Ahmedabad : સોલા વિસ્તારમાં કારના શો-રૂમમાં લાગી ભીષણ આગ, 6 કાર બળીને ખાખ
અમદાવાદના સોલા વિસ્તારમાં આવેલા મંગલદીપ પ્લોટ પાસે કિયા શો રૂમના વર્કશોપમાં આજે અચાનક આગ લાગી. આગની તીવ્રતાના કારણે શો રૂમમાં ભારે અફરાતફરીનો માહોલ સર્જાયો અને ત્યાં પાર્ક કરેલી 6 કાર સંપૂર્ણપણે બળીને ખાખ થઈ ગઈ.શો રૂમમાં અફરાતફરીનો માહોલ સર્જાયો આગની ઘટના અંગે જાણ થતાં જ તાત્કાલિક ફાયરબ્રિગેડનીના 3 ફાયર એન્જિન ટીમો ઘટના સ્થળ પર પહોંચી ગયા. ફાયરબ્રિગેડની ટીમોએ ભારે જહેમત અને તાત્કાલિક પગલાં લીધા છતાં આગને કાબૂમા લેવા માટે ઘણા કલાકો લાગ્યા. સ્થાનિકોએ જણાવ્યું કે આગની ચેતવણી મળતાં તરત જ શો રૂમમાંથી કર્મચારીઓ અને ગ્રાહકોને બહાર કાઢવામાં આવ્યા. તમામ લોકોને સુરક્ષિત રીતે સ્થળ પરથી બહાર લાવવામાં સફળતા મળી. જોકે, આગના કારણે શો રૂમના વર્કશોપ, પાર્ક કરેલી કાર અને અન્ય માલસામાનમાં લાખો રૂપિયાનું નુકસાન થયાની પૂરેપૂરી આશંકા વ્યક્ત કરવામાં આવી રહી છે. લાખોનું નુકસાન થવાની પૂરેપૂરી આશંકા ફાયર વિભાગ દ્વારા આગના કારણની તપાસ શરૂ કરવામાં આવી છે. પ્રાથમિક અંદાજ મુજબ આગ વર્કશોપમાં વાયરિંગ અથવા મકાનના ઈલેક્ટ્રિકલ તંત્રમાં ખોટ અથવા શોર્ટ સર્કિટથી લાગી હોવાની શક્યતા જણાઈ રહી છે. પોલીસ અને ફાયર વિભાગે સંયુક્ત તપાસ ચાલુ રાખી છે અને નજીકની દુકાનો અને રહેઠાણોને પણ બચાવવા માટે પ્રાથમિક પગલાં લીધા છે. આ ઘટના શહેરમાં વાહન અને વ્યવસાય સંલગ્ન જગ્યોમાં સુરક્ષા વધારવાની જરૂરિયાત ફરીથી ઊભી કરે છે. આ પણ વાંચો : Heatwave Alert: સાવધાન! બપોરે 1 થી 5 બહાર ન નીકળવા તંત્રની કડક સૂચના, આ જિલ્લામાં હીટવેવનું રેડ એલર્ટ
Read Full Story arrow_forward
