Community News & Updates

Stay informed with the latest happenings, achievements, and announcements from our community.

All News

calendar_today March 3, 2026

સાળંગપુર હનુમાન મંદિરે રંગોત્સવ, મંદિર પરિસરમાં ઓર્ગેનિક રંગો છંટાયા, ઢોલના તાલે શ્રદ્ધાળુઓ ઝૂમી ઉઠ્યા

સાળંગપુર કષ્ટભંજન હનુમાનજી મંદિરે ઉજવાતો રંગોત્સવ એ માત્ર એક તહેવાર નથી, પણ ભક્તિ અને આનંદનો એક અદભૂત સંગમ છે. દર વર્ષે હોળી-ધૂળેટીના અવસરે અહીં લાખો ભક્તોની હાજરીમાં ભવ્ય આયોજન કરવામાં આવે છે. સાળંગપુરના રંગોત્સવની ઉજવણી કરવા દૂર દૂરથી શ્રદ્ધાળુઓ આવે છે. આ ભવ્ય ઉજવણીએ સાળંગપુર ધામમાં એક અનેરો ઉત્સાહ અને આધ્યાત્મિક આનંદ ફેલાવ્યો હતો, જે ભક્તો માટે અવિસ્મરણીય સ્મૃતિ બની રહી.

Read Full Story arrow_forward

calendar_today March 3, 2026

Vadodara: જીવતો વીજ કેબલ તૂટી પડતા રહેણાંક વિસ્તારમાં નાસભાગ, MGVCLની સતર્કતાથી મોટી જાનહાનિ ટળી

વડોદરા જિલ્લાના કરજણ શહેરમાં હોળી દહન દરમિયાન એક ગંભીર દુર્ઘટના સર્જાતા સહેજમાં રહી ગઈ હતી. શહેરના નવાબજાર વિસ્તારમાં આવેલી સંતોષનગર આંગણવાડી પાસે જ્યારે હોળી પ્રગટાવવામાં આવી રહી હતી, ત્યારે અચાનક વીજળીનો સર્વિસ કેબલ આગની લપેટમાં આવી જતા સમગ્ર વિસ્તારમાં ભયનો માહોલ ફેલાયો હતો.કેબલ તૂટતા ફટાકડા જેવી ચિંગારીઓહોળીની જ્વાળાઓ એટલી ઊંચી ઉઠી હતી કે ઉપરથી પસાર થતો MGVCLનો જીવતો સર્વિસ કેબલ તેની ઝપેટમાં આવી ગયો હતો. આગના કારણે કેબલ પીગળીને તૂટી પડ્યો હતો. તાર નીચે પડતાની સાથે જ તેમાંથી દિવાળીના ફટાકડા ફૂટતા હોય તેવી જોરદાર ચિંગારીઓ છૂટવા લાગી હતી. રહેણાંક વિસ્તારમાં અચાનક વીજ તાર તૂટી પડતા લોકોમાં ભારે નાસભાગ મચી ગઈ હતી.MGVCLની સમયસૂચકતાઘટનાની ગંભીરતા જોઈ સ્થાનિકોએ તાત્કાલિક MGVCL (મધ્ય ગુજરાત વિજ કંપની લિમિટેડ) ને જાણ કરી હતી. વીજ કંપનીની ટીમ વિલંબ કર્યા વિના ઘટનાસ્થળે દોડી આવી હતી અને તાત્કાલિક ધોરણે મેઈન લાઈનનો પાવર સપ્લાય બંધ કરી દીધો હતો. ટીમની આ સમયસૂચકતાને કારણે વીજ કરંટ જેવી મોટી દુર્ઘટના ટળી હતી.સદનસીબે જાનહાનિ ટળીઆ ઘટનામાં કોઈ જાનહાનિના સમાચાર નથી, જે કરજણવાસીઓ માટે મોટી રાહતની વાત છે. જોકે, હોળી પ્રગટાવતી વખતે ઉપરથી પસાર થતી લાઈનોનું ધ્યાન ન રાખવા બદલ સ્થાનિકોમાં ચર્ચા જાગી હતી. હાલમાં વીજ કંપની દ્વારા કેબલ સમારકામની કામગીરી હાથ ધરવામાં આવી છે.આ પણ વાંચો: Botad: સાળંગપુર કષ્ટભંજન દેવના દ્વારે કેસરીયો રંગોત્સવ, 500 કલર બ્લાસ્ટ અને નાસિક ઢોલના નાદ સાથે અદભુત ઉજવણી

