Community News & Updates

Stay informed with the latest happenings, achievements, and announcements from our community.

All News

calendar_today February 28, 2026

Ahmedabad: સાણંદમાં પીએમ મોદીનો ભવ્ય રોડ શો શરુ

વડાપ્રધાન નરેન્દ્ર મોદી આજે અમદાવાદ એરપોર્ટ પર પહોંચ્યા બાદ તેઓ હવે સાણંદ પહોંચી ગયા છે અને ત્યાં તેમના ભવ્ય રોડ શો નો પ્રારંભ થઇ ગયો છે.બપોરે 3 વાગે સાણંદ પહોંચ્યા વડાપ્રધાન બપોરે 3:40 વાગ્યાના પોતાના નિર્ધારિત સમયમાં પહોંચવાના બદલે, બપોરે 3 વાગે સાણંદ પહોંચ્યા હતા  3.5 કિલોમીટર લાંબો રોડ શો સાણંદ હેલિપેડથી માર્ગ પર 3.5 કિલોમીટર લાંબો રોડ શો શરુ થયો છે. આ રોડ શોમાં આશરે 15,000 લોકો પહોંચ્યા છે. 25 જેટલા સ્વાગત પોઇન્ટ PM મોદીનો સ્વાગત કરવા માટે 25 જેટલા સ્વાગત પોઇન્ટ બનાવાયા છે, અને વિવિધ થીમ સાથેના પ્લેનકાર્ડ્સ દ્વારા તેમનો સ્વાગત કરવામાં આવી રહ્યું છે.સુરક્ષા વ્યવસ્થા PM મોદીના આ રોડ શો અને લોકાર્પણને લઈને ભારે સુરક્ષા વ્યવસ્થા રાખવામાં આવી છે,

Read Full Story arrow_forward

calendar_today February 28, 2026

Gold Loan: સોનાની ચમકે વધારી બેંકોની રફ્તાર, પર્સનલ, કાર લોનને પછાડી ગોલ્ડ લોન બની જાન્યુઆરીની 'સુપરહિટ' પ્રોડક્ટ

ભારતીય બેંકિંગ સેક્ટરમાં અત્યારે લોનની માંગને લઈને એક નવો જ ટ્રેન્ડ જોવા મળી રહ્યો છે. ગ્રાહકોને હવે પર્સનલ લોન કે કાર લોન કરતા ગોલ્ડ લોન (Gold Loan) વધુ આકર્ષી રહી છે. રિઝર્વ બેંક ઓફ ઇન્ડિયા (RBI) દ્વારા તાજેતરમાં જાહેર કરાયેલા સેક્ટોરલ ડેટા દર્શાવે છે કે જાન્યુઆરી મહિનામાં ગોલ્ડ લોનની માંગમાં જંગી ઉછાળો આવ્યો છે. ગોલ્ડ લોનમાં 128 %નો અધધધ વધારો RBI ના આંકડા મુજબ, જાન્યુઆરીમાં સોના પર આપવામાં આવતી લોનમાં વાર્ષિક ધોરણે (Year-on-Year) 128 ટકાનો ધરખમ વધારો નોંધાયો છે. જ્યારે એક વર્ષ પહેલા આ જ સમયગાળામાં આ ગ્રોથ 91 ટકા હતો. નિષ્ણાતોના મતે, સોનાના સતત ઊંચા રહેલા ભાવો અને બેંકોની સરળ તથા ઝડપી પ્રોસેસિંગના કારણે લોકો પોતાની તાત્કાલિક નાણાકીય જરૂરિયાતો પૂરી કરવા માટે ગોલ્ડ લોન તરફ વળ્યા છે. રિન્યુએબલ એનર્જીમાં તેજી, એક્સપોર્ટમાં ઘટાડો અન્ય સેક્ટર્સની વાત કરીએ તો, રિન્યુએબલ એનર્જી સેક્ટરમાં અપાતી લોનમાં 62 ટકાનો જંગી વધારો થયો છે. જ્યારે ગત વર્ષે આ વધારો 40 ટકા હતો. બીજી તરફ, અમેરિકન ટેરિફમાં ફેરફારો અને વેપાર સંબંધિત અનિશ્ચિતતાઓને કારણે એક્સપોર્ટ ક્રેડિટમાં 17.2 ટકાનો નોંધપાત્ર ઘટાડો જોવા મળ્યો છે. રિટેલ અને કોર્પોરેટ સેક્ટરનો દેખાવ એકંદરે, નોન-ફૂડ ક્રેડિટમાં 14 ટકાનો વધારો થયો છે. રિટેલ લોન સેક્ટરમાં પણ મજબૂત માંગ ચાલુ છે, જેમાં 15 ટકાનો ગ્રોથ નોંધાયો છે. રિટેલમાં એજ્યુકેશન લોન 14 ટકાના ગ્રોથ સાથે બીજું સૌથી ઝડપથી વિકસતું સેગમેન્ટ બન્યું છે. કોર્પોરેટ સેક્ટરમાં પણ સુધારો જોવા મળ્યો છે, જેનો ગ્રોથ 8 ટકાથી વધીને 12 ટકા પર પહોંચ્યો છે. ખાસ કરીને જેમ્સ એન્ડ જ્વેલરી અને એન્જિનિયરિંગ સેક્ટરમાં 36 ટકાનો ઊંચો ગ્રોથ જોવા મળ્યો છે. ડિપોઝિટ કરતા ક્રેડિટ ગ્રોથ વધુ આ ડેટામાં એક વધુ મહત્વની બાબત એ સામે આવી છે કે, 15 ફેબ્રુઆરીએ પૂરા થતા પખવાડિયામાં બેંક ક્રેડિટ (લોન) 13.6 ટકા વધી છે, જ્યારે ડિપોઝિટ (થાપણો) નો ગ્રોથ માત્ર 11.2 ટકા રહ્યો છે. તેનો અર્થ એ છે કે બેંકોમાં થાપણો જમા થવાની રફ્તાર કરતા લોન આપવાની રફ્તાર વધુ ઝડપી છે, જેના કારણે ક્રેડિટ-ડિપોઝિટ રેશિયો 82.47 ટકા પર પહોંચી ગયો છે. આ આંકડાઓ સ્પષ્ટ કરે છે કે બજારમાં નાણાંની માંગ સતત વધી રહી છે અને ભારતીયો પોતાની નાણાકીય જરૂરિયાતો માટે સોનાનો સ્માર્ટ રીતે ઉપયોગ કરી રહ્યા છે.

