Community News & Updates

Stay informed with the latest happenings, achievements, and announcements from our community.

All News

calendar_today February 13, 2026

Jharkhand : હજારી બાગમાં હાથી બન્યા ખૂંખાર..એક જ પરિવારના 4 સહિત કુલ 6ને કચડ્યા

ઝારખંડમાં પાંચ હાથીઓના ટોળાએ છ લોકોને મોતને ઘાટ ઉતાર્યા. ઘટના હજારીબાગ જિલ્લાના ચુર્ચુ બ્લોકના ગોંદવારવિસ્તારમાં બની હતી. હાથીઓ મધ્યરાત્રિએ આવ્યા હતા અને ગભરાટમાં ભાગી રહેલા ગામલોકોને કચડી નાખ્યા હતા. મૃતકોમાંથી ચાર લોકો તો એક જ પરિવારના હતા. આ ઘટનાએ ફરી એકવાર માનવ-હાથી સંઘર્ષની પ્રતિકૂળ અસરો તરફ ધ્યાન દોર્યું છે.મોડી રાત્રે હાથીઓનું ઝૂંડ ઘુસ્યુ ગામમાં ઝારખંડના હજારીબાગ જિલ્લાના ચર્ચુ બ્લોકના ગોંડવાર ગામમાં ગઈકાલે મોડી રાત્રે હાથીઓના હુમલામાં છ લોકોના મોત થયા હતા. મૃતકોમાં એક જ પરિવારના ચાર સભ્યોનો સમાવેશ થાય છે. આ ઘટના રાત્રે 1 થી 2 વાગ્યાની વચ્ચે બની હોવાનું જાણવા મળે છે. આ હૃદયદ્રાવક ઘટના બાદ ગામમાં શોક અને ગભરાટનો માહોલ છવાઈ ગયો છે. હાથીઓએ પહોંચાડ્યુ લોકોના ઘરને પણ નુકસાન મોટાભાગના રહેવાસીઓ ઊંઘી રહ્યા હતા ત્યારે પાંચ હાથીઓનું ટોળું અચાનક ગામમાં ઘૂસી ગયું. હાથીઓએ માટીના મકાનોને નુકસાન પહોંચાડ્યું અને ભાગી જવાનો પ્રયાસ કરી રહેલા લોકો પર હુમલો કર્યો. ગામલોકોએ બૂમો પાડીને હાથીઓને ડરાવવાનો પ્રયાસ કર્યો, પરંતુ ટોળું લાંબા સમય સુધી વસાહત પાસે જ રહ્યું. વનવિભાગની ટીમ પહોંચી ગામમાં ઘટનાની માહિતી મળતાં સ્થાનિક વહીવટીતંત્ર અને વન વિભાગની ટીમ ઘટનાસ્થળે પહોંચી હતી. પોલીસે તમામ મૃતદેહો કબજે કરીને પોસ્ટમોર્ટમ માટે મોકલી આપ્યા છે. વન વિભાગે વિસ્તારમાં પેટ્રોલિંગ વધારી દીધું છે અને ગામલોકોને રાત્રે સતર્ક રહેવા સૂચના આપી છે. ગ્રામજનોનું કહેવું છે કે વિસ્તારમાં હાથીઓની હિલચાલ સતત વધી રહી છે જે જીવન અને સંપત્તિ માટે ખતરો છે. તેમણે તાત્કાલિક વળતર અને મૃતકોના પરિવારો માટે કાયમી ઉકેલની માંગ કરી. વહીવટીતંત્રે અસરગ્રસ્ત પરિવારોને શક્ય તમામ સહાયની ખાતરી આપી છે. મૃતકોમાં કોનો સમાવેશ ?  મૃતકોમાં એક જ પરિવારના ચાર સભ્યોનો સમાવેશ થાય છે: સૂરજ ભુઇયા (55), તેમની પુત્રવધૂ સુમન દેવી (25), અને બે બાળકો. મૃતકોની ઓળખ મંગરા ભુઇયા (58) અને ધનેશ્વર રામ (55) તરીકે થઈ છે

Read Full Story arrow_forward

calendar_today February 13, 2026

Railway News: શિવભક્તોને રેલવેની ભેટ! મહાશિવરાત્રી પર સોમનાથ અને મહાકાલના દર્શન માટે દોડશે સ્પેશિયલ ટ્રેનો

