Community News & Updates

Stay informed with the latest happenings, achievements, and announcements from our community.

All News

calendar_today March 5, 2026

Dwarka News: લૂંટારૂઓનો નવો કીમિયો, શેરડીનો રસ પીવડાવીને વૃદ્ધને લૂંટ્યો

જગત મંદિરના દર્શને આવતા યાત્રિકોને નિશાન બનાવતી લૂંટારુ ગેંગ દ્વારકામાં સક્રિય થઈ છે. જામનગર જિલ્લાના એક વૃદ્ધને પોતાની જાળમાં ફસાવી, શેરડીના રસમાં નશાકારક પદાર્થ ભેળવીને બેભાન કરી, લૂંટારૂઓ સોનાના દાગીના અને રોકડ રકમ લઈને ફરાર થઈ ગયા છે. આ મામલે દ્વારકા પોલીસે બે અજાણ્યા શખ્સો વિરૂદ્ધ ગુનો નોંધી તપાસના ચક્રો ગતિમાન કર્યા છે.ગણપતિ મંદિર પાસે બનાવ્યો શિકાર ઘટનાની મળતી માહિતી અનુસાર, જામનગર જિલ્લાના તરસાઈ ગામના રહેવાસી 60 વર્ષીય રૂડાભાઈ ભરવાડ દ્વારકા દર્શન કરવા આવ્યા હતા. અહીં તેમને બે અજાણ્યા શખ્સો મળ્યા હતા, જેમણે વિશ્વાસમાં લઈને ગણપતિનું નવું મંદિર બતાવવાનું કહી સાથે લઈ ગયા હતા. ગણપતિ મંદિર પાસે લૂંટારૂઓએ વૃદ્ધને શેરડીનો રસ પીવડાવ્યો હતો, જેમાં અગાઉથી જ નશાકારક દ્રવ્ય ભેળવેલું હતું. 2 લાખની મતાની લૂંટ શેરડીનો રસ પીધાના થોડા સમય બાદ રૂડાભાઈ બેભાન થઈ ગયા હતા. વૃદ્ધ અસહાય અવસ્થામાં હોવાનો લાભ ઉઠાવી લૂંટારુઓ તેમની પાસેથી 1 લાખ 60 હજાર રૂપિયાની કિંમતના સોનાના દાગીના અને 35 હજાર રૂપિયાની રોકડ રકમ મળી કુલ અંદાજે 2 લાખની મતા લૂંટીને નાસી છૂટ્યા હતા. પોલીસની અલગ-અલગ ટીમો દ્વારા તપાસ ભાનમાં આવ્યા બાદ વૃદ્ધે પોતાની સાથે થયેલી છેતરપિંડી અંગે દ્વારકા પોલીસ મથકમાં ફરિયાદ નોંધાવી હતી. યાત્રાધામમાં બનેલી આ ઘટનાને ગંભીરતાથી લઈને પોલીસે લૂંટારૂઓને દબોચી લેવા માટે અલગ-અલગ ટીમો બનાવી છે. સીસીટીવી ફૂટેજ અને હ્યુમન ઇન્ટેલિજન્સની મદદથી આરોપીઓનું પગેરું મેળવવા તજવીજ હાથ ધરવામાં આવી છે. આ પણ વાંચો - Dwarka News: ઘૂમલી ગામે પ્લોટની જાળીમાં લાગી આગ, ફાયર વિભાગે કાબૂ મેળવ્યો

Read Full Story arrow_forward

calendar_today March 5, 2026

Surat News: અમરોલી સગીરા દુષ્કર્મ કેસના આરોપી વિશાલ ચૌહાણને 20 વર્ષની સખત કેદ, પીડિતાને 6 લાખનું વળતર ચૂકવવાનો આદેશ

