Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 21 ફેબ્રુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
વડોદરા જિલ્લાના કરજણ તાલુકાના ચોરભુજ ગામે આજે એકાએક આગ લાગવાની ઘટના બનતા સમગ્ર પંથકમાં અફરાતફરી મચી ગઈ હતી. ગામમાં આવેલા પરમાર ફળિયામાં એક મકાનમાં લાગેલી આગે જોતજોતામાં વિકરાળ સ્વરૂપ ધારણ કરી બાજુના અન્ય બે મકાનોને પણ પોતાની ઝપેટમાં લીધા હતા. આ દુર્ઘટનામાં ત્રણ મકાનોમાં રહેલી ઘરવખરી બળીને ખાખ થઈ ગઈ છે.મકાનમાં શોર્ટ સર્કિટથી લાગી આગપ્રાથમિક તપાસ અને સ્થાનિકોના જણાવ્યા અનુસાર, પરમાર ફળિયાના એક મકાનમાં શોર્ટ સર્કિટના કારણે અચાનક તણખા ઝર્યા હતા અને આગ ફાટી નીકળી હતી. પવન અને જ્વલનશીલ ચીજવસ્તુઓના કારણે આ આગ બાજુમાં આવેલા અન્ય બે મકાનોમાં પણ પ્રસરી ગઈ હતી. આગ એટલી ભીષણ હતી કે જોતજોતામાં આખું ફળિયું ધુમાડાના ગોટેગોટાથી ભરાઈ ગયું હતું.ફાયર બ્રિગેડની કામગીરીઘટનાની જાણ થતા જ કરજણ ફાયર વિભાગનો કાફલો તાત્કાલિક ચોરભુજ ગામે પહોંચી ગયો હતો. ફાયર ફાઈટરોએ ભારે જહેમત બાદ આગ પર કાબુ મેળવ્યો હતો અને તેને વધુ ફેલાતી અટકાવી હતી. સદનસીબે, આગ લાગતા જ ઘરમાં રહેલા લોકો સમયસૂચકતા વાપરી બહાર નીકળી ગયા હોવાથી કોઈ જાનહાનિ થઈ નથી, જે મોટી રાહતની વાત છે.આ પણ વાંચો: Ahmedabad: રોયલ અકબર ટાવર પાસે હિટ એન્ડ રન, ડમ્પરની અડફેટે યુવકે જીવ ગુમાવ્યો
Read Full Story arrow_forward
અમદાવાદના વસ્ત્રાલ વિસ્તારમાં દૂધ ચોરીના ચોરનો આતંક ફરી એકવાર ચર્ચામાં છે. સ્થાનિકો અને વેપારીઓ માલસામાનની સુરક્ષા માટે ચિંતિત છે. વહેલી સવારે યુનાઈટેડ સ્કૂલ પાસે આવેલા અમૂલ પાર્લરમાંથી 100 લિટર દૂધની થેલીઓ ઉઠાવી લેવાઈ છે, જેમાં સમગ્ર ઘટના CCTV કેમેરામાં કેદ થઈ ગઈ છે. સ્થાનિકોએ દૂધ ચોરી અટકાવવા અને ચોરને ઝડપવા માટે તાત્કાલિક પગલાં લેવા માગ કરી રહ્યા છે.અગાઉ 35 નંગ દૂધના કેરેટની ચોરી થઈ હતી 20 ફેબ્રુઆરીના રોજ નરોડા પોલીસ દ્વારા એ જ પ્રકારની ચોરીમાં સંડોવાયેલા બે આરોપીઓની ધરપકડ કરવામાં આવી હતી. આરોપીઓ મોહમ્મદ શેખ અને મનીષ ઠક્કર હતા. પોલીસે તેમની ધરપકડ પછી તપાસમાં નરોડા, નિકોલ અને અમરાઈવાડી વિસ્તારમાં નોંધાયેલા ગુનાઓનો રેકોર્ડ એકઠો કર્યો. તપાસમાં જાણવા મળ્યું કે ચોરોએ 31,000 રૂપિયાની રોકડ રકમ અને 35 નંગ દૂધના કેરેટ કબજે કર્યા હતા. આરોપી વિરૂદ્ધ 18 ગુનાઓ નોંધાયેલા પોલીસે જણાવ્યું કે મોહમ્મદ શેખ પહેલાં પણ આવા ગુનાઓમાં સંડોવાયેલો હતો અને અગાઉ 18 ગુનાઓમાં તેના નામ નોંધાયેલા છે. તપાસને આગળ ધકેલી, પોલીસ સ્થાનિક દુકાનદારો અને પાર્લર માલિકોને સલાહ આપી રહી છે કે તેઓ દૂધ અને અન્ય નાસ્તા સામગ્રીની સુરક્ષા માટે વધારાની સાવચેતીઓ અપનાવે. CCTV ફૂટેજ અને મોબાઇલ ટ્રેકિંગ દ્વારા આરોપીઓની શોધખોળ અને આગળની કાર્યવાહી ઝડપી કરવામાં આવી રહી છે. આ સમગ્ર બનાવ શહેરમાં દૂધ વ્યવસાયની સુરક્ષા અને ચોરી અટકાવવા માટે ગંભીર ચેતવણીરૂપ બની છે. આ પણ વાંચો : Vadodara: કરજણના 3 મકાનમાં લાગેલી આગ પર ફાયર બ્રિગેડે મેળવ્યો કાબુ, મોટી જાનહાનિ ટળી
Read Full Story arrow_forward