા માટે એક કંપનીમાં અંદાજે 125 જેટલા ટ્રક ગેસના આવતા હતા, પરંતુ હાલ આ સંખ્યા ઘટીને માત્ર 50 થી 60 ટ્રક સુધી પહોંચી ગઈ છે. વિદેશમાંથી આવતા ગેસના પુરવઠામાં ઘટાડો માહિતી મુજબ વિદેશમાંથી આવતા ગેસના પુરવઠામાં ઘટાડો થવાના કારણે આ સ્થિતિ ઊભી થઈ છે. સુરત નજીક આવેલા હજીરા વિસ્તારમાં ત્રણ મોટી ગેસ કંપનીઓ કાર્યરત છે, જ્યાંથી શહેર અને આસપાસના વિસ્તારોમાં એલપીજી ગેસનો પુરવઠો આપવામાં આવે છે. પરંતુ હાલ પુરવઠામાં ઘટાડો થતા ગેસ એજન્સીઓએ વિતરણ પર નિયંત્રણ લાવવાનો નિર્ણય લીધો છે. ગ્રાહકોને ગેસનો પુરવઠો નિયમિત અને યોગ્ય રીતે મળે તે માટે ખાસ આયોજન ગેસ એજન્સીઓ દ્વારા ગ્રાહકોને ગેસનો પુરવઠો નિયમિત અને યોગ્ય રીતે મળે તે માટે ખાસ આયોજન કરવામાં આવી રહ્યું છે. કેટલાક વિસ્તારોમાં બુકિંગ પછી સિલિન્ડર મળવામાં થોડો વિલંબ થવાની શક્યતા પણ વ્યક્ત કરવામાં આવી છે. આ પરિસ્થિતિને ધ્યાનમાં રાખીને ગેસ એજન્સીઓએ ગ્રાહકોને અનાવશ્યક સ્ટોક ન રાખવાની અપીલ કરી છે. સાથે જ પુરવઠાની સ્થિતિ સુધરે ત્યાં સુધી સિલિન્ડરનું વિતરણ વ્યવસ્થિત રીતે કરવામાં આવશે.પુરવઠો નિયત્રંણમાં રાખવા ગેસ એજન્સીનો નિર્યણ સ્થાનિક સ્તરે પણ પરિસ્થિતિ પર નજર રાખવામાં આવી રહી છે. જો ગેસનો પુરવઠો ફરી સામાન્ય બનશે તો આગામી દિવસોમાં આ સમસ્યાનો ઉકેલ આવી શકે છે. હાલમાં સુરત શહેરમાં ગેસ એજન્સીઓ પુરવઠાને નિયંત્રિત કરીને ગ્રાહકોને મુશ્કેલી ઓછી થાય તે માટે પ્રયત્ન કરી રહી છે.આ પણ વાંચો----     Gandhinagar : ગેસની સ્થિતિ પર જીતુ વાઘાણીનું નિવેદન, સરકાર પાસે હાલ પૂરતા પ્રમાણમાં જથ્થો છે

Read Full Story arrow_forward

calendar_today March 12, 2026

Gandhinagar News : રાજ્યના 29 જૂના શ્રમ કાયદાઓ એકીકૃત કરીને 4 નવી શ્રમ સંહિતાઓ અમલી કરાઈ

