Dakor: દારૂની ખાલી બોટલોના ઢગલા
યાત્રાધામ ડાકોર મંદિર નજીક દારૂની ખાલી બોટલોના ઢગલા જોવા મળતા શ્રાદ્ધાળુઓની આસ્થાને ઠેસ પહોંચી છે. પોલીસ તંત્રની નિષ્ક્રિયતા સામે સ્થાનિકો અને દર્શનાર્થીઓમાં ભારે આક્રોશ જોવા મળી રહ્યા છે.ડાકોરમાં વાર તહેવારે મોટી સંખ્યામા ભકતો ,શ્રાદ્ધાળુઓ દર્શનાર્થે આવે છે. મંદિરની આસપાસના જાહેર માર્ગો પર સાઇડની જગ્યા પર દારૂની ખાલી બોટલોનો ખડકલો જોવા મળતાં ચકચાર મચી ગઇ છે. પવિત્ર ગણાતા આ યાત્રાધામમાં ખુલ્લેઆમ દારૂની બોટલો મળી આવતાં મંદિરની ગરિમા અને શ્રાદ્ધાળુઓની લાગણી દુભાઇ છે. સ્થાનિક રહીશો અને બહારથી આવતાં દર્શનાર્થીઓએ આક્ષેપ કર્યો હતો કે પવિત્ર ક્ષેત્રમાં આવા અસામાજિક તત્વોનો વધી ગયો છે.ગુજરાતમાં દારૂબંધી હોવાછતાં મંદિરના મુખ્ય માર્ગો અને ગલીઓમાં જોવા મળતી ગંદકી અને દારૂની ખાલી બોટલોના દ્રશ્યોએ તંત્રની પોલ ખોલી નાંખી છે. સ્થાનિકોના કહેવા મુજબ યાત્રાધામના પવિત્ર સ્થળે કાયદો અને વ્યવસ્થા જાળવવામાં પોલીસતંત્ર સદંતર નિષ્ફળ સાબિત થયું છે. અસમાજિક તત્વો દ્વારા જાહેરમાં નશો કરીને બોટલો ફેંકવામાં આવે છે. મંદિર નજીક જાહેર માર્ગ પર દારૂની ખાલી બોટલોના ઢગના વિડિયો પણ વાયરલ થયા છે. પોલીસ દ્વારા રાત્રિ પેટ્રોલીંગ સઘન બનાવવામાં આવે અને આવા તત્વો સામે દાખલારૂપ કાર્યવાહી કરવામાં આવે તેવી માગ છે. પોલીસ તંત્ર દ્વારા આ મામલે સત્વરે તપાસ કરીને જવાબદારો સામે કડક પગલા ભરવામાં આવે તેમજ પાલિકા તંત્ર દ્વારા સમગ્ર વિસ્તારની સફાઇ કરવામાં આવે તેવી પ્રબળ માગ ઉઠી છે. જયારે આ મામલે પોલીસ તંત્ર દ્વારા કેવા પગલા લેવામાં આવે છે તેના પર સૌની નજર ટકેલી છે. આગામી દિવસોમાં ફાગણી મેળો આવી રહ્યો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
