Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

Surat News: કુખ્યાત ચિરાગ ગોટીના આતંકનો વધુ એક મામલો સામે આવ્યો, બિલ્ડર પાસેથી 18 લાખ પડાવ્યા

સુરત શહેરના કુખ્યાત ગુનેગાર ચિરાગ ગોટી તેના ભાઈ અને પિતા સહિત કુલ 7 લોકો પર ખંડણી વસૂલવા અને અપહરણની ફરિયાદ નોંધાઈ છે.ચિરાગ ગોટીનો આતંક દિવસેને દિવસે વધી રહ્યો છે.તેણે પોતાની જ કંપનીના ટેન્કરના ડ્રાઇવરને ઢોર માર માર્યો હોવાનો વીડિયો વાયરલ થતાં ખળભળાટ મચી ગયો હતો. તેના વારંવાર વીડિયો વાયરલ થઈ રહ્યા હોવાથી લોકોમાં ભય ફેલાયો છે. સુરતમાં ચિરાગ ગોટીના આતંકનો વધુ એક કેસ સામે આવ્યો સુરતમાં ચિરાગ ગોટીના આતંકનો વધુ એક કેસ સામે આવ્યો છે. તેણે બિલ્ડર પાસેથી જબરદસ્તી પૂર્વક 18 લાખ પડાવ્યા હતાં. તેની સામે ત્રણ લાખની સામે 18 લાખ રૂપિયા પડાવ્યા હોવાનો આક્ષેપ કરાયો હતો. બિલ્ડર રજની વાવડિયાએ આક્ષેપ કર્યો છે. આ ઉપરાંત તેની પર 40 લોકો સાથે આતંક મચાવ્યો હોવાનો પણ આક્ષેપ કરવામાં આવ્યો છે. ડ્રગ્સના કેસમાં ચિરાગ ગોટીએ કોર્ટમાં સરેન્ડર કર્યું હતું.  ગોટીના આખા પરિવાર સામે ગાળિયો મજબૂત સુરતના વેડ રોડ પર રહેતા જમીન દલાલનું અપહરણ કરી તેની પાસે બે લાખની ખંડણી માંગી હતી અને 50 હજાર પડાવી લેવા બદર ગોટી, તેનો પિતા અને ભાઈ સહિત સાત શખ્સો સામે ફરિયાદ નોંધાઈ છે. ફરિયાદ બાદ પોલીસે હવે ગોટીના આખા પરિવાર સામે ગાળિયો મજબૂત કર્યો છે. આ પણ વાંચો: Surat : નામચીન ચિરાગ ગોટીનો આતંક, પોતાની જ કંપનીના ડ્રાઇવરને ઢોર માર માર્યો, લાયસન્સ વગર પિસ્તોલ લઇને ફરતો હોવાનો આરોપ

Read Full Story arrow_forward

calendar_today February 12, 2026

Morbi News: રખડતા કૂતરાનો આતંક, 8 લોકોને ભર્યા બચકા

મોરબી શહેર અને આસપાસના ગ્રામ્ય વિસ્તારોમાં રખડતા કૂતરાઓનો આતંક દિવસેને દિવસે વધી રહ્યો છે. આજે એક જ દિવસમાં મોરબી શહેરના અલગ-અલગ વિસ્તારો અને ગ્રામ્ય પંથકમાંથી કુલ 8 લોકોને કૂતરાઓએ કરડવાની ઘટના સામે આવી છે. આ તમામ લોકોને સારવાર અર્થે હોસ્પિટલ ખસેડવામાં આવ્યા છે. આ ઘટનાને પગલે સ્થાનિક રહીશોમાં ભારે ફફડાટ અને તંત્ર સામે રોષ જોવા મળી રહ્યો છે.બાળકોથી લઈને વૃદ્ધો બન્યા શિકાર ઘટનાની મળતી માહિતી અનુસાર, આજે મોરબી સિવિલ હોસ્પિટલમાં શ્વાન કરડવાના કેસોની લાઈનો લાગી હતી. જેમાં રણછોડનગરમાં રહેતી માત્ર 5 વર્ષની બાળકી આરજુબેન રિયાઝભાઈ પણ કૂતરાનો શિકાર બની હતી. આ ઉપરાંત ઘુનડા, વાધરવા, લખધીરનગર અને સામાં કાંઠા વિસ્તારમાં પણ કૂતરાઓએ લોકોને નિશાન બનાવ્યા હતા. તમામ ઇજાગ્રસ્તોને તાત્કાલિક સારવાર માટે મોરબી સિવિલ હોસ્પિટલ ખસેડવામાં આવ્યા હતા, જ્યાં તેમને હડકવા વિરોધી રસી આપવામાં આવી હતી. ઇજાગ્રસ્તોની યાદી આરજુબેન રિયાઝભાઇ (ઉ.વ. 5) - રણછોડનગર ભાર્ગવ દેવજીભાઈ (ઉ.વ. 16) - સામાં કાંઠે શર્માબેન પ્રકાશભાઈ (ઉ.વ. 21) - ખાનપર તેજલબેન કંઝારીયા (ઉ.વ. 27) - વાધરવા રાકેશભાઈ નાનાભાઇ (ઉ.વ. 30) - ઘુનડા રોડ કિશોરભાઇ ઊકાભાઈ ઉડેચા (ઉ.વ. 40) - લખધીરનગર ટીનાબેન તુમલભાઈ (ઉ.વ. 43) - ઘુનડા પ્રકાશભાઈ (અન્ય એક સ્થાનિક) તંત્રની કામગીરી સામે સવાલ મોરબીમાં રખડતા કૂતરાઓની સંખ્યામાં સતત વધારો થઈ રહ્યો છે. માર્ગો પરથી પસાર થતા વાહનચાલકો અને પગપાળા જતા બાળકો માટે આ કૂતરાઓ જીવલેણ સાબિત થઈ રહ્યા છે. સ્થાનિકોનો આક્ષેપ છે કે, મોરબી મહાનગરપાલિકા દ્વારા કૂતરાઓના ખસીકરણ કે તેમને પકડવાની કોઈ નક્કર કામગીરી કરવામાં આવતી નથી, જેના કારણે આવી ઘટનાઓ વારંવાર બની રહી છે. આ પણ વાંચો - Morbi: ટંકારા પોલીસે ચિલઝડપનો ભેદ ઉકેલ્યો, રીક્ષામાં જતા મુસાફરનો ચેન તોડનાર શખ્સ અને સોનીની ધરપકડ

