Community News & Updates

Stay informed with the latest happenings, achievements, and announcements from our community.

All News

calendar_today February 16, 2026

Ahmedabad: અમદાવાદના સિનિયર સિટિઝન પેન્શનર સાથે છેતરપિંડી, બેન્ક એકાઉન્ટમાંથી 17 લાખથી વધુની ઉચાપત

અમદાવાદમાં સિનિયર સિટિઝન પેન્શનર સાથે છેતરપિંડીનો કિસ્સો સામે આવ્યો છે. ગઠીયાએ વૃદ્ધ સાથે લાઇફ સર્ટિફિકેટ માટે ખોટી લિંક જનરેટ કરી બેંકના કર્મચારીની ઓળખ આપી છેતરપિંડી કરી હતી.બેંક એકાઉન્ટમાંથી 17 લાખથી વધુની રકમ ઉચાપત મળેલી માહિતી પ્રમાણે સિનિયર સિટિઝન પેન્શનર સાથે ગઠીયાઓએ વાતચીત કરી ખોટી લિંક જનરેટ કરી તેમના બેંક એકાઉન્ટમાંથી 17 લાખથી વધુની રકમ ઉચાપત કરી. બેન્ક ઓફિ ઇન્ડિયાના કર્મચારીની ઓળખ આપી પ્રથમ તપાસ મુજબ, આ છેતરપિંડી સાયબર માધ્યમથી થઈ હતી અને ગઠીયાએ બેન્ક ઓફિ ઇન્ડિયાના કર્મચારીની ઓળખ આપીને ઠગાઇ કરી હતી. સાયબર ક્રાઇમમાં ફરિયાદ આ મામલે પેન્શનરે તાત્કાલિક સાયબર ક્રાઇમ સેલમાં ફરિયાદ નોંધાવી હતી. પોલીસે આ મામલે ઉંડે તપાસ શરુ કરી છે. આ પણ વાંચો----      Amreli : વિદ્યાર્થી નેતા યુવરાજસિંહ જાડેજાએ શંકાસ્પદ દૂધનું ટેન્કર ઝડપ્યું, તપાસ દરમિયાન યુવરાજસિંહની ગાડી પર હુમલો કરાયો હોવાનો આરોપ

Read Full Story arrow_forward

calendar_today February 16, 2026

CBSE Board Exam 2026 : 43 લાખ વિદ્યાર્થીઓ 17 ફેબ્રુઆરીથી આપશે પરીક્ષા, વાલી-વિદ્યાર્થીઓને ગેરમાર્ગે દોરતી માહિતી ટાળવાની સલાહ

સેન્ટ્રલ બોર્ડ ઓફ સેકન્ડરી એજ્યુકેશન (CBSE)ની 10મા અને 12મા ધોરણની બોર્ડ પરીક્ષાઓ 17 ફેબ્રુઆરીથી શરૂ થઈ રહી છે. 2026માં 43 લાખથી વધુ વિદ્યાર્થીઓ CBSE 10મા અને 12મા ધોરણની બોર્ડ પરીક્ષા આપશે. પરીક્ષાઓ પહેલા, CBSEએ વિદ્યાર્થીઓ અને વાલીઓ માટે એક એડવાઈઝરી જાહેર કરી છે. CBSEએ વિદ્યાર્થીઓ અને તેમના વાલીઓને કોઈપણ ગેરમાર્ગે દોરતી માહિતી ટાળવાની સલાહ આપી છે. બોર્ડની પરીક્ષા આપી રહેલા વિદ્યાર્થીઓને પણ સમયસર પરીક્ષા કેન્દ્ર પર પહોંચવાનું કહેવામાં આવ્યું છે.ધોરણ 10-12ના કેટલા વિદ્યાર્થીઓ બોર્ડની પરીક્ષા આપશે CBSE દ્વારા જાહેર કરાયેલી માહિતી મુજબ 2026માં ધોરણ 10 અને 12માં 43 લાખથી વધુ વિદ્યાર્થીઓ બોર્ડની પરીક્ષા આપશે. કુલ 2,508,319 વિદ્યાર્થીઓએ 10મા ધોરણની બોર્ડ પરીક્ષા માટે રજિસ્ટ્રેશન કરાવ્યું છે. તેમાંથી 1,408,546 પુરુષ વિદ્યાર્થીઓ અને 1,099,773 મહિલા વિદ્યાર્થીઓ છે. 10મા ધોરણના વિદ્યાર્થીઓ માટે કુલ 83 વિષયોની પરીક્ષા આપવામાં આવશે. 10મા ધોરણની બોર્ડ પરીક્ષા માટે 8,075 પરીક્ષા કેન્દ્રો બનાવવામાં આવ્યા છે. CBSEએ જણાવ્યું હતું કે 12મા ધોરણની બોર્ડની પરીક્ષા કુલ 120 વિષયો માટે લેવામાં આવશે. 12મા ધોરણની બોર્ડ પરીક્ષા માટે કુલ 18,59,551 વિદ્યાર્થીઓએ રજિસ્ટ્રેશન કરાવ્યું છે. તેમાંથી 1,027,552 વિદ્યાર્થી અને 8,31,999 વિદ્યાર્થી છે. 12મા ધોરણની બોર્ડ પરીક્ષા માટે કુલ 7,574 પરીક્ષા કેન્દ્રો સ્થાપિત કરવામાં આવ્યા છે.CBSEએ એડવાઈઝરી જાહેર કરી 10મા અને 12મા ધોરણની બોર્ડ પરીક્ષાઓ શરૂ થાય તે પહેલાં CBSEએ વિદ્યાર્થીઓ અને વાલીઓ માટે એક એડવાઈઝરી જાહેર કરી છે. CBSEએ જણાવ્યું હતું કે કેટલાક અસામાજિક તત્વો પરીક્ષા દરમિયાન વિવિધ સોશિયલ મીડિયા પ્લેટફોર્મ પર ખોટા સમાચાર ફેલાવીને વિદ્યાર્થીઓ અને વાલીઓને ગેરમાર્ગે દોરવાનો પ્રયાસ કરે છે. આવી ખોટી માહિતીમાં ઘણીવાર પ્રશ્નપત્ર લીક થવાના ખોટા દાવા અને બોર્ડની ધોરણ 10મા અને 12મા ધોરણની પરીક્ષાઓમાંથી કથિત પ્રશ્નપત્રોના પ્રસારનો સમાવેશ થાય છે. આને ધ્યાનમાં રાખીને CBSEના વિદ્યાર્થીઓ અને વાલીઓને સતર્ક રહેવા અને વેરિફિકેશન વગરના સમાચાર/અફવાઓ કે ખોટા સમાચારોથી ગેરમાર્ગે ન દોરવા અપીલ કરે છે. CBSEએ જણાવ્યું હતું કે આવી ખોટી માહિતી પર વિશ્વાસ કરવાથી તેમાં જોડાવાથી અથવા ફોરવર્ડ કરવાથી બિનજરૂરી ચિંતા અને મૂંઝવણ થઈ શકે છે અને આ મહત્વપૂર્ણ તબક્કે વિદ્યાર્થીઓની તૈયારી પર પ્રતિકૂળ અસર પડી શકે છે.આ પણ વાંચો : Loksabha સચિવાલયે વિશેષાધિકાર ભંગ મામલે Congressના 9 નેતાને નોટિસ ફટકારી

