Community News & Updates

Stay informed with the latest happenings, achievements, and announcements from our community.

All News

calendar_today February 26, 2026

Gandhinagar: રાજ્યમંત્રી રિવાબા જાડેજાએ બોર્ડની પરીક્ષા આપતા વિદ્યાર્થીઓને ફૂલ અને કિટ આપી પાઠવી શુભેચ્છા

ગુજરાતમાં આજથી ધોરણ 10 અને ધોરણ 12ની બોર્ડની પરીક્ષાઓનો વિધિવત પ્રારંભ થયો છે. લાખો વિદ્યાર્થીઓ પોતાની કારકિર્દીની આ પ્રથમ મહત્વની પરીક્ષા આપી રહ્યા છે ત્યારે તેમનો તણાવ દૂર કરવા અને આત્મવિશ્વાસ વધારવા માટે રાજ્ય મંત્રી રિવાબા જાડેજા ગાંધીનગરની એમ. બી. પટેલ સ્કૂલ ખાતે હાજર રહ્યા હતા.પરીક્ષા કિટ આપી વધાર્યો ઉત્સાહગાંધીનગરની એમ. બી. પટેલ હાઈસ્કૂલમાં પહોંચેલા રાજ્યમંત્રી રિવાબા જાડેજાએ પરીક્ષા આપવા આવેલા વિદ્યાર્થીઓનું ઉષ્માભર્યું સ્વાગત કર્યું હતું. તેમણે વિદ્યાર્થીઓને પરીક્ષા કિટ અને પુષ્પ આપીને શુભેચ્છા પાઠવી હતી. મંત્રીએ વિદ્યાર્થીઓ સાથે વાતચીત કરીને તેમને કોઈપણ પ્રકારના ડર રાખ્યા વિના શાંત ચિત્તે પેપર લખવા માટે પ્રેરિત કર્યા હતા.શૈક્ષણિક વાતાવરણ અને આયોજનઆ તકે રિવાબા જાડેજાએ જણાવ્યું હતું કે, વિદ્યાર્થીઓ કોઈપણ પ્રકારના માનસિક ભાર વગર પરીક્ષા આપી શકે તે માટે રાજ્ય સરકાર અને શિક્ષણ વિભાગ દ્વારા તમામ વ્યવસ્થાઓ સુનિશ્ચિત કરવામાં આવી છે. રાજ્યના હજારો પરીક્ષા કેન્દ્રો પર કડક સુરક્ષા અને પારદર્શિતા સાથે પરીક્ષાઓનું આયોજન કરવામાં આવ્યું છે.આ પણ વાંચો: Vadodara: નોકરીએ જઈ રહેલા યુવાનોને નડ્યો અકસ્માત, એકનું ઘટનાસ્થળે મોત, ત્રણ ગંભીર ઇજાગ્રસ્ત