વિધાનસભા ખાતે શ્રમ, કૌશલ્ય વિકાસ અને રોજગાર મંત્રી કુંવરજી બાવળિયાએ જણાવ્યું કે રાજ્યનું વર્ષ 2026-27નું બજેટ ‘વિકસિત ગુજરાત’થી ‘વિકસિત ભારત’ ના લક્ષ્યને સાકાર કરવાની દિશામાં એક મહત્વપૂર્ણ સીમાચિહ્ન છે.શ્રમ, કૌશલ્ય વિકાસ અને રોજગાર વિભાગ માટે કુલ 2902 કરોડની જોગવાઈ કરવામાં આવી છે.શ્રમમંત્રીએ કહ્યું કે મુખ્યમંત્રીના નેતૃત્વ હેઠળની રાજ્ય સરકાર દ્વારા વર્ષ 2026-27 માટે કુલ રૂ. 4,08,053કરોડનું ઐતિહાસિક અંદાજપત્ર રજૂ કરવામાં આવ્યું છે. નવી શ્રમ સંહિતા અમલી બનાવવામાં આવી ભારત સરકારના પીરીયોડિક લેબર ફોર્સ સર્વે (PLFS) મુજબ, દેશના સરેરાશ ૩.૨ ટકા બેરોજગારી દરની સામે ગુજરાતમાં આ દર માત્ર ૧.૧ ટકા જેટલો નીચો છે, જે સરકારના અસરકારક પ્રયાસો દર્શાવે છે.મંત્રીશ્રીએ જણાવ્યું કે રાજ્યમાં ૨૯ શ્રમ કાયદાઓને એકીકૃત કરી ૪ નવી શ્રમ સંહિતાઓ તા.૨૧/૧૧/૨૦૨૫ થી અમલી બનાવવામાં આવી છે. આ સુધારાઓથી શ્રમિકોના અધિકારોનું રક્ષણ થશે અને ઉદ્યોગો માટે 'Ease of Doing Business' માં વધારો થશે.તેમણે કહ્યું કે શ્રમયોગીઓના કલ્યાણ માટે કાર્યરત વિવિધ બોર્ડ દ્વારા અનેક યોજનાઓ અમલી છે. ગુજરાત મકાન અને અન્ય બાંધકામ શ્રમયોગી કલ્યાણ બોર્ડ હેઠળ ૧૧.૪૦ લાખથી વધુ શ્રમિકો નોંધાયેલા છે.શ્રમ મંત્રીએ કહ્યું કે બાંધકામ શ્રમિકોને આરોગ્ય સુવિધા પૂરી પાડતા ‘ધન્વંતરિ આરોગ્ય રથ’ની સંખ્યા આગામી વર્ષે ૫૦૦ સુધી લઈ જવાનું લક્ષ્ય છે. રાજ્યના યુવાધનને તાલીમબદ્ધ કરાશે આ માટે રૂ. ૬૦ કરોડ ફાળવાયા છે. જ્યારે ‘શ્રમિક અન્નપૂર્ણા યોજના’ હેઠળ માત્ર રૂ. ૫માં પૌષ્ટિક ભોજન પૂરું પાડવા માટે નવાં ૩૦૦ કેન્દ્રો ઉમેરવા રૂ. ૨૦૦ કરોડની જોગવાઈ કરવામાં આવી છે.રાજ્યના યુવાધનને તાલીમબદ્ધ કરવા માટે ‘નમો ગુજરાત કૌશલ્ય અને રોજગાર મિશન’ હેઠળ રૂ. ૨૨૬ કરોડ અને ITI ના અપગ્રેડેશન માટે ‘પી.એમ. સેતુ’ યોજના હેઠળ રૂ. ૨૦૦ કરોડ ફાળવવામાં આવ્યા છે તેમ તેમણે ઉમેર્યું હતું. આ જ રીતે, દીકરીઓના શિક્ષણને પ્રોત્સાહન આપવા ‘નમો કૌશલ્ય લક્ષ્મી યોજના’ હેઠળ ITI માં અભ્યાસ કરતી વિદ્યાર્થિનીઓને રૂ. ૧૫,૦૦૦ થી ૨૪,૦૦૦ ની સહાય માટે રૂ. ૪૦ કરોડની જોગવાઈ કરવામાં આવી છે. શ્રમ અને રોજગાર વિભાગની અન્ય મહત્ત્વની બાબતો મુખ્ય મુદ્દાઓ નીચે મુજબ છે: બજેટ ફાળવણી: શ્રમ, કૌશલ્ય વિકાસ અને રોજગાર વિભાગ માટે કુલ રૂ. 2902 કરોડની જોગવાઈ ‘ઈ-શ્રમ’ પોર્ટલ: રાજ્યમાં 1.23 કરોડથી વધુ અસંગઠિત શ્રમયોગીઓની ‘ઈ-શ્રમ’ પોર્ટલ પર નોંધણી મહિલા ઉત્કર્ષ: મહિલા બાંધકામ શ્રમિકો માટે 37500ની પ્રસૂતિ સહાય યોજના સિલિકોસીસ પીડિતોને સહાય: અકીક અને પથ્થરના વ્યવસાય સાથે સંકળાયેલા શ્રમિકોને ગંભીર સિલિકોસીસ રોગની સારવાર માટે રૂ.3લાખ અને મૃત્યુના કિસ્સામાં વારસદારોને રૂ. 4 લાખની સહાય આપવાની જોગવાઈ અગરીયાઓ માટે આવાસ: કામના સ્થળે વિષમ પરિસ્થિતિમાં રહેતા 2500 મીઠા અગરીયાઓને સોલાર પેનલ અને પાણીના ટાંકા સાથેના પોર્ટેબલ આવાસ પૂરા પાડવાનું આયોજન મુખ્યમંત્રી ભાગ્ય લક્ષ્મી બોન્ડ યોજના: બાંધકામ શ્રમિકની દીકરીના નામે રૂ.25 હજારના બોન્ડ 18 વર્ષની મુદત માટે આપવામાં આવે છે, જેના માટે બજેટમાં 2 કરોડની જોગવાઈ શ્રમિક પરિવહન યોજના: શ્રમિકોને કડિયાનાકાથી કામના સ્થળે જવા માટે અમદાવાદ, વડોદરા, સુરત અને રાજકોટમાં મ્યુનિસિપલ બસ પાસના ખર્ચમાં 80 ટકા સહાય ITI ઈન્ફ્રાસ્ટ્રક્ચર: રાજ્યની 16 આઈ.ટી.આઈ.ની નવી બિલ્ડિંગના બાંધકામ માટે રૂ.97 કરોડ અને માળખાકીય સુવિધાઓના મજબૂતીકરણ માટે રૂ.64 કરોડની જોગવાઈ શ્રમ સેતુ પોર્ટલ: શ્રમિકોની ગ્રેચ્યુઇટી અને ઔદ્યોગિક વિવાદોની અરજીઓ ઓનલાઈન ઉકેલવા માટે 'કેસ એન્ડ ક્લેઈમ મેનેજમેન્ટ મોડ્યુલ' વિકસાવાયું અંત્યેષ્ઠિ સહાય: અસંગઠિત ક્ષેત્રના શ્રમયોગીઓની મરણોત્તર ક્રિયા માટે રૂ. 10000ની સહાયની જોગવાઈ સામાજિક સુરક્ષા:અકસ્માત મૃત્યુ કે કાયમી અપંગતાના કિસ્સામાં અસંગઠિત શ્રમયોગીઓને રૂ.4 લાખ સુધીની સહાય આ પણ વાંચોઃ Vadodara: ગાજરવાડી વિસ્તારમાં બોગસ તબીબનો પર્દાફાશ, ડિગ્રી વગર એલોપેથી દવાઓ સાથે ધવલ કવાડ ઝડપાયો

