Community News & Updates

Stay informed with the latest happenings, achievements, and announcements from our community.

All News

calendar_today February 22, 2026

Dhandhuka: હડાળા અને ગલસાણા ગામે સેવા સેતુ કાર્યક્રમ યોજાશે

ધંધૂકા તાલુકાની ગલસાણા અને હડાળા જિલ્લા પંચાયત વિસ્તાર માટે સેવા સેતુ કાર્યક્રમનું આયોજન તા. 27મી અને તા. 28મી ફેબ્રુઆરીના રોજ પચ્છમ અને છસીયાણા મુકામે યોજાશે. ધંધૂકા મામલતદાર વિજયસિંહ ડાભીએ વધુમાં માહિતી આપતા જણાવ્યું કે, તા. 27મીએ પચ્છમ મુકામે હડાળા જિલ્લા પંચાયત બેઠકના તમામ ગામોના લાભાર્થીઓ માટે સેવા સેતુ કાર્યક્રમ યોજાશે. જ્યારે તા. 28મીએ ગલસાણા જિલ્લા પંચાયત બેઠક વિસ્તારના તમામ ગામોના લાભાર્થીઓ માટે છસીયાણા ગામે સેવા સેતુનો કાર્યક્રમ યોજાશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 22, 2026

Palanpur: ઘરકંકાશમાં પતિએ પત્નીનું ગળુ દબાવી હત્યા કરી

વડગામ તાલુકાના છનિયાણા ગામે રહેતા રાયચંદભાઈ બાબુભાઈ ઓડના લગ્ન અસરવા ખાતે રહેતા બાબુભાઈ નાગજીભાઈ ઓડની દિકરી જ્યોતિબેન સાથે બારેક વર્ષ અગાઉ થયા હતા. અને લગ્ન જીવન દરમ્યાન છેલ્લા ચારેક વર્ષથી ઘરકંકાશ ચાલી રહ્યો હતો. જેમાં એકબીજા પર શંકાકુશંકા પર મામલો વણસ્યો અને રાયચંદભાઈએ જ્યોતિબેનનું ગળું દબાવી હત્યા કરી નાંખતા પોલીસે આ મામલે પતિની ધરપકડ કરી વધુ તપાસ હાથ ધરી છે.ઉપરોકત બનાવ અંગે અમદાવાદ અસરવામાં ચમનપુરા ચકલા વિસ્તારમાં રહેતા બાબુભાઈ નાગજીભાઈ ઓડ દ્વારા વડગામ પોલીસ મથકે નોંધાવેલી ફરીયાદ અનુસાર તેમની દિકરી જ્યોતિબેનના લગ્ન છનિયાણા મુકામે રાયચંદભાઈ બાબુભાઈ ઓડ સાથે કરવામાં આવ્યા હતા. અને સંતાનમાં બે દિકરા છે અને પતિ-પત્ની મજુરી કરીને જીવન નિર્વાહ ચલાવતા હતા અને છેલ્લા ચારેક વર્ષથી બંન્ને વચ્ચે ઘર કંકાશ ચાલી રહ્યો હતો. દરમ્યાન ગત તા.21/02/2026 ના રોજ બપોરના સુમારે રાયચંદભાઈએ જ્યોતિબેનના પિતાને ફોન કરીને જણાવેલ કે તમે હાલ છનિયાણા આવો છો તેમ કહેતા બાબુભાઈએ ઝઘડો થયાનું અનુમાન થતાં તેમણે ઝઘડો થયા અંગે પુછતા રાયચંદભાઈએ કહેલ કે આવવું હોય તો આવો નહીંતર તમારી દિકરીને હું પતાવી નાખું છું આથી બાબુભાઈ તેમની દિકરી જ્યોતિ સાથે વાત કરાવવાનું કહેતા ફોન કટ કરી દીધેલ. આમ અવારનવાર ઝઘડો થતો હોઈ તેમણે આ બાબતને અવગણી હતી. તે દરમ્યાન રાત્રીના સુમારે બાબુભાઈને જાણ થઈ હતી કે તેમની દિકરીનું મોત થયેલ છે. આથી તેઓ તેમના સગાવ્હાલાઓ સાથે છનિયાણા ગામે આવી જોયું તો તેમની દિકરીના ગળા ઉપર કાળા નિશાન હોઈ અને ચહેરો કાળો પડી ગયો હોઈ આથી આ બાબતે રાયચંદભાઈને પુછતા તેમણે કહેલ કે સાંજના સુમારે જ્યોતિ સાથે ઝઘડો થયેલ અને તેને ગળે ટુંપો આપી મારી નાંખી હોવાનું જણાવતા મામલો પોલીસ મથકે પહોંચ્યો હતો અને બાબુભાઈએ ઉપરોકત મુજબની ફરિયાદ આપતા પોલીસે રાયચંદભાઈ બાબુભાઈ ઓડની અટકાયત કરી વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 22, 2026