સુરતના અમરોલી વિસ્તારમાં 16 વર્ષીય કિશોરી પર દુષ્કર્મ આચરવાના ગંભીર ગુનામાં સુરતની સ્પેશિયલ કોર્ટે આરોપીને 20 વર્ષની સખત કેદની સજા ફટકારી છે. અમરોલી પોલીસની ત્વરિત કામગીરી અને 24 દિવસમાં રજૂ કરેલી ચાર્જશીટને આધારે કોર્ટે આ કડક ચુકાદો આપ્યો છે, જેમાં પીડિતાને 6 લાખ રૂપિયાનું વળતર ચૂકવવાનો પણ આદેશ કરવામાં આવ્યો છે.શું હતી સમગ્ર ઘટના? ઘટનાની મળતી માહિતી અનુસાર, એપ્રિલ 2025થી જૂન 2025 દરમિયાન આરોપી વિશાલ ભરતભાઇ ચૌહાણે 16 વર્ષ અને 8 માસની કિશોરી પર દબાણ બનાવી તેને ન્યુ કતારગામ બ્રીજ નીચે લઈ જઈ દુષ્કર્મ ગુજાર્યું હતું. એટલું જ નહીં, આ નરાધમે ભોગબનનારના ઘરે જઈને પણ તેની છેડતી કરી હતી. આ મામલે ગત 8 જૂન 2025ના રોજ અમરોલી પોલીસ સ્ટેશનમાં ફરિયાદ દાખલ કરવામાં આવી હતી. પોલીસની પ્રશંસનીય કામગીરી અમરોલી પોલીસે ગુનો નોંધાયાના ગણતરીના કલાકોમાં જ આરોપી વિશાલ ચૌહાણને ઝડપી લીધો હતો. તપાસ દરમિયાન પોલીસે એફએસએલ અને મેડિકલ પુરાવાઓ અત્યંત ઝડપથી એકત્ર કર્યા હતા. પોલીસની કાર્યક્ષમતાને કારણે આ કેસમાં માત્ર 24 દિવસની અંદર કોર્ટમાં ચાર્જશીટ રજૂ કરી દેવામાં આવી હતી, જેનાથી ન્યાયિક પ્રક્રિયા ઝડપી બની હતી. કોર્ટનો ચુકાદો અને વળતર કેસની સુનાવણી દરમિયાન સરકારી વકીલની ધારદાર દલીલો અને મજબૂત પુરાવાઓને ગ્રાહ્ય રાખીને કોર્ટ દ્વારા વિશાલ ચૌહાણને 20 વર્ષની સખત કેદની સજા સંભળાવવામાં આવી છે. વધુમાં, પીડિતાને થયેલા અન્યાય અને માનસિક આઘાત બદલ 6 લાખ રૂપિયાનું વળતર ચૂકવવાનો હુકમ કર્યો છે. આ કડક સજાને પગલે ગુનેગારોમાં ભારે ફફડાટ વ્યાપી ગયો છે અને કાયદાનું શાસન વધુ મજબૂત બન્યું છે. આ પણ વાંચો - Jamnagar News: સગીરા પર દુષ્કર્મ ગુજારનાર હિરેન ઝાલાને 10 વર્ષની સખત કેદ અને દંડ

Read Full Story arrow_forward

calendar_today March 5, 2026

India-Finland નો મોટો નિર્ણય, ડિજિટલ, સેમિકન્ડક્ટર અને સંરક્ષણ ક્ષેત્રમાં વધશે સહયોગ