Read Full Story arrow_forward

calendar_today February 16, 2026

Amreli : વિદ્યાર્થી નેતા યુવરાજસિંહ જાડેજાએ શંકાસ્પદ દૂધનું ટેન્કર ઝડપ્યું, તપાસ દરમિયાન યુવરાજસિંહની ગાડી પર હુમલો કરાયો હોવાનો આરોપ

અમરેલી જિલ્લાના વડિયા તાલુકાના હનુમાન ખીજડીયા ગામે શંકાસ્પદ દૂધ ભરેલું ટેન્કર ઝડપાયું હોવાનું સામે આવ્યું છે. વિદ્યાર્થી નેતા યુવરાજસિંહ જાડેજાએ ટેન્કરને ઝડપીને સમગ્ર મામલો જાહેર કર્યો છે.દૂધ યુનિટમાંથી અરવલ્લી જિલ્લામાં દૂધનું ટેન્કર જતું હોવાની માહિતી યુવરાજસિંહના જણાવ્યા મુજબ, તેઓ ઘણા સમયથી શંકાસ્પદ દૂધની રેકી કરી રહ્યા હતા. હનુમાન ખીજડીયા સ્થિત “દ્વારકેશ” નામના દૂધ યુનિટમાંથી અરવલ્લી જિલ્લામાં દૂધનું ટેન્કર જતું હોવાની માહિતી મળતા ટેન્કર ઝડપાયું હતું. જે ગામમાં એક બકરી પણ ન હોય ત્યાંથી 10 હજાર લીટર દૂધ કેવી રીતે આવે? તેમણે સવાલ ઉઠાવ્યો કે, “જે ગામમાં એક બકરી પણ ન હોય ત્યાંથી 10 હજાર લીટર દૂધ કેવી રીતે આવે? આ શંકાસ્પદ બાબત છે.” સાથે જ પ્રાઈવેટ સ્ત્રોતમાંથી દૂધ લઈ સહકારી ડેરી સુધી કેમ પહોંચાડવામાં આવતું હતું તે મુદ્દે પણ પ્રશ્નો ઉઠાવ્યા. ટેન્કરને પોલીસ મથકે લાવવામાં આવ્યું ઝડપાયેલ ટેન્કરને પોલીસ મથકે લાવવામાં આવ્યું છે. યુવરાજસિંહ જાડેજાએ ફૂડ એન્ડ ડ્રગ્સ વિભાગને સેમ્પલ લઈ કાયદેસર કાર્યવાહી કરવાની માંગ કરી છે.  યુવરાજસિંહની કાર પર હુમલો થયાનો પણ આરોપ આ દરમિયાન ટેન્કર રોકાતા યુવરાજસિંહની કાર પર હુમલો થયાનો પણ આરોપ છે. તેમની ગાડીના કાચ ફોડી સાથમાં રહેલા મિત્ર અને ડ્રાઈવર સાથે મારામારી કરાઈ હોવાનો દાવો કરવામાં આવ્યો છે. હુમલો જેતપુર તાલુકાની હદમાં થતા જેતપુર પોલીસને જાણ કરવામાં આવી છે. પોલીસ દ્વારા તપાસ હાલ સમગ્ર મામલે પોલીસ દ્વારા તપાસ હાથ ધરાઈ છે અને દૂધના સેમ્પલના અહેવાલ બાદ આગળની કાર્યવાહી થશે. આ પણ વાંચો----    Surat : કુખ્યાત ચિરાગ ગોટીનો પોલીસે વરઘોડો કાઢ્યો, નામચીન ગોટી સામે નોંધાયા 6થી વધુ કેસ

Read Full Story arrow_forward