Read Full Story arrow_forward

calendar_today February 26, 2026

Rajmarg Pravesh Portal : હાઇવે પર બિઝનેસ કરવો થયો સરળ, લોન્ચ થયું નવું પોર્ટલ

ભારતમાં રાષ્ટ્રીય ધોરીમાર્ગો ઝડપથી વિસ્તરી રહ્યા છે. આજે દેશનું નેશનલ હાઇવે નેટવર્ક 1,45,000 કિલોમીટરથી પણ વધારે છે. આ વિસ્તરણ સાથે હાઇવેની આજુબાજુ પેટ્રોલ પંપ, ઢાબા, ફૂડ કોર્ટ, રહેણાંક પ્રોજેક્ટ, ઉદ્યોગો અને વિવિધ સુવિધાઓનો વિકાસ થયો છે. પરંતુ અત્યાર સુધી હાઇવે સાથે જોડાયેલ કોઈપણ કામ માટે અલગ-અલગ કચેરીઓમાં જઈને મંજૂરી લેવી પડતી હતી, જે સમયખોર અને જટિલ પ્રક્રિયા હતી. માર્ગ પરિવહન અને ધોરીમાર્ગ મંત્રાલયે રાજમાર્ગ પ્રવેશ આ સમસ્યાનો ઉકેલ લાવવા માટે માર્ગ પરિવહન અને ધોરીમાર્ગ મંત્રાલયે રાજમાર્ગ પ્રવેશ (Highway Access) પોર્ટલનું અપગ્રેડેડ વર્ઝન લોન્ચ કર્યું છે. આ પોર્ટલનું ઉદ્ઘાટન કેન્દ્રીય મંત્રી નિતિન ગડકરી દ્વારા કરવામાં આવ્યું. આ પ્રસંગે મંત્રાલય, નેશનલ હાઇવે ઓથોરિટી ઓફ ઇન્ડિયા અને અન્ય વરિષ્ઠ અધિકારીઓ હાજર રહ્યા હતા. આ પોર્ટલ શું છે? રાજમાર્ગ પ્રવેશ પોર્ટલ એ એક સંપૂર્ણ વેબ-આધારિત ડિજિટલ પ્લેટફોર્મ છે, જે રાષ્ટ્રીય ધોરીમાર્ગો પર જમીન અથવા રસ્તાની ઍક્સેસ માટે જરૂરી તમામ મંજૂરીઓ માટે બનાવવામાં આવ્યું છે. હવે નો ઓબ્જેક્શન સર્ટિફિકેટ (NOC), હાઇવે ઍક્સેસ પરમિશન અને યુટિલિટી ક્રોસિંગ જેવી મંજૂરીઓ માટે એક જ પોર્ટલ પરથી અરજી કરી શકાય છે. કોને લાભ મળશે? આ પોર્ટલ નાગરિકો, ખાનગી કંપનીઓ અને સરકારી વિભાગો – તમામ માટે ઉપયોગી છે. હાઇવે પર પેટ્રોલ પંપ, ઢાબા, ફૂડ કોર્ટ કે આરામ કેન્દ્ર ખોલવા ઇચ્છતા વ્યવસાયિકો પોતાના ખાનગી પ્લોટ અથવા ઉદ્યોગ માટે હાઇવે સાથે કનેક્શન માંગતા લોકો પાણી, ગેસ પાઇપલાઇન, ઓપ્ટિકલ ફાઇબર કેબલ અથવા પાવર લાઇન નાખવા માંગતી કંપનીઓ રાજ્ય સરકારો અને સરકારી એજન્સીઓ બધા હવે એક જ પ્લેટફોર્મથી સરળતાથી અરજી કરી શકે છે. પહેલાં શું મુશ્કેલીઓ હતી? અગાઉ અલગ-અલગ વિભાગોમાં ફાઇલ જમા કરાવવી, વારંવાર કચેરીઓમાં જવું અને મેન્યુઅલ પ્રક્રિયા કારણે વિલંબ થતો હતો. અરજીની સ્થિતિ શું છે તે જાણવા પણ અઘરું હતું. ઘણી વખત મંજૂરીમાં વિલંબ થવાથી પ્રોજેક્ટ ખર્ચ અને સમય બંને વધતા હતા. હવે શું બદલાશે? રાજમાર્ગ પ્રવેશ પોર્ટલ તમામ પ્રક્રિયાને એક જ સિસ્ટમમાં લાવે છે. અરજી ઓનલાઈન કરી શકાય જરૂરી દસ્તાવેજો અપલોડ કરી શકાય ફી ડિજિટલ રીતે ચૂકવી શકાય અરજીની સ્થિતિ રિયલ ટાઇમમાં જોઈ શકાય નિર્ધારિત સમયમર્યાદામાં જવાબ મળશે આથી પ્રક્રિયા વધુ પારદર્શક, ઝડપી અને વિશ્વસનીય બનશે. કેમ મહત્વપૂર્ણ છે? આજે રાષ્ટ્રીય ધોરીમાર્ગો માત્ર રસ્તા નથી રહ્યા. તે લોજિસ્ટિક્સ, રિટેલ, ઇંધણ અને આતિથ્ય ક્ષેત્રના મુખ્ય કેન્દ્ર બની રહ્યા છે. આવા સમયમાં મંજૂરી પ્રક્રિયા સરળ અને ડિજિટલ હોવી જરૂરી હતી. રાજમાર્ગ પ્રવેશ પોર્ટલ વધતા હાઇવે નેટવર્ક સાથે ગતિ રાખવામાં મદદ કરશે અને રોકાણને પ્રોત્સાહન આપશે. રાજમાર્ગ પ્રવેશ પોર્ટલ નાના વ્યવસાયોથી લઈને મોટા ઇન્ફ્રાસ્ટ્રક્ચર પ્રોજેક્ટ્સ સુધી સૌ માટે એક મોટો રાહતનો પગલું છે. હવે હાઇવે પર કોઈપણ કાયદેસર કામ માટે “એક પોર્ટલ, એક પ્રક્રિયા”નો લાભ મળશે. આ પણ વાંચો : Cuba shootout : ક્યુબાના પાણીમાં ગોળીબાર, US બોટ સાથે અથડામણમાં 4નાં મોત

Read Full Story arrow_forward

calendar_today February 26, 2026

Indian Railways Holi Special Trains: રેલ્વેની 'હોળી ગિફ્ટ', 1200થી વધુ સ્પેશિયલ ટ્રેનો, વેઇટિંગ લિસ્ટની ઝંઝટમાંથી મળશે મુક્તિ

હોળીનો તહેવાર નજીક આવતા જ ભારતીય રેલ્વેએ દેશવાસીઓને મોટી ભેટ આપી છે. તહેવારોના સમયે ટ્રેનોમાં જોવા મળતી ભારે ભીડ અને 'નો રૂમ' જેવી સ્થિતિને નિવારવા માટે રેલ્વે મંત્રાલયે આ વર્ષે અભૂતપૂર્વ આયોજન કર્યું છે. સમગ્ર દેશમાં 1244 જેટલી હોળી સ્પેશિયલ ટ્રેન ટ્રિપ્સ દોડાવવાનો નિર્ણય લેવામાં આવ્યો છે, જે 18 માર્ચ 2026 સુધી કાર્યરત રહેશે. ટ્રેનો ક્યાંથી ક્યા સુધી જશે? આ ટ્રેનોનું નેટવર્ક એટલું વ્યાપક છે કે તે દેશના લગભગ તમામ મોટા શહેરોને ઉત્તર ભારત અને પૂર્વ ભારતના ગામડાઓ સાથે જોડશે. ગુજરાત અને મહારાષ્ટ્રના મુસાફરો માટે: અમદાવાદ, સુરત, વડોદરા અને મુંબઈથી ઉપડતી ટ્રેનો સીધી કાનપુર, વારાણસી, ગોરખપુર અને દરભંગા જેવા શહેરો સુધી જશે. જે રત્નગિરી કે કોંકણ તરફ જવા માંગતા હોય તેમના માટે પણ વિશેષ વ્યવસ્થા છે. દિલ્હી અને પૂર્વીય ક્ષેત્ર: આનંદ વિહાર અને નવી દિલ્હીથી બિહાર-ઝારખંડ તરફ જતી ટ્રેનોમાં વધારાના કોચ અને સ્પેશિયલ ફેરીઓ મુકવામાં આવી છે. દક્ષિણ અને મધ્ય ભારત: બેંગલુરુ, ચેન્નાઈ અને સિકંદરાબાદથી અજમેર, જયપુર અને પટના જવા માટે હવે મુસાફરોએ નિયમિત ટ્રેનો પર નિર્ભર રહેવું નહીં પડે. ભીડ પર નિયંત્રણ અને સલામતી રેલ્વે મંત્રાલય માત્ર ટ્રેનો વધારીને અટક્યું નથી, પરંતુ સ્ટેશનો પર મુસાફરોની સલામતી માટે વધારાના RPF જવાનો અને સ્ટેશન સ્ટાફ તૈનાત કરવામાં આવ્યા છે. ભીડને કારણે કોઈ દુર્ઘટના ન સર્જાય તે માટે એન્ટ્રી-એક્ઝિટ પોઈન્ટ પર પણ ખાસ ધ્યાન આપવામાં આવી રહ્યું છે. રેલ્વેના એક અધિકારીના જણાવ્યા મુજબ, જો જરૂર પડશે તો ૧૮ માર્ચ પછી પણ ટ્રેનોની સંખ્યા વધારીને 1500 સુધી લઈ જવામાં આવશે. કેવી રીતે બુકિંગ કરવું? મુસાફરો IRCTCની વેબસાઇટ અથવા અધિકૃત મોબાઈલ એપ પર જઈને 'Holi Special' કેટેગરીમાં પોતાની મનપસંદ ટ્રેન શોધી શકે છે. વહેલા તે પહેલાના ધોરણે બુકિંગ કરાવવાથી કન્ફર્મ સીટ મળવાની શક્યતા વધુ છે. આ પણ વાંચોઃ PM મોદીનો એક શબ્દ 'Am Yisrael Chai' અને આખું સંસદ તાળીઓના ગડગડાટથી ગૂંજી ઉઠ્યું, જાણો તેનો અર્થ

Read Full Story arrow_forward