Surendranagar News: લખતર-વિરમગામ હાઈવે પર અકસ્માત, ફોટોગ્રાફરની કાર ખાડામાં ખાબકી
સુરેન્દ્રનગર જિલ્લાનો લખતર-વિરમગામ હાઈવે જાણે વાહનચાલકો માટે ગોઝારો બની રહ્યો હોય તેમ અકસ્માતોની સંખ્યામાં સતત વધારો થઈ રહ્યો છે. આજે લખતર અને કડુ ગામ વચ્ચે એક કારને અકસ્માત નડ્યો હતો. રસ્તા પર અચાનક જાનવર આવી જતાં ચાલકે સ્ટીયરિંગ પરથી કાબૂ ગુમાવ્યો હતો, જેના પરિણામે કાર રોડ સાઈડના ખાડામાં ખાબકી હતી.સામાજિક પ્રસંગમાં જતી વખતે બની ઘટના ઘટનાની મળતી માહિતી અનુસાર, સુરેન્દ્રનગરના રતનપર વિસ્તારમાં રહેતા એક મહિલા ફોટોગ્રાફર તેમના સાથી સાથે વિરમગામ તરફ જઈ રહ્યા હતા. વિરમગામમાં તેમના એક સંબંધીના ઘરે સામાજિક પ્રસંગ હોવાથી તેઓ ત્યાં ફોટોગ્રાફીના કામ અર્થે નીકળ્યા હતા. આ દરમિયાન લખતર અને કડુ વચ્ચે આવેલા પેટ્રોલ પંપ નજીક પહોંચતા જ અચાનક રસ્તા પર કોઈ અજાણ્યું જાનવર આવી ગયું હતું. ખેડૂતો અને રાહદારીઓએ વહારે આવી જીવ બચાવ્યા જાનવરને બચાવવા જતાં કાર ચાલકે જોરદાર બ્રેક મારી હતી, પરંતુ સ્ટીયરિંગ પરથી કાબૂ છૂટી જતાં કાર પલટી ખાઈને સીધી બાજુમાં આવેલી ખાઈમાં પડી હતી. અકસ્માતનો અવાજ સાંભળી નજીકના પેટ્રોલ પંપનો સ્ટાફ અને આસપાસના ખેતરોમાં કામ કરતા ખેડૂતો તાત્કાલિક દોડી આવ્યા હતા.કારને વ્યાપક નુકસાન સ્થાનિકોએ ભારે જહેમત બાદ કારમાં ફસાયેલા ફોટોગ્રાફર બહેન અને અન્ય એક વ્યક્તિને સુરક્ષિત રીતે બહાર કાઢ્યા હતા. સદનસીબે આ ગંભીર અકસ્માતમાં કોઈ જાનહાનિ થઈ નથી, પરંતુ કારને વ્યાપક નુકસાન પહોંચ્યું છે. લખતર હાઈવે પર રખડતા ઢોર અને જાનવરોને કારણે અવારનવાર અકસ્માતો સર્જાતા હોવાથી વાહનચાલકોમાં તંત્ર સામે રોષ જોવા મળી રહ્યો છે.આ પણ વાંચો - Surendranagar News: મનપાના સફાઈ કામદારોની હડતાળ, પગાર અને તોછડા વર્તન સામે ઉગ્ર વિરોધ
Read Full Story arrow_forward