Palanpur: ટેટોડા ગૌ શાળાના આશ્રામમાં કૃષિ મેળો અને પ્રાકૃતિક ખેતી પરિસંવાદ

કૃષિલક્ષી કૌશલ્ય વિકાસ તાલીમ કાર્યક્રમ યોજના તથા ગુજરાત પ્રાકૃતિક કૃષિ વિકાસ બોર્ડ અંતર્ગત કૃષિ મેળો, પરિસંવાદ અને પ્રદર્શનનું આયોજન રાજારામ ગૌ શાળા આશ્રામ, ટેટોડા ખાતે કરવામાં આવ્યું હતું. પ્રાકૃતિક ખેતી કરતા ખેડૂત મિત્રોએ પોતાના અનુભવો રજૂ કરી સૌને પ્રેરણા આપી. પરિસંવાદ દરમ્યાન પ્રાકૃતિક ખેતી કરતા ખેડૂતોનું મહાનુભાવોના હસ્તે સન્માન કરાયું હતું.કાર્યક્રમની શરૂઆત રાજ્ય કક્ષાના વન અને પર્યાવરણ મંત્રી પ્રવિણભાઈ માળીએ રાજારામ ગૌ શાળા આશ્રામ ટેટોડા ખાતે પ્રાકૃતિક કૃષિના મોડલ સ્ટોલોની મુલાકાત લઈ કરી હતી. આ દરમ્યાન તેમણે પ્રાકૃતિક ખેતીના વિવિધ મોડલો નિહાળ્યા હતા તેમજ દેશી ગાય આધારીત ખેતી પદ્ધતિ જીવામૃત, ઘનજીવામૃત, બીજામૃત સહિતની પદ્ધતિઓ અંગે વિસ્તૃત માહિતી મેળવી હતી. તેમણે ખેડૂતો સાથે સંવાદ સાધી પ્રાકૃતિક ખેતી અપનાવવાના લાભો સમજાવ્યા હતા. રાજ્યકક્ષાના વન અને પર્યાવરણ મંત્રી પ્રવિણભાઈ માળીએ ઉપસ્થિત ખેડૂતો સાથે સીધો સંવાદ કર્યો હતો. આ દરમ્યાન તેમણે રાજ્ય સ્તરે પ્રાકૃતિક ખેતીનો વ્યાપ વધે તે માટે ખેડૂતોને પ્રાકૃતિક ખેતી અપનાવવાની અપીલ કરી હતી. મંત્રીએ રાસાયણિક ખેતીને રોગનું ઘર ગણાવી. વહેલી તકે રાસાયણિક ખેતી છોડીને પ્રાકૃતિક ખેતી તરફ વળવાની જરૂરીયાત ઉપર ભાર મુક્યો હતો. પ્રાકૃતિક ખેતી હવે માત્ર વિકલ્પ નહીં પરંતુ ફરજ બની ગઈ છે. આપણે પ્રાકૃતિક ખેતી અપનાવી પોતાના જીવનમાં સકારાત્મક બદલાવ લાવી શકીએ અને સાથે સાથે અન્ય લોકોના જીવનમાં પણ પરીવર્તન લાવવાનો પ્રયાસ કરવો જોઈએ. રાસાયણિક ખેતી માનવજીવન માટે ગંભીર રીતે નુકશાનકારક છે. તેના પરીણામે પ્રાકૃતિક ખેતીની માંગ દિવસેને દિવસે વધી રહી છે. મંત્રીએ વધુમાં જણાવ્યું હતું કે વડાપ્રધાન નરેન્દ્રભાઈ મોદીના માર્ગદર્શન હેઠળ અને મુખ્યમંત્રી ભુપેન્દ્રભાઈ પટેલના નેતૃત્વમાં રાજ્યભરમાં પ્રાકૃતિક ખેતીની મુહિમ વ્યાપક સ્તરે આગળ વધી રહી છે. રાજ્ય સરકાર ખેતી ખર્ચ ઘટાડવા અને પાણીની સમસ્યાને લઈને સતત ચિંતિત છે. તેના પરીણામે ઉત્તર ગુજરાતમાં નર્મદાનું પાણી પહોંચાડવાની વ્યવસ્થા કરવામાં આવી છે. મંત્રીએ જણાવ્યું હતું કે ભવિષ્યની પેઢીઓને બચાવવા માટે આપણે સૌએ પ્રાકૃતિક ખેતી અપનાવવી પડશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward