Community News & Updates

Stay informed with the latest happenings, achievements, and announcements from our community.

All News

calendar_today March 12, 2026

Patan: નીલમ સિનેમા પાસે જૂની અદાવતમાં ફાયરિંગ, એક યુવકને ગોળી વાગતા ગંભીર હાલતમાં હોસ્પિટલ ખસેડાયો

પાટણ શહેરમાં આજે દિવસે-દહાડે ફાયરિંગની ઘટના બનતા ભારે ચકચાર મચી ગઈ છે. શહેરના વ્યસ્ત ગણાતા નીલમ સિનેમા વિસ્તારમાં બે જૂથો વચ્ચે જૂની અદાવતને લઈને અથડામણ થઈ હતી, જેમાં એક યુવક પર ગોળી ચલાવવામાં આવતા તે ગંભીર રીતે ઈજાગ્રસ્ત થયો છે.ભરબજારમાં ફાયરિંગથી અફરાતફરીપ્રાપ્ત વિગતો મુજબ, પાટણના નીલમ સિનેમા વિસ્તારમાં આજે બપોરે એકાએક બે જૂથો આમને-સામને આવી ગયા હતા. બંને જૂથો વચ્ચે ચાલતી જૂની અદાવતનું પરિણામ આજે ફાયરિંગમાં આવ્યું હતું. અજાણ્યા શખ્સો દ્વારા ચલાવવામાં આવેલી ગોળી સીધી એક યુવકને વાગતા તે લોહીલુહાણ હાલતમાં રસ્તા પર ઢળી પડ્યો હતો. બનાવને પગલે વિસ્તારમાં અફરાતફરી મચી ગઈ હતી અને લોકો જીવ બચાવવા દોડતા થયા હતા.પોલીસનો કાફલો ઘટનાસ્થળેફાયરિંગમાં ગંભીર રીતે ઘાયલ થયેલા યુવકને તાત્કાલિક સારવાર અર્થે પાટણની ખાનગી હોસ્પિટલમાં ખસેડવામાં આવ્યો છે. હાલ યુવકની તબિયત અત્યંત નાજુક હોવાનું જાણવા મળી રહ્યું છે. ઘટનાની ગંભીરતાને ધ્યાનમાં લેતા પાટણ એ-ડિવિઝન પોલીસ, SOG અને LCB સહિતનો પોલીસ કાફલો તાત્કાલિક ઘટનાસ્થળે દોડી આવ્યો હતો. હાલમાં પોલીસે આસપાસના સીસીટીવી ફૂટેજ મેળવીને હુમલાખોરોને પકડવા માટે ચક્રો ગતિમાન કર્યા છે.આ પણ વાંચો: Ahmedabad: કાળઝાળ ગરમીનો પ્રકોપ, AMTS સ્ટેશનો પર મુસાફરોને ઠંડક આપવા 'મિસ્ટિંગ ફુવારા'ની ખાસ વ્યવસ્થા

Read Full Story arrow_forward

calendar_today March 12, 2026

Ahmedabad: સોનાના વેપારી સાથે 96 લાખની છેતરપિંડી, આંગડિયા પેઢીના નામે વેપારીને છેતરનાર બે ઠગ ફરાર

અમદાવાદના પોશ ગણાતા સેટેલાઈટ વિસ્તારમાં સોનાના વેપારના નામે એક મોટા કૌભાંડનો પર્દાફાશ થયો છે. સોનાની ખરીદી કરવાના બહાને આવેલા બે યુવકોએ વેપારીને વિશ્વાસમાં લઈને લાખો રૂપિયાનું સોનું પડાવી લીધું હતું અને બાદમાં પેમેન્ટ ચૂકવ્યા વગર ફરાર થઈ ગયા હતા.સેટેલાઈટમાં સોનાના વેપારી સાથે ઠગાઈપ્રાપ્ત માહિતી મુજબ, આરોપી પાર્થ દલવાડી અને રાકેશ સોની નામના બે શખ્સોએ સોનાના વેપારી પાસેથી ૭૫૦ ગ્રામ સોનું ખરીદ્યું હતું. આ સોનાની બજાર કિંમત આશરે ૯૬ લાખ રૂપિયા જેટલી થાય છે. આરોપીઓએ વેપારીને વિશ્વાસ અપાવ્યો હતો કે તેઓ આંગડિયા પેઢી દ્વારા પેમેન્ટની ચૂકવણી કરી દેશે. જોકે, સોનું હાથમાં આવ્યા બાદ બંને આરોપીઓએ આંગડિયા પેઢીમાં જવાનું નાટક કર્યું હતું અને ત્યાંથી ગાયબ થઈ ગયા હતા.સેટેલાઈટ પોલીસમાં નોંધાઈ ફરિયાદઘટનાની જાણ થતા જ છેતરાયેલા વેપારીએ સેટેલાઈટ પોલીસ સ્ટેશનનો સંપર્ક સાધ્યો હતો. પોલીસે પાર્થ દલવાડી અને રાકેશ સોની વિરુદ્ધ છેતરપિંડીનો ગુનો નોંધીને તપાસ હાથ ધરી છે. આરોપીઓએ વેપારી સાથે આયોજનબદ્ધ રીતે ઠગાઈ કરી હોવાનું પોલીસ માની રહી છે. હાલ સેટેલાઈટ પોલીસે બંને આરોપીઓની શોધખોળ તેજ કરી છે અને સીસીટીવી ફૂટેજ તેમજ આંગડિયા પેઢીના રેકોર્ડની તપાસ કરવામાં આવી રહી છે.આ પણ વાંચો: Patan: નીલમ સિનેમા પાસે જૂની અદાવતમાં ફાયરિંગ, એક યુવકને ગોળી વાગતા ગંભીર હાલતમાં હોસ્પિટલ ખસેડાયો