Read Full Story arrow_forward

calendar_today February 12, 2026

Ahmedabad : ટ્રાફિક નિયમોનું ઉલ્લંઘન કરવામાં વાહનચાલકો અવ્વલ, RTOની આવકમાં 45 ટકાનો થયો વધારો

અમદાવાદમાં ટ્રાફિક નિયમોનું ઉલ્લંઘન કરનારાઓ સામે RTOની કાર્યવાહીથી દંડની આવકમાં મોટો વધારો નોંધાયો છે. દંડ ભરવા છતાં નિયમોનું પાલન ન થતાં આરટીઓ કચેરીની તિજોરી પૈસાથી છલકાઈ ગઈ છે. 2024ની સરખામણીએ 2025માં અમદાવાદ આરટીઓને દંડની આવકમાં સીધો 45 ટકાનો વધારો થયો છે.નિયમભંગના કેસની સંખ્યામાં 31 ટકાનો વધારો આરટીઓ અને ટ્રાફિક નિયમોનું પાલન કરવું દરેક વાહનચાલક માટે ફરજિયાત છે. નિયમોનું ઉલ્લંઘન કરનારાઓ પાસેથી દંડ વસૂલ કરવામાં આવે છે, છતાં નિયમભંગ અટકતો નથી. તેનું પરિણામ એ છે કે અમદાવાદ આરટીઓ દ્વારા દંડની આવકમાં રેકોર્ડ વધારો નોંધાયો છે. આંકડાઓ મુજબ 2024માં અમદાવાદ આરટીઓ દ્વારા રૂપિયા 7 કરોડ 16 લાખનો દંડ વસૂલ કરવામાં આવ્યો હતો, જ્યારે 2025માં આ આંકડો વધીને રૂપિયા 10 કરોડ 40 લાખ સુધી પહોંચ્યો છે. માત્ર એક વર્ષમાં દંડની આવકમાં 45 ટકાનો વધારો નોંધાયો છે, જ્યારે કેસની સંખ્યામાં પણ 31 ટકાનો વધારો થયો છે. હેલ્મેટ ન પહેરવા બદલ રૂપિયા 1,36,000નો દંડ વસૂલવામાં આવ્યો 2025માં વસૂલ કરાયેલા દંડમાં વિવિધ નિયમભંગના કિસ્સાઓ સામેલ છે. ઓવરલોડિંગ: રૂપિયા 2 કરોડ 24 લાખ, ઓવરસ્પીડ રૂપિયા 92 લાખ, ફિટનેસ સર્ટિફિકેટ ભંગ રૂપિયા 49 લાખ, પરમિટ ઉલ્લંઘન રૂપિયા 39 લાખ 80 હજાર, એલઈડી લાઈટનો ગેરકાયદે ઉપયોગ રૂપિયા 11 લાખ 86 હજાર, હેલ્મેટ ન પહેરવા બદલ રૂપિયા 1 લાખ 36 હજાર, PUC ઉલ્લંઘન રૂપિયા 17 લાખ 74 હજાર, લાયસન્સ સંબંધિત કેસ રૂપિયા 63 લાખ 49 હજારનો દંડ કરવામાં આવ્યો છે. બ્લેકલિસ્ટેડ વાહનો માટે વાહન ટ્રાન્સફર નહીં થાય આરટીઓ દ્વારા છેલ્લા પાંચ વર્ષમાં રોડ ટેક્સ બાકી રાખનારા 6,300 વાહનોને બ્લેકલિસ્ટ કરવામાં આવ્યા છે. આ વાહનોની વિગતો સિસ્ટમમાં બ્લોક કરવામાં આવી છે, જેથી સંબંધિત તમામ સેવાઓ પર તાત્કાલિક પ્રતિબંધ મૂકવામાં આવ્યો છે. બ્લેકલિસ્ટેડ વાહનો માટે વાહન ટ્રાન્સફર નહીં થાય, ઈન્શ્યોરન્સ રિન્યુ નહીં થાય, PUC અને ફિટનેસ ટેસ્ટ નહીં થાય ઈન્શ્યોરન્સ કંપનીઓમાં નવી પોલિસી પણ નહીં બની શકે અકસ્માતના કિસ્સામાં વાહન માલિક સામે ફરજિયાત FIR નોંધાઈ શકે છે.આ પણ વાંચો : Ahmedabad Fire News : શિવાલિક હાઈ સ્ટ્રીટમાં લાગી આગ, 100 લોકોનું કરાયું રેસ્ક્યુ

Read Full Story arrow_forward