Community News & Updates

Stay informed with the latest happenings, achievements, and announcements from our community.

All News

calendar_today February 18, 2026

Mehsana News: કડીમાં 16 વર્ષની સગીરાને પીંખી નાખનારા બે આરોપીઓને 25 વર્ષની સખત કેદની સજા

ગુજરાતમાં દુષ્કર્મની ઘટનાઓમાં આરોપીઓને કોર્ટ દ્વારા સજા ફટકારવામાં આવી રહી છે. ત્યારે મહેસાણાના કડીમાં સગીરા પર દુષ્કર્મ ગુજારનારને 25 વર્ષની સખત કેદની સજા ફટકારાઈ છે. મહેસાણાની પોક્સો કોર્ટે ઐતિહાસિક ચુકાદો આપ્યો છે. કોર્ટે બે આરોપીઓને 25 વર્ષની સખત કેદની સજા ફટકારી છે. સજા ઉપરાંત આરોપીઓને પાંચ હજારનો દંડ પણ ફટકાર્યો છે. જ્યારે સગીરાને એક લાખ રૂપિયાનું વળતર ચૂકવવા પણ આદેશ કર્યો હતો. મહેસાણાની પોક્સો કોર્ટનો ઐતિહાસિક ચુકાદો મહેસાણાના કડીમાં ફેબ્રુઆરી 2024માં બે આરોપીઓએ સગીરા પર દુષ્કર્મ આચર્યું હતું. કડીના એક ગામની સીમમાં 16 વર્ષની સગીરા પર દુષ્કર્મની ઘટના સામે આવી હતી. આ કેસની સુનાવણી મહેસાણાની સ્પેશિયલ પોક્સો કોર્ટમાં યોજાઈ હતી. કોર્ટે આ કેસમાં ઐતિહાસિક ચુકાદો આપ્યો છે. કોર્ટે બંને આરોપીઓને કસૂરવાર ઠેરવી વિવિધ કલમો હેઠળ સજા અને દંડ ફટકાર્યો છે. કોર્ટે મુખ્ય આરોપી નરેશજી નટુજી ઠાકોર અને સહ-આરોપી અજયજી વિરાજી ઠાકોરને 25 વર્ષની સખત કેદ અને 5 હજારનો દંડ ફટકાર્યો છે. ભોગ બનનાર સગીરાને એક લાખનું વળતર આપવા પણ કોર્ટે આદેશ કર્યો છે. આ પણ વાંચોઃ Ahmedabad News: સાયન્સ સિટી વિસ્તારમાં સરકારી આવાસમાં PGનો ધમધમાટ, ઊંઘતુ તંત્ર મકાનને સીલ મારવા દોડતુ થયુ

Read Full Story arrow_forward

calendar_today February 18, 2026

દુષ્કર્મ કેસમાં Supreme Courtનો મહત્ત્વનો નિર્ણય, નાડુ ખેંચવું, મહિલાના શરીરને સ્પર્શ કરવો એ દુષ્કર્મમાં ગણાશે

