Community News & Updates

Stay informed with the latest happenings, achievements, and announcements from our community.

All News

calendar_today March 6, 2026

Bharuch News: ટંકારી ભાગોળમાં હેર સલૂનમાં ભીષણ આગ, શોર્ટ સર્કિટથી લાખોનું નુકસાન

ભરૂચ જિલ્લાના જંબુસર શહેરમાં આવેલી એક દુકાનમાં અચાનક આગ ફાટી નીકળતા અફરાતફરીનો માહોલ સર્જાયો હતો. જંબુસરના ટંકારી ભાગોળ વિસ્તારમાં આવેલા એક જાણીતા હેર સલૂનમાં લાગેલી આગને કારણે મોટું આર્થિક નુકસાન થયું હોવાના અહેવાલ પ્રાપ્ત થયા છે.એડવાન્સ હેર સલૂન આગની ઝપેટમાં ઘટનાની મળતી માહિતી અનુસાર, ટંકારી ભાગોળ વિસ્તારમાં આવેલી ‘એડવાન્સ હેર સલૂન’ નામની દુકાનમાં અચાનક આગ લાગી હતી. દુકાનમાંથી ધુમાડાના ગોટેગોટા નીકળતા જોઈ આસપાસના લોકો અને વેપારીઓ એકઠા થઈ ગયા હતા. આગે જોતજોતામાં વિકરાળ સ્વરૂપ ધારણ કરી લેતા સલૂનમાં રહેલી ફર્નિચર અને અન્ય કિંમતી સાધન-સામગ્રી બળીને ખાખ થઈ ગઈ હતી. શોર્ટ સર્કિટના કારણે આગ લાગ્યાનું અનુમાન આગ લાગવાનું ચોક્કસ કારણ હજુ સુધી જાણી શકાયું નથી, પરંતુ પ્રાથમિક દ્રષ્ટિએ દુકાનમાં થયેલા શોર્ટ સર્કિટને કારણે આ દુર્ઘટના બની હોવાનું અનુમાન લગાવવામાં આવી રહ્યું છે. સ્થાનિકોએ પોતાના સ્તરે આગ ઓલવવાના પ્રયાસો હાથ ધર્યા હતા, જેના કારણે આગ વધુ પ્રસરે તે પહેલા કાબૂમાં આવી ગઈ હતી. સદનસીબે, આ ઘટનામાં કોઈ જાનહાનિ થઈ નથી, પરંતુ દુકાન માલિકને લાખો રૂપિયાનું નુકસાન વેઠવાનો વારો આવ્યો છે. આ ઘટનાને પગલે ટંકારી ભાગોળ વિસ્તારમાં થોડો સમય માટે ભયનો માહોલ જોવા મળ્યો હતો. સ્થાનિક વહીવટી તંત્ર અને વીજ વિભાગને આ અંગે જાણ કરવામાં આવી છે, જેથી આગ લાગવાનું સચોટ કારણ જાણી શકાય. આ પણ વાંચો - Bharuch : અંકલેશ્વરમાં ઉદ્યોગો પર યુદ્ધની અસર, ઉદ્યોગોને 50% ગેસ કાપની નોટિસ

Read Full Story arrow_forward

calendar_today March 6, 2026

Ahmedabad News: AMCએ ચાંદલોડિયામાં 6 સાઈટોને સીલ માર્યું, વસ્ત્રાપુર અને ગુરૂકુળ વિસ્તારમાં પણ કાર્યવાહી

