Jam Khambhaliya શહેરના મુખ્ય માર્ગો પર ગટરના ગંદા પાણીની રેલમછેલ
જામ ખંભાળિયા શહેર અત્યારે ગટર લીકેજની ગંભીર સમસ્યાનો સામનો કરી રહ્યું છે. શહેરના હાર્દ સમાન વિસ્તારો અને મુખ્ય બજારોમાં ગટરના ગંદા પાણી ફરી વળતા સમગ્ર પંથક દુર્ગંધનો ગઢ બની ગયો છે. પાલિકા તંત્રને વારંવાર રજૂઆત કરવા છતાં પરિસ્થિતિ જસની તસ રહેતા નાગરિકો ત્રાહિમામ પોકારી ઉઠ્યા છે. ભરચક વિસ્તારોમાં ગટરના પાણી વહેતા હોવાથી અસહ્ય દુર્ગંધ ફેલાઈ છે અને મચ્છરોનો ઉપદ્રવ પણ વધ્યો છે.નગરના મુખ્ય રોડ રસ્તાઓ બન્યા દુર્ગંધના ગઢઆ ગંદકીને કારણે સ્થાનિક રહેવાસીઓ અને રાહદારીઓમાં રોગચાળો ફાટી નીકળવાની ભીતિ સેવાઈ રહી છે. શહેરના મુખ્ય બજારોમાં ગટરના પાણી ભરાઈ રહેતા ગ્રાહકોને અવરજવરમાં મુશ્કેલી પડી રહી છે, જેનાથી વેપારીઓના ધંધા-રોજગાર પર માઠી અસર પડી છે. ટાઉન એરિયામાં રસ્તાઓ પર વહેતા ગંદા પાણીએ નગરપાલિકાની પ્રી-મોન્સૂન કામગીરી અને મેઈન્ટેનન્સના દાવાઓની પોલ ખોલી નાખી છે. શહેરના મધ્યમાં ગટર લીકેજનો કહેર યથાવતગટરની આ સમસ્યા હવે રોજિંદી બની ગઈ છે. વારંવાર છલકાતી ગટરોના કાયમી નિરાકરણ માટે નગરજનોએ ઉગ્ર માંગ કરી છે. જો તાત્કાલિક ધોરણે આ ગંદા પાણીનો નિકાલ કરવામાં નહીં આવે, તો આંદોલન કરવાની ચીમકી પણ ઉચ્ચારવામાં આવી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