આગામી 15 ફેબ્રુઆરી 2026ના રોજ દેશભરમાં મહાશિવરાત્રીના પવિત્ર તહેવારની ઉજવણી કરવામાં આવનાર છે. આ પર્વ પર ગુજરાતના સોમનાથ-વેરાવળ, મધ્યપ્રદેશના ઉજ્જૈન (મહાકાલેશ્વર) અને સિહોરના કુબેરેશ્વર ધામમાં લાખો શ્રદ્ધાળુઓની ભીડ ઉમટી પડે છે. મુસાફરોની આ વધારાની ભીડને પહોંચી વળવા અને તેમની યાત્રા સુખદ બનાવવા માટે ભારતીય રેલવેએ 'મેળા સ્પેશિયલ' ટ્રેનો દોડાવવાનો મહત્વનો નિર્ણય લીધો છે. 1. ગુજરાત: રાજકોટ અને વેરાવળ વચ્ચે દોડશે સ્પેશિયલ ટ્રેન સૌરાષ્ટ્રના શ્રદ્ધાળુઓ માટે 13 ફેબ્રુઆરીથી 17 ફેબ્રુઆરી સુધી દરરોજ એક અનરિઝર્વ્ડ મેળા સ્પેશિયલ ટ્રેન (09513/09514) દોડાવવામાં આવશે. ટ્રેન નંબર 09513: રાજકોટથી સવારે 6.55 વાગ્યે ઉપડી સવારે 10.55 વાગ્યે વેરાવળ (સોમનાથ) પહોંચશે. ટ્રેન નંબર 09514: વેરાવળથી બપોરે 3.20 વાગ્યે ઉપડી રાત્રે 8.00 વાગ્યે રાજકોટ પરત ફરશે. સ્ટોપેજ: આ ટ્રેન ભક્તિનગર, ગોંડલ, વીરપુર, જેતલસર, જૂનાગઢ અને કેશોદ જેવા મહત્વના સ્ટેશનો પર ઉભી રહેશે. 2. મધ્યપ્રદેશ: ઉજ્જૈન, ભોપાલ અને સિહોર માટે ખાસ વ્યવસ્થા મહાકાલના દર્શન અને કુબેરેશ્વર ધામના ભક્તો માટે 13 ફેબ્રુઆરીથી 23 ફેબ્રુઆરી દરમિયાન ત્રણ જોડી સ્પેશિયલ ટ્રેનો દોડશે. ઉજ્જૈન-સંત હિરદારામ નગર (09305/09306): સવારે 9.00 વાગ્યે ઉજ્જૈનથી ઉપડશે અને બપોરે 2.30 વાગ્યે ત્યાંથી પરત ફરશે. ઉજ્જૈન-ભોપાલ(09307/09308): રાત્રે 9.00 વાગ્યે ઉજ્જૈનથી ઉપડશે અને વહેલી સવારે 3.10 વાગ્યે ભોપાલથી પરત આવશે. ત્રીજી સ્પેશિયલ ટ્રેન (09313/09314): સાંજે 4.00 વાગ્યે ઉજ્જૈનથી રવાના થશે. આ ટ્રેનો મકસી, શુજલપુર અને સિહોર જેવા મહત્વના મધ્યવર્તી સ્ટેશનોને આવરી લેશે, જેથી આસપાસના ગ્રામીણ વિસ્તારોના ભક્તોને પણ તેનો લાભ મળી શકે. સુવિધાઓ અને ટિકિટિંગ રેલવેના જણાવ્યા અનુસાર, આ ટ્રેનોમાં જનરલ અને સ્લીપર એમ બંને પ્રકારના કોચ ઉપલબ્ધ હશે. અનરિઝર્વ્ડ ટ્રેન હોવાથી મુસાફરો રેલવે સ્ટેશનના કાઉન્ટર પરથી સીધી ટિકિટ મેળવી શકશે. આ વિશેષ ટ્રેનોથી રેગ્યુલર ટ્રેનોમાં થતો ધસારો ઘટશે અને શ્રદ્ધાળુઓને ધક્કામુક્કી વગર દર્શન માટે જવાની સુવિધા પ્રાપ્ત થશે. આ પણ વાંચોઃ Lucknowમાં રફ્તારનો કહેર, ફુલસ્પીડે આવતી સ્વિફ્ટ કારે 6 વર્ષની માસૂમનો લીધો જીવ, હચમચાવતો Video