Read Full Story arrow_forward

calendar_today March 3, 2026

Anand: આણંદની કસ્તુરબા વિદ્યાલયની હોસ્ટેલમાં માતમ, 15 વર્ષની વિદ્યાર્થિનીએ ગળેફાંસો ખાઈ જીવન ટૂંકાવ્યું

આણંદ શહેરમાં આવેલી જાણીતી કસ્તુરબા વિદ્યાલયની ગર્લ્સ હોસ્ટેલમાં એક અત્યંત કરુણ ઘટના સામે આવી છે. હોસ્ટેલમાં રહીને અભ્યાસ કરતી 15 વર્ષની સગીરાએ અગમ્ય કારણોસર ગળેફાંસો ખાઈ આત્મહત્યા કરી લેતા સમગ્ર પંથકમાં અરેરાટી વ્યાપી ગઈ છે.ગર્લ્સ હોસ્ટેલમાં વિદ્યાર્થિનીનો આપઘાતમળતી માહિતી મુજબ, મૃતક કિશોરી મૂળ તારાપુર તાલુકાના ફતેપુરા ગામની વતની હતી અને આણંદની કસ્તુરબા વિદ્યાલયની હોસ્ટેલમાં રહીને ધોરણ 11માં અભ્યાસ કરતી હતી. હોળીના તહેવાર નિમિત્તે હોસ્ટેલમાં હોલિકા દહનનો કાર્યક્રમ યોજાયો હતો. હોલિકા દહન બાદ રાત્રે તમામ વિદ્યાર્થિનીઓ સાથે તેણે ભોજન લીધું હતું અને ત્યારબાદ તે પોતાના રૂમમાં ગઈ હતી.કબાટના હેન્ડલ સાથે ગળેફાંસો ખાધોરૂમમાં ગયા બાદ કિશોરીએ લોખંડના કબાટના હેન્ડલ સાથે દોરી બાંધીને ગળેફાંસો ખાઈ લીધો હતો. જ્યારે અન્ય વિદ્યાર્થિનીઓને આ અંગે જાણ થઈ ત્યારે હોસ્ટેલ પ્રશાસનમાં દોડધામ મચી ગઈ હતી. જોકે, ત્યાં સુધીમાં કિશોરીનું મૃત્યુ નીપજ્યું હતું. ૧૫ વર્ષની નાની ઉંમરે કિશોરીએ આવું પગલું કેમ ભર્યું તે હજુ સુધી જાણી શકાયું નથી.પોલીસ કાર્યવાહીઘટનાની જાણ થતા જ આણંદ ટાઉન પોલીસનો કાફલો ઘટનાસ્થળે પહોંચી ગયો હતો. પોલીસે પંચનામું કરી મૃતદેહને પોસ્ટમોર્ટમ (PM) માટે સિવિલ હોસ્પિટલ ખસેડ્યો છે. પોલીસે અકસ્માત મોતનો ગુનો નોંધી કિશોરીના રૂમની તપાસ હાથ ધરી છે અને તેના આપઘાત પાછળના કારણો શોધવા ચક્રો ગતિમાન કર્યા છે.આ પણ વાંચો: Vadodara: જીવતો વીજ કેબલ તૂટી પડતા રહેણાંક વિસ્તારમાં નાસભાગ, MGVCLની સતર્કતાથી મોટી જાનહાનિ ટળી

Read Full Story arrow_forward