Read Full Story arrow_forward

calendar_today March 12, 2026

Gujarat Weather Updates: સુરેન્દ્રનગર અને રાજકોટમાં સિવિયર હિટવેવ રહેશે, 17 માર્ચ સુધી ગરમી પીછો નહીં છોડે

ગરમીને લઇ હવામાન વિભાગની આગાહી સામે આવી છે અને રાજ્યમાં કાળઝાળ ગરમી પડશે તેવી આગાહી હવામાન વિભાગ દ્વારા કરવામાં આવી છે.હવામાન વિભાગે 3 દિવસ હિટવેવની આગાહી ગુજરાત માટે કરી છે જેમાં રાત્રે પણ ગરમી સહન કરવી પડશે અને સુરેન્દ્રનગર, રાજકોટમાં રેડ એલર્ટ અપાયું છે, ગુજરાતમાં વોર્મ નાઇટની રાત્રે અસર રહેશે. ગરમીમાં લોકોને લાઈટ કલરના કપડાં પહેરવા અપીલ કરાઈ છે. વધુ પ્રમાણમાં પાણી પીવાની સલાહ પણ અપાઈ છે. 12થી 17 માર્ચ સુધી ગરમીની અસર રહેશે હવામાન વિભાગના ડાયરેક્ટર એ.કે. દાસે જણાવ્યું હતું કે, રાજ્યમાં 17મી માર્ચ સુધી ગરમીની અસર વર્તાશે. આજે રાજકોટ અને સુરેન્દ્રનગરમાં હીટવેવનું ઓરેન્જ એલર્ટ અપાયું છે. જ્યારે બનાસકાંઠા, પાટણ, અમરેલી, કચ્છ, સુરત, વડોદરા, પોરબંદર અને જૂનાગઢમાં યલો એલર્ટ અપાયું છે. ઉત્તર પૂર્વના ગરમ પવનો ફૂંકાતા રાજ્યમાં હીટવેવની અસર અનુભવાઈ રહી છે. રાત્રે રાજ્યમાં વોર્મ નાઈટ રહેશે. 12થી 17 માર્ચ સુધી ગરમીની અસર રહેશે. ગાંધીનગર અને અમદાવાદમાં વોર્મ નાઈટ રહેશે હવામાન વિભાગની આગાહી પ્રમાણે ગાંધીનગર અને અમદાવાદમાં વોર્મ નાઈટ રહેશે. સુરેન્દ્રનગર અને રાજકોટમાં સિવિયર હિટવેવ રહેશે. વલ્લભ વિદ્યાનગરમાં 42.3 ડિગ્રી તાપમાન નોંધાયું છે. જ્યારે દીવમાં 40.7 ડિગ્રી તાપમાન નોંધાયું છે. અમદાવાદમાં 41.4, ગાંધીનગરમાં 40.7 ડિગ્રી, ડીસામાં 40.7, વડોદરામાં 41.6 ડિગ્રી તાપમાન, સુરતમાં 41 ડીગ્રી, અમરેલીમાં 40.9 ડિગ્રી, પોરબંદરમાં 40.2 ડિગ્રી, વેરાવળમાં 40.7 ડિગ્રી, રાજકોટમાં 41 ડિગ્રી, સુરેન્દ્રનગરમાં 41 ડિગ્રી તાપમાન નોંધાયું છે. આ પણ વાંચોઃ Weather News : ગુજરાતમાં 3 દિવસ હવામાન વિભાગે હિટવેવની કરી આગાહી, સુરેન્દ્રનગર અને રાજકોટમાં ગરમીને લઈ "રેડ એલર્ટ" અપાયું

Read Full Story arrow_forward