Read Full Story arrow_forward

calendar_today March 12, 2026

Ahmedabad રેલવે સ્ટેશન પર નકલી ટિકિટ કૌભાંડ , IRCTC એજન્ટ બની ઠગાઈ કરતો શખ્સ ઝડપાયો

અમદાવાદ રેલવે સ્ટેશન પર મુસાફરોને નકલી ટિકિટ આપી ઠગાઈ કરનાર એક આરોપીની રેલવે પોલીસે ધરપકડ કરી છે. આરોપી પોતાને IRCTC નો એજન્ટ તરીકે ઓળખ આપી મુસાફરોને ટિકિટ આપવાના બહાને રૂપિયા પડાવી લેતો હતો.કન્ફર્મ ટિકિટ અપાવવાની ખાતરી આપી રોકડા રૂપિયા વસૂલ કરતોપકડાયેલ આરોપીનું નામ ઉપેન્દ્ર દ્વિવેદી હોવાનું સામે આવ્યું છે. તે મૂળ મધ્યપ્રદેશના રિવાનો રહેવાસી છે. આરોપી અમદાવાદ રેલવે સ્ટેશન પર ટિકિટ લેવા માટે આવેલા મુસાફરોને ટાર્ગેટ કરતો અને તેમને કન્ફર્મ ટિકિટ અપાવવાની ખાતરી આપી રોકડા રૂપિયા વસૂલ કરતો હતો. મુસાફરે ભાંડો ફોડ્યો માહિતી મુજબ, આરોપી મુસાફરોને ટિકિટ પણ આપતો હતો પરંતુ તે ટિકિટ સંપૂર્ણપણે બનાવટી હતી. આવી જ રીતે તેણે વિજય કુમાર નામના મુસાફરને નકલી ટિકિટ આપી હતી. જ્યારે મુસાફરે ટિકિટની ચકાસણી કરી ત્યારે તે બનાવટી હોવાનું સામે આવ્યું. ત્યારબાદ મુસાફરે રેલવે પોલીસનો સંપર્ક કર્યો હતો. ગુગલ ડોક્યુમેન્ટનો ઉપયોગ કરીને બનાવટી રેલવે ટિકિટ તૈયાર કરતો ફરિયાદ મળતા જ પોલીસે સ્ટેશનના સીસીટીવી ફૂટેજ અને મોબાઇલ નંબરના આધારે તપાસ હાથ ધરી હતી. તપાસ દરમિયાન આરોપીની ઓળખ થતા પોલીસે તેની ધરપકડ કરી હતી. પોલીસ તપાસમાં સામે આવ્યું કે આરોપી મોબાઈલમાં ગુગલ ડોક્યુમેન્ટનો ઉપયોગ કરીને બનાવટી રેલવે ટિકિટ તૈયાર કરતો અને તેની પીડીએફ ફાઇલ મુસાફરોને મોકલી આપતો હતો.  400થી વધુ મુસાફરો સાથે આવી રીતે છેતરપિંડી કરી પૂછપરછ દરમિયાન વધુ એક ચોંકાવનારી હકીકત સામે આવી છે કે આરોપીએ છેલ્લા ત્રણ વર્ષમાં અંદાજે 400 થી વધુ મુસાફરો સાથે આવી રીતે છેતરપિંડી કરી છે. રકમ ઓછી હોવાના કારણે ઘણા લોકો ફરિયાદ કરવાનું ટાળતા હતા. અલગ અલગ શહેરોમાં ઠગાઇ કરી આરોપીએ અમદાવાદ સિવાય સુરત, ભરુચ, અંકલેશ્વર, અને વડોદરા સહિતના રેલવે સ્ટેશનો પર પણ ઠગાઈ કરી હોવાની કબૂલાત કરી છે. હાલ રેલવે પોલીસે આરોપી સામે ગુનો નોંધી વધુ તપાસ શરૂ કરી છે.આ પણ વાંચો----     Gandhinagar : ગેસની સ્થિતિ પર જીતુ વાઘાણીનું નિવેદન, સરકાર પાસે હાલ પૂરતા પ્રમાણમાં જથ્થો છે

Read Full Story arrow_forward