Community News & Updates

Stay informed with the latest happenings, achievements, and announcements from our community.

All News

calendar_today February 19, 2026

Anand: પેટલાદ પાલિકાની સામાન્ય સભામાં વિકાસના 9 કામને બહાલી અપાઈ

પેટલાદ નગરપાલિકાની મળેલી સામાન્ય સભામાં બહુમતીથી તમામ 9 કામોને બહાલી આપવામાં આવી હતી. નગરપાલિકા સભાખંડમાં પ્રમુખ ઉપપ્રમુખ અને ચીફ ઓફિસરની ઉપસ્થિતિમાં વર્તમાન બોર્ડની અંતિમ બેઠક યોજાઇ હતી. જેમાં ગત બેઠકનું પ્રોસિડિંગ, કારોબારી કમિટિના કામો, નપાના કોર્ટ કેસમાં સમાધાનનું કામ, ડોર ટુ ડોર કચરો કલેક્શનનું ટેન્ડરીંગ, શહેરી વિકાસ અને ગૃહ નિર્માણ વિભાગના ઠરાવમાં આવેલ ગ્રાન્ટની મર્યાદાના કામો પ્રમુખ અને ચીફ ઓફિસરને સોંપવાની સહિતના એજન્ડાના આઠ કામો સર્વાનુમતે મંજુર કરવામાં આવ્યા હતા. પરંતુ એજન્ડાના કામ નંબર 9 ના ટી.પી.સ્કીમ નંબર 2 ના ફાઇનલ પ્લોટ નંબર 22-4-1 વાળી ખુલ્લી જગ્યા પરના દબાણો દુર કરી દિવાલ બનાવવાનું કામ રજુ કરાયુ હતું. જેમાં વિપક્ષના કોંગ્રેસના સભ્યોએ તેનો સખ્ત વિરોધ કરી સુધારો રજુ કરતા જણાવ્યુ હતુ કે કામમાં દિવાલનો ઉલ્લેખ કરાયો નથી. કામ નંબર 9 શહેરના સ્વામિનારાયણ મંદિરની બાજુમાં પીરઝાદા પરિવારનું કબ્રસ્તાન આવેલું છે. તેની આસપાસના તમામ દબાણો તત્કાલિન ચીફ ઓફિસર હિરલ ઠાકરે દૂર કરાવ્યા હતા અને ત્યાર બાદ તે જગ્યા મંદિર તથા અર્બન હેલ્થ સેન્ટરને ફાળવવાનો જે તે સમયે ઠરાવ કરવામાં આવ્યો હતો. પરંતુ તે ઠરાવ સામે વિરોધપક્ષે નગરપાલિકા અધિનિયમ 1963 ની કલમ 258-3 હેઠળ તે ઠરાવને પ્રાદેશિક કમિશ્નર વડોદરામાં અપીલ કરી પડકારવામાં આવ્યો હતો અને અપીલ નંબર 31-2021 તા.19 ફેબ્રુઆરી 2022 ના રોજ ઠરાવ રદ કરવાનો હુકમ કરવામાં આવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 19, 2026

