Anil Ambaniની મુશ્કેલીઓ વધી, CBIએ રૂપિયા 1,085 કરોડના ફ્રોડ મામલે કેસ દાખલ કર્યો
દેશના જાણીતા ઉદ્યોગપતિ અનિલ અંબાણીની મુશ્કેલીઓ ઓછી થવાના કોઈ સંકેત દેખાઈ રહ્યા નથી. પંજાબ નેશનલ બેન્ક (PNB)ની ફરિયાદ પર તાત્કાલિક કાર્યવાહી કરતા, સેન્ટ્રલ બ્યુરો ઓફ ઈન્વેસ્ટિગેશન (CBI) એ અનિલ અંબાણી, તેમની કંપની રિલાયન્સ કોમ્યુનિકેશન્સ (RCom) અને ભૂતપૂર્વ ડિરેક્ટર મંજરી અશોક કક્કર સામે 1,085 કરોડ રૂપિયાથી વધુના કથિત બેન્ક છેતરપિંડીનો ફોજદારી કેસ નોંધ્યો છે.PNBને રૂપિયા 621.39 કરોડનું નુકસાન થયું આ સમગ્ર કેસના મૂળ 2013થી 2017 ના સમયગાળામાં છે. એવો આરોપ છે કે આ સમયગાળા દરમિયાન બે મુખ્ય જાહેર ક્ષેત્રની બેન્કો સાથે મોટાપાયે છેતરપિંડી થઈ હતી. મુંબઈમાં PNBની સ્ટ્રેસ્ડ એસેટ્સ મેનેજમેન્ટ શાખાના ચીફ મેનેજર સંતોષકૃષ્ણ અન્નાવરપુએ 5 માર્ચે સત્તાવાર ફરિયાદ નોંધાવી હતી. આ કથિત કૌભાંડને કારણે પંજાબ નેશનલ બેન્કને સીધું રૂપિયા 621.39 કરોડનું નુકસાન થયું છે. આ દરમિયાન યુનાઈટેડ બેન્ક ઓફ ઈન્ડિયા (જે હવે PNB સાથે મર્જ થઈ ગઈ છે) તેને રૂપિયા 463.80 કરોડનું નુકસાન થયું છે. આ કુલ રૂપિયા 1,085.19 કરોડ થાય છે, જે બેન્કિંગ સિસ્ટમમાં જાહેર ભંડોળનો નોંધપાત્ર ભાગ છે. લોનના ભંડોળનો ઉપયોગ ખોટી જગ્યા પર કર્યો સીબીઆઈની એફઆઈઆર મુજબ, આરોપીઓએ આરકોમ માટે મોટી ક્રેડિટ સુવિધા (લોન) મેળવવાનું કાવતરું ઘડ્યું હતું. તપાસ એજન્સીને શંકા છે કે લોન મંજૂર થયા પછી નાણાકીય શિસ્ત અને લોનની શરતો અને નિયમોનું ઘોર અવગણના કરવામાં આવી હતી. લોનના ભંડોળનો ઉપયોગ જે હેતુ માટે લેવામાં આવ્યો હતો તે હેતુ માટે કરવામાં આવ્યો ન હતો. ભંડોળ અન્યત્ર વાળવામાં આવ્યું હતું. જ્યારે બેન્કના હપ્તા આવવાનું બંધ થઈ ગયું, ત્યારે લોન લેનારાઓ દ્વારા નિયમો અને શરતોનું પાલન કરવામાં નિષ્ફળતાને કારણે 2017માં આ લોન ખાતાઓને નોન-પર્ફોર્મિંગ એસેટ્સ (NPA) જાહેર કરવામાં આવ્યા. આ બાબતમાં વધુ ઊંડાણપૂર્વક તપાસ કરવા માટે, બેન્કોએ BDO India LLP દ્વારા ફોરેન્સિક ઓડિટ કરાવ્યું. ફેબ્રુઆરી 2021 માં પ્રકાશિત થયેલા આ ઓડિટ રિપોર્ટમાં બેન્ક ભંડોળના ડાયવર્ઝન અને સંબંધિત પક્ષો સાથે શંકાસ્પદ વ્યવહારોની પુષ્ટિ કરવામાં આવી હતી, જેના પછી આ ખાતાઓને સત્તાવાર રીતે છેતરપિંડી તરીકે વર્ગીકૃત કરવામાં આવ્યા હતા.આ પણ વાંચો : Iran-Israel War : યુદ્ધ વચ્ચે એર ઈન્ડિયાનો મોટો નિર્ણય, યુરોપ, અમેરિકા સહિત 9 રૂટ પર 78 એકસ્ટ્રા ફ્લાઈટસ ચલાવશે
Read Full Story arrow_forward