Read Full Story arrow_forward

calendar_today February 28, 2026

Mumbai: દેવી મંદિરમાં એક ભક્તે આપ્યું 1 કરોડનું દાન, 100 વર્ષ જૂનુ છે મંદિર

મહારાષ્ટ્રના બીડ જિલ્લાના અંબાજોગાઈમાં આવેલા શ્રી યોગેશ્વરી દેવી મંદિરમાંથી એક હૃદયસ્પર્શી સમાચાર સામે આવ્યા છે. લાખો ભક્તો માટે શ્રદ્ધાનું કેન્દ્ર ગણાતા આ મંદિરમાં મુંબઈના એક ભક્તે ₹1 કરોડનું ગુપ્ત દાન આપ્યું છે. ભક્તે પોતાની ઓળખ સંપૂર્ણપણે ગુપ્ત રાખવાની શરત મૂકી છે. 100 વર્ષ જૂનુ છે મંદિરમંદિર વહીવટીતંત્રના જણાવ્યા અનુસાર આ રકમ મંદિરના લગભગ 100 વર્ષ જૂના મુખ્ય શિખરના પુનઃસ્થાપન અને સુંદરીકરણ માટે દાન કરવામાં આવી છે. શિખર ચૂનાથી બનેલું છે અને સમય જતાં તેનું માળખું નબળું પડવાનું શરૂ થયું હતું. યોગેશ્વરી દેવસ્થાન સમિતિએ તેનું પુનર્નિર્માણ અને સમારકામ કરવાનું નક્કી કર્યું. મંદિરનું શિખર થઇ ગયું હતુ જર્જરિત આ કાર્યનો અંદાજિત ખર્ચ આશરે ₹80 થી 90 લાખ હતો. આ વાતની જાણ થતાં મુંબઈના એક ભક્તે તરત જ પોતાના પ્રતિનિધિ દ્વારા મંદિર સમિતિને ₹1 કરોડનો ચેક સોંપ્યો. આ રકમ હવે બેંકમાં જમા કરવામાં આવી છે, અને ટૂંક સમયમાં કામ શરૂ થવાનું છે. મંદિર વહીવટીતંત્રે જણાવ્યું હતું કે શિખરના પુનઃસ્થાપન માટે તમિલનાડુના કુશળ કારીગરોને ખાસ બોલાવવામાં આવ્યા છે. આ કારીગરો તેમની પરંપરાગત સ્થાપત્ય અને જટિલ કોતરણી માટે પ્રખ્યાત છે. તેઓ શિખરને ફરીથી ડિઝાઇન કરશે, મંદિરની ભવ્યતામાં વધુ વધારો કરશે. તમિલનાડુથી આવશે કારીગરો પ્રચાર કે માન્યતાની કોઈ પણ ઇચ્છા વિના આપવામાં આવેલા આ મોટા દાને મંદિર વહીવટીતંત્ર અને ભક્તોમાં આનંદ અને ઉત્સાહનું વાતાવરણ ઉભું કર્યું છે. લોકો આ પહેલને શ્રદ્ધા અને સેવાના અનોખા ઉદાહરણ તરીકે બિરદાવી રહ્યા છે. સ્થાનિક લોકો કહે છે કે આવા દાનથી માત્ર ધાર્મિક સ્થળો જ નહીં પરંતુ પ્રદેશમાં પર્યટન અને સાંસ્કૃતિક ઓળખને પણ પ્રોત્સાહન મળે છે. મંદિર સમિતિના જણાવ્યા અનુસાર, શિખરનું નવીનીકરણ આ અઠવાડિયે શરૂ થશે. એકવાર પૂર્ણ થયા પછી, મંદિર વધુ આકર્ષક બનશે, જે દૂર-દૂરથી આવતા ભક્તોને વધુ સારો અનુભવ પ્રદાન કરશે.

Read Full Story arrow_forward