Surat News: કામરેજમાં આંબોલી બ્રિજ પરથી અજાણ્યા યુવકે કરી આત્મહત્યા
સુરત જિલ્લાના કામરેજ પંથકમાં આત્મહત્યાની એક ચોંકાવનારી ઘટના સામે આવી છે. કામરેજ પાસે તાપી નદી પર આવેલા આંબોલી બ્રિજ પરથી એક અજાણ્યા યુવકે નદીના ધસમસતા પ્રવાહમાં ઝંપલાવીને જીવન ટૂંકાવવાનો પ્રયાસ કર્યો છે. નેશનલ હાઈવે 48 પર બનેલી આ ઘટનાને પગલે વાહનચાલકો અને સ્થાનિક લોકોના ટોળેટોળા ઉમટી પડ્યા હતા.ઘટનાની વિગતો ઘટનાની મળતી માહિતી અનુસાર, એક અજાણ્યો યુવક કામરેજના નેશનલ હાઈવે 48 પરથી પસાર થતી તાપી નદીના બ્રિજ પર પહોંચ્યો હતો. ત્યાં પોતાના ચંપલ કાઢીને તેણે અચાનક જ નદીમાં મોતની છલાંગ લગાવી દીધી હતી. બ્રિજ પર યુવકના ચંપલ મળી આવતા પ્રાથમિક દ્રષ્ટિએ આ આત્મહત્યા હોવાનું માનવામાં આવી રહ્યું છે. જોકે, યુવકે કયા કારણોસર આ અંતિમ પગલું ભર્યું તે હજુ જાણી શકાયું નથી. રેસ્ક્યુ ઓપરેશન અને તપાસ આ ઘટનાની જાણ થતા જ આસપાસના લોકોએ તુરંત જ ફાયર બ્રિગેડ અને સ્થાનિક પોલીસને જાણ કરી હતી. કામરેજ ફાયર વિભાગની ટીમ તાત્કાલિક ઘટના સ્થળે પહોંચી હતી અને બોટ તેમજ લાઈફ જેકેટની મદદથી નદીમાં યુવકની શોધખોળ હાથ ધરી છે. ફાયર વિભાગે મૃતદેહને બહાર કાઢ્યો છે. જે બાદ પોલીસે ઘટના સ્થળે પહોંચી મૃતદેહને પોસ્ટ મોર્ટમ અર્થે ખસેડ્યો છે. બીજી તરફ, કામરેજ પોલીસે ઘટના સ્થળે પહોંચી તપાસનો ધમધમાટ શરૂ કર્યો છે. યુવક કોણ છે, ક્યાંનો રહેવાસી છે અને તેણે શા માટે આ પગલું ભર્યું તે અંગે પોલીસે આસપાસના વિસ્તારમાં પૂછપરછ શરૂ કરી છે. પોલીસે ગુમ થયેલા વ્યક્તિઓના રેકોર્ડ તપાસવાની કાર્યવાહી પણ હાથ ધરી છે. આ પણ વાંચો - Surat: સંકલન બેઠકમાં મેયર અને MLAનો હુંકાર, ખાડી પૂર, અશાંત ધારો અને ગેરકાયદે પાર્કિંગ મુદ્દે તંત્રને ખખડાવ્યું
Read Full Story arrow_forward