Read Full Story arrow_forward

calendar_today February 13, 2026

બદલાઇ ગયું PMOનું સરનામું, PM મોદીએ કર્યુ સેવાતીર્થનું ઉદ્દઘાટન

પ્રધાનમંત્રી નરેન્દ્ર મોદીએ શુક્રવારે સેવા તીર્થ ભવન સંકુલનું ઉદ્ઘાટન કર્યું, જ્યાંથી તેઓ તેમના નવા કાર્યાલયનું સંચાલન કરશે. આ પગલું દેશના શક્તિ કેન્દ્રમાં પરિવર્તન લાવશે અને પ્રધાનમંત્રી કાર્યાલય માટે એક નવી શરૂઆત કરશે.પીએમ મોદી નવા પ્રધાનમંત્રી કાર્યાલય, "સેવા તીર્થ" માં શિફ્ટ થશે પ્રધાનમંત્રી નરેન્દ્ર મોદીએ શુક્રવારે સેવા તીર્થનું ઉદ્ઘાટન કર્યું. આનો અર્થ એ થયો કે આજથી, પીએમ મોદી નવા પ્રધાનમંત્રી કાર્યાલય, "સેવા તીર્થ" માં શિફ્ટ થશે. આમ, શુક્રવારથી દેશનું શક્તિ કેન્દ્ર બદલાઈ જશે. બપોરે લગભગ 1:30 વાગ્યે, પીએમ મોદીએ "સેવા તીર્થ" ભવન સંકુલનું નામ અનાવરણ કર્યું. દેશના વહીવટી સંચાલનમાં વધુ કાર્યક્ષમતા અને આધુનિકતા આવવાની અપેક્ષાભારતના વહીવટી ઇતિહાસમાં શુક્રવારનો દિવસ એક નવા અધ્યાય તરીકે નોંધાયો છે. વડાપ્રધાન નરેન્દ્ર મોદીએ નવનિર્મિત 'સેવા તીર્થ' ભવન સંકુલનું ભવ્ય ઉદ્ઘાટન કર્યું છે. આ આધુનિક સંકુલ હવેથી દેશનું નવું શક્તિ કેન્દ્ર બનશે, કારણ કે વડાપ્રધાન તેમનું અધિકૃત કાર્યાલય (PMO) અહીંથી જ કાર્યરત કરશે. બપોરે આશરે 1:30 વાગ્યે, વડાપ્રધાને તકતીનું અનાવરણ કરી 'સેવા તીર્થ' નામ જાહેર કર્યું હતું. આ સ્થળાંતર માત્ર ઈમારતનું પરિવર્તન નથી, પરંતુ પ્રધાનમંત્રી કાર્યાલય માટે એક નવી અને ગતિશીલ શરૂઆત છે. આ નવા સંકુલના કાર્યરત થવાથી દેશના વહીવટી સંચાલનમાં વધુ કાર્યક્ષમતા અને આધુનિકતા આવવાની અપેક્ષા છે. આજથી જ દેશની તમામ મુખ્ય નીતિવિષયક ગતિવિધિઓ અને નિર્ણયોના કેન્દ્ર તરીકે 'સેવા તીર્થ' ઓળખાશે.નૂતન ભારતનું વહીવટી સંકુલ ભારત સરકારે દેશના શક્તિ કેન્દ્રોના નામકરણ અને માળખામાં ક્રાંતિકારી ફેરફારો કર્યા છે. સાઉથ બ્લોકનું 'સેવા તીર્થ', કેન્દ્રીય સચિવાલયનું 'કર્તવ્ય ભવન', રાજપથનું 'કર્તવ્ય પથ', અને રેસકોર્સ રોડનું 'લોક કલ્યાણ માર્ગ' તરીકે થયેલું રૂપાંતર વહીવટી કાર્યશૈલી અને જાહેર દ્રષ્ટિકોણમાં આવેલા ઊંડા પરિવર્તનને પ્રતિબિંબિત કરે છે.સેવા તીર્થ: એકીકૃત અને આધુનિક વહીવટનું કેન્દ્ર દાયકાઓથી સેન્ટ્રલ વિસ્ટા વિસ્તારમાં કેન્દ્ર સરકારના મહત્વના મંત્રાલયો અને કચેરીઓ જર્જરિત અને છૂટાછવાયા ભવનોમાં કાર્યરત હતી. આ વિખરાયેલા માળખાને કારણે સંકલનનો અભાવ, ઊંચો જાળવણી ખર્ચ અને બિનકાર્યક્ષમ કાર્ય વાતાવરણ જેવી સમસ્યાઓ સર્જાતી હતી. 'સેવા તીર્થ' આ તમામ પડકારોનો આધુનિક અને ભવિષ્યવાદી ઉકેલ છે.આ સંકુલમાં હવે નીચેના મહત્વના વિભાગો એક જ છત્ર નીચે કાર્યરત થશે. વડાપ્રધાન કાર્યાલય (PMO) રાષ્ટ્રીય સુરક્ષા પરિષદ સચિવાલય (NSCS)કેબિનેટ સચિવાલય આ પણ વાંચોઃ  India Us LNG Deal: ઊર્જા બજારમાં ભારતનો દબદબો, સસ્તો ગેસ આપો તો જ અમેરિકા સાથે LNG સોદો થશે!

Read Full Story arrow_forward