અમદાવાદમાં તંત્ર દ્વારા દબાણો મામલે મોટી કાર્યવાહી કરવામાં આવી છે. AMCના એસ્ટેટ વિભાગે નિયમ ભંગ કરનારા સામે લાલ આંખ કરી છે. શહેરમાં ચાંદલોડિયા વોર્ડમાં 6 સાઈટોને સીલ કરી દેવાઈ છે. સત્યમ મંગોલિયા,આર્કેડિયા 57, સાંકેથમ લેક વ્યુ, ધ સેવન, સીલ આત્મન ગેંડ્યોર જેવા એકમોને સીલ કરી દેવાયા છે. આ દરેક એકમ પાસેથી 50 હજારનો વહીવટી ચાર્જ વસૂલાશે. વસ્ત્રાપુર અને આસપાસ એકમો કરાયા સીલ બીજી તરફ અમદાવાદમાં નાના ચીલોડા સર્કલ પાસેના દબાણો દૂર કરવામાં આવ્યા છે. એસ્ટેટ વિભાગે ટોયોટા સર્કલથી નાના ચિલોડા રસ્તો ખુલ્લો કરાયો છે. 120 જેટલા કોમર્શિયલ બાંધકામો દૂર કરાયા છે. જ્યારે વસ્ત્રાપુર અને આસપાસના એકમોને પણ સીલ કરાયા છે. ફૂટપાથની જગ્યા પર લારી ગલ્લા મુકનાર પર તંત્ર દ્વારા તવાઈ બોલાવાઈ છે. ગુરૂકુળ રોડ પર ચાર એકમ સીલ કરી દેવાયા છે. નીલમ સેન્ડવીચ, આંટી દે પરાઠે, શિવમ સ્નેક્સ વસ્ત્રાપુર અને લીલા સેન્ડવીચ અને મૈસુર ઢોંસાને સીલ મારી દેવાયું છે. આ પણ વાંચોઃ Ahmedabad News: લોક અદાલતમાં ઈ ચલણ ભરવાથી ડિસ્કાઉન્ટ મળે છે તે વાત ખોટી, DLSAના સેક્રેટરીની સ્પષ્ટતા

Read Full Story arrow_forward

calendar_today March 6, 2026

Amreli News: વડિયાના સનાળા ગામે જીતુ વાઘાણી અને સાંસદ ભરત સુતરિયાએ ખેતરમાં ટ્રેક્ટર ચલાવ્યું

અમરેલી જિલ્લાના વડિયા તાલુકાના સનાળા ગામે આજે એક અનોખો નજારો જોવા મળ્યો હતો. રાજ્યના કૃષિમંત્રી જીતુ વાઘાણી અને અમરેલીના સાંસદ ભરત સુતરિયા કોઈ મોટા નેતા તરીકે નહીં, પરંતુ એક સામાન્ય ખેડૂતની જેમ ખેતરમાં જોવા મળ્યા હતા. સનાળા ગામે 'સૌની યોજના'ના વાલ્વને ખુલ્લો મૂકવાના કાર્યક્રમમાં હાજરી આપ્યા બાદ બંને મહાનુભાવોએ ખેડૂતોના મન જીતી લીધા હતા.નેતાઓએ પકડ્યું ટ્રેક્ટરનું સ્ટીયરિંગ કાર્યક્રમ પૂર્ણ થયા બાદ કૃષિમંત્રી જીતુ વાઘાણી અને સાંસદ ભરત સુતરિયા નજીકના એક ખેતરમાં પહોંચ્યા હતા. અહીં તેમણે સૌને આશ્ચર્યમાં મૂકી દેતા ખેડૂતના ટ્રેક્ટરનું સ્ટીયરિંગ સંભાળ્યું હતું. જીતુ વાઘાણી: કૃષિમંત્રીએ જાતે ટ્રેક્ટર ચલાવી ખેડૂતો સાથેની તેમની નિકટતાનો પરિચય આપ્યો હતો. ભરત સુતરિયા: સાંસદે પણ મંત્રીની સાથે રહીને ખેતરમાં ટ્રેક્ટર હંકાર્યું હતું, જેનો વિડિયો અને ફોટોગ્રાફ્સ સોશિયલ મીડિયા પર વાયરલ થઈ રહ્યા છે. ખેડૂતો સાથે સીધો સંવાદ માત્ર ટ્રેક્ટર ચલાવીને જ નહીં, પરંતુ બંને નેતાઓએ ખેતરમાં હાજર ખેડૂતો સાથે બેસીને કૃષિ અને સિંચાઈ સંબંધિત પ્રશ્નો પર વિસ્તૃત ચર્ચા કરી હતી. 'સૌની યોજના' દ્વારા પાણી મળ્યા બાદ ખેતીમાં કેવા બદલાવ આવશે અને સરકાર તરફથી ખેડૂતોને કયા પ્રકારની વધુ સહાયની જરૂર છે, તે અંગે તેમણે સીધો ફીડબેક મેળવ્યો હતો. નેતાઓનો આવો સાદગીભર્યો અંદાજ જોઈને સ્થાનિક ખેડૂતોમાં પણ આનંદની લાગણી જોવા મળી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward