Surat News : સુરતના વેપારી સાથે બની હનીટ્રેપની ઘટના, મુંબઇ બોલાવી અશ્લીલ વીડિયો બનાવી 5 કરોડ પડાવી લીધા
આરોપીઓએ વેપારીને બળાત્કારના કેસમાં ફસાવી દેવાની ધમકી આપીને તેમની પત્નીના નામની રૂ. ૫.૦૪ કરોડની કિંમતી મિલકતો બળજબરીથી પોતાના નામે કરાવી લીધી હતી. આ મામલે પાંડેસરા પોલીસે મુંબઈ અને સુરતના ૪ શખ્સો સામે ગુનો નોંધી તપાસ હાથ ધરી છે. વેસુ ખાતે રહેતા વેપારી એમ્બ્રોઈડરીનું જોબવર્ક કરે છે.અજાણી સ્ત્રી સાથે નગ્ન હાલતમાં વીડિયો ક્લિપ ઉતારી લીધી મુંબઈના ધવલ રમેશભાઈ અકબરી પાસે તેમના જોબવર્કના રૂ. ૨.૨૮ કરોડ લેવાના બાકી નીકળતા હતા. આ નાણાં પરત ન આપવા પડે તે માટે ધવલ અકબરીએ તેના સાથીદારો દીપક બુકટ, આશા હિરપરા અને એક અજાણી સ્ત્રી સાથે મળીને કાવતરું રચ્યું હતું. જેમાં આયોજનબદ્ધ રીતે વેપારીને નાણાંની પતાવટ માટે મુંબઈ બોલાવી ઠંડા પીણામાં કોઈ નશાકારક પદાર્થ ભેળવી બેભાન કર્યા હતા. આરોપીઓએ બેભાન વેપારીને નિર્વસ્ત્ર કરી અજાણી સ્ત્રી સાથે નગ્ન હાલતમાં વીડિયો ક્લિપ ઉતારી લીધી હતી.વરાછા બેંક તથા IDFC બેંકના ખાતામાં ટ્રાન્સફર કરાવી લીધા રૂપિયા ત્યારબાદ આ વીડિયો વાયરલ કરવાની અને બળાત્કારના કેસમાં જેલમાં ધકેલી દેવાની ધમકી આપી બ્લેકમેઇલિંગ શરૂ કર્યું હતું. બદનામીના ડરથી વેપારી પાસે આરોપીઓએ બળજબરીથી કુલ રૂ. ૫.૦૪ કરોડની ત્રણ મિલકતોના દસ્તાવેજો કરાવી લીધા હતા, આરોપીઓ એટલા શાતિર હતા કે મિલકતના દસ્તાવેજમાં વળતર ચૂકવ્યું હોવાનું બતાવવા માટે વેપારીની પત્નીના ખાતામાં નાણાં જમા કરાવ્યા હતા. પરંતુ બાદમાં ડરાવી-ધમકાવીને તે તમામ નાણાં વેપારીના HUF ખાતામાં અને ત્યાંથી ફરી પોતાના વરાછા બેંક તથા IDFC બેંકના ખાતામાં ટ્રાન્સફર કરાવી લીધા હતા. કાવતરાખોરોના ત્રાસથી વેપારી લાંબા સમયથી માનસિક તણાવમાં હતા આરોપીઓ હજુ પણ વધુ નાણાંની માંગણી કરી ધમકીઓ આપતા હતા. તાજેતરમાં દીકરીના લગ્ન સંપન્ન થતા વેપારીએ હિંમત એકઠી કરી પરિવારને વાત જણાવી હતી અને અંતે પાંડેસરા પોલીસ મથકે ધવલ અકબરી સહિતની ટોળકી સામે ફરિયાદ નોંધાવતા પાંડેસરાના પીએસઆઇ કે.જે.વસાવાએ તપાસ શરૂ કરી છે. આ પણ વાંચો : Surat News : સુરતના અલથાણમાં શેર બજારમાં રોકાણના નામે કરાઈ રૂ.1.72 કરોડની ઠગાઇ
Read Full Story arrow_forward
