Deesa: કુંપટ ગામે શિતળા સાતમ નિમિત્તે અનોખો ભાતીગળ લોકમેળો યોજાયો
બનાસકાંઠાના ડીસા તાલુકાના કુંપટ ગામે શિતળા સાતમ નીમિતે અનોખો ભાતીગળ લોકમેળો યોજાયો હતો. આ મેળામાં બનાસકાંઠા જિલ્લા જ નહીં પરંતુ સમગ્ર રાજ્યમાંથી ભક્તો આ મેળાનો લાભ લે છે. જયાં બાળકોમાં થતા ઓરી, અછબડા અને આંખોના રોગ માટેની બાધા આખડી પુરી કરવા માટે આજુબાજુના 50 થી વધુ ગામોના લોકોએ આવે છે અને શિતળા માતાના દર્શન કરી ધન્યતા અનુભવી છે.ભારતીય સંસ્કૃતિમાં તહેવારોની ઉજવણીનું આગવું મહાતમય છે ત્યારે શિતળા સાતમના પર્વની પણ પરંપરાગત રીતે ઉત્સાહભેર ઉજવણી કરાઈ હતી. ફાગણ મહિનામાં ઉજવાતા શિતળા સાતમની ઉજવણી મહદ અંશે રાજસ્થાનને અડીને આવેલા બનાસકાંઠા જિલ્લામાં જ થાય છે. આ પર્વની ઉજવણી પ્રસંગે વિવિધ સ્થળે લોકમેળા પણ યોજાય છે. ત્યારે ડીસા તાલુકાના કુંપટ ગામમાં બનાસનદીના કિનારે બિરાજમાન શિતળા માતાના પ્રાચીન મંદિરે શિતળા સાતમનો અનોખો ભાતીગળ લોકમેળો યોજાયો હતો. વર્ષોથી યોજાતા આ મેળામાં ગ્રામ્ય સંસ્કૃતિના દર્શન થયા હતા. આમ તો શિતળા સાતમ વર્ષમાં બે વાર આવે છે એક શિતળા સાતમ શ્રાવણમાસના કૃષ્ણ પક્ષમાં ઉજવાય છે. જ્યારે બીજી શિતળા સાતમ ફાગણ વદ સાતમના દિવસે ઉજવાય છે. જોકે અહીં યોજાતા મેળામાં લોકો અનોખી બાધા આખડી પુરી કરવા આવે છે ખાસ કરીને બાળકોમાં થતા ઓરી અછબડાના રોગમાં બાળક જલ્દી સ્વસ્થ થઈ જાય તે માટે બાળકોને મીઠાથી કે સાકરથી તોલવાની બાધા તેમજ આંખો માં થતા રોગ થયો હોય તો માતાજીને આંખો અર્પણ કરવાની બાધા રાખતા હોય છે. અને આજે આ બાધા આખડી પૂર્ણ કરવા માટે આજુબાજુના 50 થી પણ વધુ ગામના લાખો શ્રાદ્ધાળુઓ શિતળા માતાના મંદિરે આવે છે. કુંપટ ખાતે યોજાયેલા શિતળા સાતમના મેળામાં ઉમટી પડેલા ભાવિકો માટે મેળાના આયોજકો અને ગ્રામજનો દ્વારા પણ સુંદર વ્યવસ્થા ગોઠવાઈ હતી. ખાસ કરીને કુંપટ ગામ ખાતે યોજાતા આ મેળામાં કોઈ અનિચ્છનીય ઘટના ન બને તે માટે ડીસા તાલુકા પોલીસ દ્વારા ચુસ્ત પોલીસ બંદોબસ્ત પણ ગોઠવવામાં આવ્યો હતો. આ મંદિરે દર વર્ષે બનાસકાંઠા જિલ્લા સહિત ગુજરાતમાંથી લાખોની સંખ્યામાં ભક્તો શિતળા માતાના દર્શન કરવા માટે ઉમટી પડે છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
