Community News & Updates

Stay informed with the latest happenings, achievements, and announcements from our community.

All News

calendar_today February 13, 2026

Rajkot મહાનગરપાલિકાની વ્યાજમાફી યોજના સફળ, બે દિવસમાં 3 કરોડથી વધુની વેરા વસુલાત

રાજકોટ શહેરમાં કોર્પોરેશન દ્વારા શરૂ કરવામાં આવેલી વ્યાજમાફી યોજનાથી શહેરવાસીઓને મોટી રાહત મળી રહી છે. પહેલાના વ્યાજને માફ કરીને કરદાતાઓને તેમના મૂળ વેરા ચૂકવવા પ્રોત્સાહિત કરવાના ઉદ્દેશ સાથે આ યોજના અમલમાં આવી છે.માત્ર બે દિવસમાં ૩ કરોડથી વધુની વેરાની વસુલાત થઈ યોજનાના અમલી બનતા, માત્ર બે દિવસમાં ૩ કરોડથી વધુની વેરાની વસુલાત થઈ છે. વેરા ચૂકવણી માટે લોકો ઑનલાઇન તેમજ ઓફલાઇન બંને માધ્યમનો ઉપયોગ કરી રહ્યા છે. મનપાના સિવિલ સેન્ટર તેમજ અન્ય ઓનલાઈન પ્લેટફોર્મ દ્વારા પણ વેરાની સફળ વસુલાત થઇ રહી છે. મહાનગરપાલિકાને 100 કરોડ રૂપિયાનું વેરા આવક થવાની શક્યતા અંદાજ મુજબ, આ એડવાન્સ વેરા પેટે મહાનગરપાલિકાને 100 કરોડ રૂપિયાનું વેરા આવક થવાની શક્યતા છે. આ યોજના શહેરના વહીવટને મજબૂત બનાવવામાં અને નાગરિકોને સુવિધા પૂરી પાડવામાં મહત્વપૂર્ણ સાબિત થઇ રહી છે. સમયસર વેરા ચુકવણીનો લાભ યોજના હેઠળ લોકોને ચુકવણીમાં સરળતા તેમજ સમયસર વેરા ચુકવણીનો લાભ મળતો રહે તેવી કામગીરી ચાલુ છે..આ પણ વાંચો----     Gujaratની રાજનીતિના મોટા સમાચાર, AAPમાંથી રાજીનામુ આપનારા રાજુ કરપડા જોડાશે ભાજપમાં? વાંચો શું કહ્યું

Read Full Story arrow_forward

calendar_today February 13, 2026

Ahmedabad News: AMC દ્વારા ત્રણ કરોડની કિંમતના બે લાખ ફૌજી ઝાડુ ખરીદાશે

અમદાવાદ મહાનગર પાલિકાનું અંદાજપત્ર રજૂ થયા બાદ વિવિધ વિભાગો દ્વારા કામગીરીના સાધનો ખરીદવા માટે મંજૂરી આપવામાં આવી રહી છે. ત્યારે શહેરમાં સ્વચ્છતા જળવાય અને રસ્તા પર રહેલા કચરાને ખસેડવા માટે હવે ઝાડુની ખરીદીને મંજૂરી આપવામાં આવી છે. AMCની પરચેઝ કમિટી દ્વારા ત્રણ કરોડની કિંમતના ઝાડુની ખરીદી કરવા માટે મંજૂરી આપવામાં આવી છે. અમદાવાદ મનપાએ ઝાડુ ખરીદીને આપી મંજૂરી અમદાવાદ મહાનગર પાલિકાના પરચેઝ કમિટીના ચેરમેન બળદેવભાઈ પટેલે કહ્યું હતું કે, AMCની પરચેઝ કમિટી દ્વારા શહેરમાં સાફ સફાઈ માટે ઝાડુની ખરીદીને મંજૂરી આપવામાં આવી છે. શહેરમાં સફાઈ કર્મચારીઓ માટે ત્રણ કરોડના નવા ફૌજી ઝાડુ ખરીદવામાં આવશે. બે લાખ જેટલા ફૌજી ઝાડુ ખરીડવામાં આવશે. એક ઝાડુની કિંમત 54.80 રૂપિયા હોવાનું જાણવા મળ્યું છે. અમદાવાદ શહેરમાં 17 હજાર સફાઈ કર્મીઓ કામ કરે છે. એક સફાઈ કર્મીને મહિને ચાર ઝાડુ આપવામાં આવશે. બીજી તરફ ગોવા ઝાડુ પાંચ લાખ નંગ જેટલા ખરીદવામાં આવશે. જેની એક ઝાડુની કિંમત 44 રૂપિયા થાય છે. આ પણ વાંચોઃ Navsari: અમલસાડમાં લગ્નના જમણવારમાં હલવો-પુરી અઘરા પડ્યા, 150 કરતા વધારે લોકો હોસ્પિટલ ભેગા

Read Full Story arrow_forward

calendar_today February 13, 2026

Gandhinagar News: રફ્તારના રાક્ષસે કારને મારી ટક્કર, મળ્યો દારૂ?

રાજ્યની રાજધાની ગાંધીનગરના રસ્તાઓ હવે રફ્તારના રાક્ષસો માટે મેદાન બની રહ્યા હોય તેમ લાગે છે. ગાંધીનગર શહેરના જાણીતા સીટી પલ્સ વિસ્તાર પાસે એક ગંભીર અકસ્માત સર્જાયો છે, જેમાં ફૂલ સ્પીડમાં આવતી એક ટાટા નેક્સન કારે અન્ય એક કારને જોરદાર ટક્કર મારી હતી. આ સમગ્ર ઘટનાના CCTV ફૂટેજ સામે આવ્યા છે, જે જોઈને કોઈના પણ રુવાડા ઉભા થઈ જાય તેમ છે.નશામાં ધૂત ચાલકની શંકા વાયરલ થયેલા વીડિયોમાં અકસ્માત સર્જનાર કારનો નંબર: GJ 01 WZ 3242 છે. આ કારમાં હાજર લોકોએ તપાસ કરતા ચોંકાવનારી વિગતો સામે આવી છે. આ કારની અંદર પાણીની બોટલોમાં વિદેશી દારૂ ભરેલો હોવાનું પ્રાથમિક દ્રષ્ટિએ દેખાઈ રહ્યું છે. આ જોતા એવી આશંકા સેવાઈ રહી છે કે, ચાલક નશાની હાલતમાં હતો અને બેફામ સ્પીડે ગાડી હંકારી રહ્યો હતો. CCTVમાં કેદ થઈ રફ્તાર ઘટના સ્થળના CCTV ફૂટેજમાં સ્પષ્ટ દેખાય છે કે, ટાટા નેક્સન કાર એટલી હદે સ્પીડમાં હતી કે ચાલકે સ્ટીયરિંગ પરથી કાબૂ ગુમાવી દીધો હતો અને સામે આવતી બીજી કારને અડફેટે લીધી હતી. અકસ્માત એટલો ભયાનક હતો કે બંને ગાડીઓને મોટું નુકસાન થયું છે. હાલમાં પોલીસે આ મામલે તપાસ તેજ કરી છે. ગાડીના નંબરના આધારે માલિકની ઓળખ કરવાની અને દારૂના જથ્થા અંગે સત્ય બહાર લાવવાની તજવીજ હાથ ધરવામાં આવી છે. ગાંધીનગરમાં સતત વધી રહેલા આવા સ્પીડિંગના કેસોએ લોકોની સુરક્ષા સામે સવાલો ઉભા કર્યા છે. આ પણ વાંચો - ગુજરાત વિધાનસભાના ભીંતચિત્રોમાં ધબકશે રાજ્યની સંસ્કૃતિ: 'ગરવી ગુર્જરી'નો અનોખો પ્રયાસ

Read Full Story arrow_forward