પાયજામાની દોરી ખોલવી એ બળાત્કારનો પ્રયાસ માનવામાં આવશે. દુષ્કર્મ કેસ અંગે મોટો નિર્ણય પાયજામાની દોરી ખોલવી એ બળાત્કારનો પ્રયાસ માનવામાં આવશે. સુપ્રીમ કોર્ટે અલ્હાબાદ હાઈકોર્ટના વિવાદાસ્પદ ચુકાદાને રદ્દ કર્યો છે. જેમાં આ ગુનાને રેપની તૈયારી તરીકે વર્ણવવામાં આવ્યો હતો. પ્રયાસ તરીકે નહીં. સુપ્રીમ કોર્ટે ન્યાયિક પ્રક્રિયાઓને સુધારવા માટે સમિતિને વિગતવાર અહેવાલ તૈયાર કરવાનો નિર્દેશ આપ્યો હતો. અલ્હાબાદ હાઈકોર્ટે ચુકાદો 17 માર્ચ 2025ના રોજ આપ્યો હતો. કોર્ટના નિર્ણયથી ભારે હોબાળો થયો હતો. મહિલાઓ પ્રત્યે વધુ સંવેદનશીલતા રાખવા અપીલ "વી ધ વુમન" નામની NGO ના સ્થાપક પ્રમુખ અને વરિષ્ઠ વકીલ શોભા ગુપ્તાના પત્ર બાદ, સુપ્રીમ કોર્ટે આ મામલાની નોંધ લીધી હતી. મુખ્ય ન્યાયાધીશ સૂર્યકાંત, ન્યાયાધીશ જોયમલ્યા બાગચી અને ન્યાયાધીશ એનવી અંજારિયાની ખંડપીઠે હાઈકોર્ટના ચુકાદાને રદ્દ કર્યો હતો. અને બંને આરોપીઓ સામે POCSO એક્ટ હેઠળ રેપના પ્રયાસનો આરોપ ફરીથી લાગુ કર્યો હતો. NGO પ્રમુખ શોભા ગુપ્તા અને વરિષ્ઠ વકીલ એચ.એસ. ફૂલકાએ જાતીય ગુનાઓના કેસોમાં મહિલાઓ પ્રત્યે વધુ સંવેદનશીલતા રાખવા માટે બેન્ચને અપીલ કરી હતી. ન્યાયાધીશો કેળવે કરુણા અને સહાનુભૂતિનું વાતાવરણ: CJI CJI સૂર્યકાન્તે તેમના ચુકાદામાં લખ્યું છે કે, ન્યાયાધીશોએ માત્ર બંધારણીય અને કાનૂની સિદ્ધાંતોને યોગ્ય રીતે લાગુ કરવાનો પ્રયાસ કરવો જોઈએ નહીં, પરંતુ કરુણા અને સહાનુભૂતિનું વાતાવરણ પણ કેળવવું જોઈએ. તેમણે જણાવ્યું હતું કે આ બે ગુણો વિના, ન્યાયિક સંસ્થાઓ તેમના કાર્યો યોગ્ય રીતે કરી શકશે નહીં. બેન્ચે એમ પણ કહ્યું હતું કે કાનૂની પ્રક્રિયામાં આપણા નિર્ણયો, પછી ભલે તે સામાન્ય નાગરિકો માટે પ્રક્રિયાઓ નક્કી કરવાનું હોય કે કેસોમાં અંતિમ ચુકાદો આપવાનું હોય, તે કરુણા, માનવતા અને સમજણને પ્રતિબિંબિત કરે છે. સુપ્રીમ કોર્ટ જાહેર નહી કરે નવી માર્ગદર્શિકા આ કેસમાં ચુકાદો આપતાં, CJI સૂર્યકાંતની આગેવાની હેઠળની બેન્ચે જણાવ્યું હતું કે સુપ્રીમ કોર્ટે ન્યાયાધીશોને સંવેદનશીલ બનાવવા માટે સિદ્ધાંતો સ્થાપિત કર્યા છે, અને તેથી, તે નવી માર્ગદર્શિકા ઘડવાને બદલે હાલના સિદ્ધાંતોના આધારે આગળ વધશે. કોર્ટે રાષ્ટ્રીય ન્યાયિક એકેડેમીના ડિરેક્ટર જસ્ટિસ અનિરુદ્ધ બોઝને નિષ્ણાતોની સમિતિ બનાવવા વિનંતી કરી છે. આ સમિતિ જાતીય ગુનાઓ અને અન્ય સંવેદનશીલ કેસોમાં ન્યાયાધીશો અને ન્યાયિક પ્રક્રિયાઓમાં સંવેદનશીલતા અને કરુણા કેવી રીતે કેળવવી તે અંગે વિગતવાર અહેવાલ તૈયાર કરશે. આ પણ વાંચોઃ Bangladesh News: તારિક રહેમાને પીએમનું પદ સંભાળતા જ મોહમ્મદ યુનુસે શરુ કરી નિવેદનબાજી, જાણો શું કહ્યુ?

Read Full Story arrow_forward

calendar_today February 18, 2026

Galgotias AI Summit: ભારે વિવાદ બાદ Galgotias Universityએ પોતાના માફીનામામાં શું લખ્યુ?

યુનિવર્સિટીના રજિસ્ટ્રારે નિવેદન જાહેર કરી પેવેલિયનમાં હાજર પ્રતિનિધિએ ખોટી માહિતી આપી હોવાનું કહ્યુ છે. ગલગોટિયાસ યુનિવર્સિટીની સ્પષ્ટતા દિલ્હીમાં ચાલી રહેલા AI સમિટમાં ગલગોટિયાસ યુનિવર્સિટીના રોબોટ ઓરિયન વિશે ખોટા દાવાઓ આંતરરાષ્ટ્રીય શરમનું કારણ બન્યા છે. યુનિવર્સિટીએ હવે માફી માંગી છે અને પ્રોફેસર નેહા સિંહને દોષી ઠેરવ્યા છે. યુનિવર્સિટીના રજિસ્ટ્રાર એન.કે.ગૌર દ્વારા જારી કરાયેલા નિવેદનમાં કહ્યુ છે કે, અમે AI સમિટમાં સર્જાયેલી મૂંઝવણ માટે માફી માંગવા માંગીએ છીએ. પેવેલિયનમાં હાજર અમારા એક પ્રતિનિધિને ખોટી માહિતી આપી હતી. તે ઉત્પાદનના તકનીકી મૂળથી અજાણ હતો અને કેમેરા સામે રહેવાના ઉત્સાહમાં ખોટી માહિતી આપી હતી. માહિતી ટેકનોલોજી સચિવે શું કહ્યું? આ સંદર્ભમાં માહિતી ટેકનોલોજી સચિવ એસ. કૃષ્ણને કહ્યુ કે, સરકાર ઇચ્છતી નથી કે કોઈ પણ એવી વસ્તુઓ પ્રદર્શિત કરે જે તેની નથી. યુનિવર્સિટીના પ્રોફેસર નેહા સિંહે ઓરિયન નામનો રોબોટિક શ્વાન બતાવ્યો હતો. જેમાં દાવો કરવામાં આવ્યો કે તે ગલગોટિયાસ યુનિવર્સિટીના સેન્ટર ઓફ એક્સેલન્સ દ્વારા વિકસાવવામાં આવ્યો છે. અને ત્યારે વિવાદ સમગ્ર વિવાદ શરૂ થયો હતો. આ રોબોટ યુનિવર્સિટીએ નથી બનાવ્યો આ પછી, લોકોએ દાવો કર્યો કે રોબોટ યુનિટ્રી ગો-2 હતો. જે ચીનના યુનિટ્રી રોબોટિક્સ દ્વારા બનાવવામાં આવ્યો હતો. જેમ જેમ આ મુદ્દો વધતો ગયો અને યુનિવર્સિટીને ટ્રોલ કરવામાં આવવા લાગી હતી. ગલગોટિયા યુનિવર્સિટી અને પ્રોફેસર નેહા સિંહ બંનેએ કહ્યું કે, યુનિવર્સિટીએ રોબોટ બનાવ્યો નથી. વધુમાં, યુનિવર્સિટીએ આવો કોઈ દાવો કર્યો નથી. આ પણ વાંચોઃ દુષ્કર્મ કેસમાં Supreme Courtનો મહત્ત્વનો નિર્ણય, નાડુ ખેંચવું, મહિલાના શરીરને સ્પર્શ કરવો એ દુષ્કર્મમાં ગણાશે

Read Full Story arrow_forward