વડાપ્રધાન નરેન્દ્ર મોદી અને ફિનલેન્ડના રાષ્ટ્રપતિ એલેક્ઝાન્ડર સ્ટબ વચ્ચે ગુરુવારે નવી દિલ્હીના હૈદરાબાદ હાઉસ ખાતે દ્વિપક્ષીય વાતચીત થઈ. આ બેઠકમાં બંને દેશોએ તેમના સંબંધોને વ્યૂહાત્મક ભાગીદારી સુધી વધારવાનો નિર્ણય લીધો. બેઠક બાદ એક સંયુક્ત પ્રેસ નિવેદનમાં વડાપ્રધાન મોદીએ જણાવ્યું હતું કે ભારત અને ફિનલેન્ડ ડિજિટલાઈઝેશન અને સસ્ટેનેબિલિટી જેવા ક્ષેત્રો પર ધ્યાન કેન્દ્રિત કરીને તેમના સહયોગને આગળ વધારશે. તેમણે ઉમેર્યું હતું કે આ ભાગીદારી અનેક હાઈ-ટેક ક્ષેત્રોમાં સહયોગને વેગ આપશે. ગ્લોબલ સપ્લાય ચેઈનને મજબૂત બનાવશે વડાપ્રધાન મોદીએ જણાવ્યું હતું કે બંને દેશો AI, 6G ટેલિકોમ, સ્વચ્છ ઉર્જા અને ક્વોન્ટમ કમ્પ્યુટિંગ જેવા ક્ષેત્રોમાં સાથે મળીને કામ કરશે. વધુમાં, તેઓ સંરક્ષણ, અવકાશ, સેમિકન્ડક્ટર અને મહત્વપૂર્ણ ખનિજોમાં સહયોગ વધારવા સંમત થયા છે. તેમણે જણાવ્યું હતું કે ભારત અને ફિનલેન્ડ જેવા લોકશાહી દેશો વચ્ચે વિશ્વસનીય ભાગીદારી ગ્લોબલ સપ્લાય ચેઈનને મજબૂત બનાવવામાં અને ટેકનોલોજી ઈકોસિસ્ટમને સુરક્ષિત કરવામાં મદદ કરશે. ફિનલેન્ડની ટેલિકોમ કંપનીએ લાખો લોકોને મોબાઈલ પુરા પાડ્યા વડાપ્રધાને કહ્યું કે કે બંને દેશો વચ્ચે પહેલાથી જ ઘણા ક્ષેત્રોમાં સહયોગ છે. ફિનલેન્ડની ટેલિકોમ કંપની નોકિયાની ટેકનોલોજીએ ભારતમાં લાખો લોકોને મોબાઈલ અને નેટવર્ક કનેક્ટિવિટી પૂરી પાડવામાં મુખ્ય ભૂમિકા ભજવી છે. ફિનલેન્ડે ચેનાબ નદી પર વિશ્વના સૌથી ઊંચા રેલ્વે પુલ અને આસામના નુમાલીગઢમાં વિશ્વના સૌથી મોટા વાંસ આધારિત બાયોઈથેનોલ રિફાઈનરી પ્રોજેક્ટના નિર્માણમાં પણ તકનીકી રીતે ભાગીદારી કરી છે. વૈશ્વિક મુદ્દાઓ પર ચર્ચા વડાપ્રધાન મોદીએ કહ્યું કે વિશ્વ હાલમાં ઘણી અનિશ્ચિતતાઓ અને સંઘર્ષોનો સામનો કરી રહ્યું છે. યુક્રેનથી પશ્ચિમ એશિયા સુધી તણાવ ફેલાયેલો છે. આવા સમયે, ભારત અને યુરોપ વચ્ચે મજબૂત સંબંધો વૈશ્વિક સ્થિરતા અને વિકાસ માટે મહત્વપૂર્ણ છે. તેમણે એમ પણ કહ્યું કે ભારત અને યુરોપિયન યુનિયન વચ્ચે પ્રસ્તાવિત મુક્ત વેપાર કરાર વેપાર, રોકાણ અને તકનીકી સહયોગને વધુ મજબૂત બનાવશે, જેનાથી ભારત અને ફિનલેન્ડ વચ્ચે આર્થિક સંબંધો મજબૂત બનશે. આ મુલાકાત દરમિયાન વિદેશ મંત્રી એસ. જયશંકરે રાષ્ટ્રપતિ સ્ટબ સાથે પણ મુલાકાત કરી, જ્યારે ફિનિશ રાષ્ટ્રપતિએ મહાત્મા ગાંધીને શ્રદ્ધાંજલિ આપવા માટે રાજઘાટની મુલાકાત લીધી હતી. નિષ્ણાતો માને છે કે આ મુલાકાત ભારત-ફિનલેન્ડ સંબંધોને નવી દિશા આપશે અને યુરોપ અને નોર્ડિક દેશો સાથે ભારતના સહયોગને વધુ મજબૂત બનાવશે.આ પણ વાંચો : Petrol Diesel Price Today: 5 માર્ચે પેટ્રોલ ડીઝલના ભાવ વધ્યા? કાચા તેલના ભાવમાં સતત વધારો

Read Full Story arrow_forward