Gujarat Budget 2026: ગુજરાતના ખેડૂતોને પંજાબની જેમ મફત વીજળી આપો, ગોપાલ ઇટાલિયાએ સિંચાઈના પાણી મુદ્દે સરકારને ઘેરી
ગુજરાત વિધાનસભામાં આજે રાજ્યનું બજેટ રજૂ થવા જઈ રહ્યું છે, ત્યારે આમ આદમી પાર્ટીના ધારાસભ્ય અને પૂર્વ પ્રદેશ પ્રમુખ ગોપાલ ઇટાલિયાએ સરકાર પાસે પ્રજાલક્ષી અપેક્ષાઓનું ભાથું રજૂ કર્યું છે. તેમણે ખેડૂતો, શિક્ષણ અને રોજગારના મુદ્દે સરકારને આડે હાથ લીધી હતી.ખેડૂતો અને સિંચાઈ મુદ્દે રજૂઆતગોપાલ ઇટાલિયાએ જણાવ્યું હતું કે, પંજાબ સરકારની જેમ ગુજરાતમાં પણ ખેડૂતોને દિવસે મફત વીજળી મળવી જોઈએ. વધુમાં તેમણે ઉમેર્યું કે, "ગુજરાતમાં કુદરતી મહેર હોવા છતાં વહીવટી તંત્રની અણઆવડતને કારણે કેનાલ નેટવર્ક પૂરતું નથી, જેથી ખેડૂતો સુધી સિંચાઈનું પાણી પહોંચતું નથી. આ બજેટમાં કેનાલ નેટવર્ક મજબૂત કરવા જાહેરાત થવી જોઈએ.શિક્ષણ અને નવી ટેકનોલોજી પર ભારશિક્ષણ ક્ષેત્રે નવીનતા લાવવાની માંગ કરતા તેમણે કહ્યું કે રાજ્યમાં AI (આર્ટિફિશિયલ ઇન્ટેલિજન્સ) યુનિવર્સિટી બનાવવી જોઈએ જેથી આવનારી પેઢી ટેકનોલોજીમાં આગળ વધી શકે. સામાન્ય જનતા માટે શિક્ષણ અને સ્વાસ્થ્યની શ્રેષ્ઠ સુવિધાઓ મફત અથવા સસ્તી મળે તેવી વ્યવસ્થા થવી જોઈએ.વંચિતો અને માલધારીઓના હકની માંગઇટાલિયાએ જમીન વિહોણા લોકો અને માલધારી સમુદાય માટે પણ અવાજ ઉઠાવ્યો હતો. જમીન વિહોણા લોકોને સરકાર જમીન આપે તેવી માંગ છે. માલધારીઓને જમીન અને ગૌચરના અધિકારો મળવા જોઈએ. સરકારી નોકરીઓમાં કોન્ટ્રાક્ટ પ્રથા બંધ કરી કાયમી નિમણૂક આપવી જોઈએ જેથી ગામડાઓનું સ્થળાંતર અટકે.આ પણ વાંચો: Surat: માંગરોળમાં લોહિયાળ લૂંટ, રાહદારીના ગળા પર બ્લેડ ઝીંકી મોબાઈલની સ્નેચિંગ
Read Full Story arrow_forward