Dhandhuka: 7 વર્ષથી પીવાનાં પાણીની સમસ્યા જૈસે થે

ધંધૂકા શહેરની અશરફી સોસાયટીમાં છેલ્લા લગભગ સાત વર્ષથી પીવાના પાણીની ગંભીર સમસ્યા યથાવત્ રહેતાં સ્થાનિક રહેવાસીઓમાં ભારે રોષ ફેલાયો છે. સોસાયટીના રહેવાસીઓના જણાવ્યા મુજબ નગરપાલિકાના અધિકારીઓ દર થોડા મહિનાઓએ સ્થળ મુલાકાત લઈ સમસ્યા ઉકેલવાના આશ્વાસન આપે છે, પરંતુ હકીકતમાં કોઈ કાયમી ઉકેલ આવ્યો નથી.રહેવાસીઓ કહે છે કે અગાઉ નગરપાલિકા દ્વારા લાઇન રીપેરિંગ કરવામાં આવી હોવાનું કહેવામાં આવ્યું હતું, ત્યારબાદ ફરીથી લાઇનમાં ખામી હોવાનું જણાવી નવી કામગીરીની વાત કરવામાં આવી હતી. કેટલાક મહિના પહેલા સમગ્ર સોસાયટીમાં નવી પાણી લાઇન નાખવાની પણ ખાતરી આપવામાં આવી હતી, પરંતુ આજદિન સુધી તે અમલમાં આવી નથી. સદર સમસ્યા અંગે સ્થાનિકોના વધુમાં જણાવ્યા મુજબ વારંવાર અલગ-અલગકારણો દર્શાવી કામગીરી લંબાવવામાં આવે છે, જેના કારણે પીવાના પાણી માટે લોકો મુશ્કેલીમાં મુકાયા છે. સોસાયટીના રહેવાસીઓએ નગરપાલિકા તંત્રને તાત્કાલિક કાયમી ઉકેલ લાવવા અને નવી પાણી લાઇન અંગે સ્પષ્ટ સમયમર્યાદા જાહેર કરવાની માંગ કરી છે. શાંતિવન સહિત અનેક સોસાયટીઓના રહીશોમાં દૂષિત પાણીના વિતરણથી આક્રોશ ધંધૂકા શહેરની શાંતિવન સોસાયટી તેમજ આજુબાજુની અન્ય સોસાયટીઓમાં ગંદા પાણીની સમસ્યાને કારણે સ્થાનિકોને ભારે મુશ્કેલી પડી રહી છે. છેલ્લા કેટલાક સમયથી પીવા અને વપરાશ માટે આવતું પાણી દુષિત હોવાની ફ્રિયાદો ઉઠી રહી છે, જેના કારણે લોકોના આરોગ્ય પર અસર થવાની ભીતિ વ્યક્ત કરવામાં આવી રહી છે.સ્થાનિક ગૃહિણી રીટાબેન પ્રજાપતિએ જણાવ્યું હતું કે, અમે વારંવાર પાલિકા તંત્રને આ મુદ્દે રજૂઆત કરી છે, પરંતુ આજદિન સુધી સમસ્યાનો કોઈ કાયમી ઉકેલ આવ્યો નથી.ખ્ ગંદા પાણીના કારણે રોજિંદા જીવનમાં અડચણો ઉભી થઈ રહી છે અને બાળકો તથા વડીલોની તબિયત અંગે પણ ચિંતા વધતી જાય છે. સ્થાનિકોએ નગરપાલિકાને તાત્કાલિક પાણી પુરવઠાની લાઇનની તપાસ કરી શુદ્ધ પાણી પૂરું પાડવા અને સમસ્યાનો કાયમી ઉકેલ લાવવા માંગ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 19, 2026

Surendranagar: ડુપ્લીકેટ બીડી, પાન-મસાલા સાથે ઝડપાયેલ ત્રણ સામે કોપી રાઈટ ભંગનો ગુનો નોંધાયો

સુરેન્દ્રનગર એસઓજી ટીમે પાન-બીડી-મસાલાના શંકાસ્પદ જથ્થા સાથે 3 ને ઝડપી લીધા હતા. જેમાં વીવીધ બીડી કંપનીઓના કોપીરાઈટનો ભંગ કર્યાની તા. 16 ના રોજ સાંજે ત્રણેય સામે ફરિયાદ નોંધાઈ છે.સુરેન્દ્રનગર એસઓજી પીઆઈ બી.એચ.સીંગરખીયાની સુચનાથી પેટ્રોલીંગ કરી રહેલા સ્ટાફના અરવિંદસિંહ ઝાલા સહિતનાઓએ ગત તા. 3 ના રોજ રાજકોટ હાઈવે રોડ પર ત્રીમંદીર પાસે ગેરકાયદેસર પાન-બીડીના જથ્થાની બાતમી મળતા વોચ રાખી હતી. જેમાં મુળ મુળી તાલુકાના નવાણીયા ગામના અને હાલ રતનપરની ઉમીયા સોસાયટીમાં રહેતો જાદવ ચતુરભાઈ બારૈયા સુપરકેરીમાં પાન-બીડી-મસાલા સાથે પકડાયો હતો. આ શખ્સની પુછપરછ કરતા આ જથ્થો તે રતનપર ગુરૂદત્તાત્રેય મંદિર સામે રહેતા જયપાલ મનહરભાઈ કણઝરીયા, સુરેન્દ્રનગરના લક્ષ્મીપરાના ગોરધન ધનાભાઈ નંદીયાણીયા પાસેથી લાવ્યો હોવાનું ખુલતા ત્યાં તપાસ કરીને કુલ રૂપીયા 41,855નો માલ કબજે કરી જોરાવરનગર પોલીસને સોંપવામાં આવ્યો હતો. આ બનાવમાં ચારભાઈ, ટેલીફોન, પરી, શાબળે બીડીના અધીકૃત કર્મચારીઓને જાણ કરાઈ હતી. જેમાં તેઓએ આવી તપાસ કરતા આ મુદ્દામાલ ડુપ્લીકેટ હોવાનું સામે આવતા ત્રણેય સામે જોરાવરનગર પોલીસ મથકે કોપીરાઈટ ભંગનો કેસ નોંધાયો છે. બનાવની વધુ તપાસ બીટ જમાદાર બી.એલ.પરમાર ચલાવી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward