Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

Defense deal: પાકિસ્તાનની થશે ઊંઘ હરામ,ભારતની સૌથી મોટી રક્ષા ડીલને DACની મંજૂરી

ભારત સરકારની ડિફેન્સ એક્વિઝિશન કાઉન્સિલ (DAC) એ દેશની સુરક્ષા વ્યવસ્થાને નવી ઊંચાઈએ લઈ જવા માટે એક અત્યંત મહત્વનો અને અત્યાર સુધીનો સૌથી મોટો ગણી શકાય તેવો નિર્ણય લીધો છે. ચીન અને પાકિસ્તાન જેવા પડોશી દેશો તરફથી સતત વધી રહેલા જોખમોને પહોંચી વળવા માટે DAC એ 114 રાફેલ ફાઈટર જેટ અને 6 P-8I પોસાઈડન મેરીટાઇમ સર્વેલન્સ એરક્રાફ્ટની ખરીદીને મંજૂરી આપી દીધી છે. વાયુસેના માટે 114 રાફેલ કેમ સંજીવની સમાન? ભારતીય વાયુસેના (IAF) હાલમાં સ્ક્વોડ્રનની અછતનો સામનો કરી રહી છે. દેશની સુરક્ષા માટે કુલ 42 સ્ક્વોડ્રનની જરૂરિયાત છે, જેની સામે હાલ માત્ર 30 સ્ક્વોડ્રન કાર્યરત છે. 114 નવા રાફેલ જેટના આગમનથી વાયુસેનાને નવા 6 થી 7 સ્ક્વોડ્રન મળશે, જે રક્ષા ક્ષમતામાં મોટો ઉછાળો લાવશે. રાફેલની મુખ્ય વિશેષતાઓ 4.5 જનરેશન ટેકનોલોજી: આ વિમાન અત્યાધુનિક AESA રડાર સિસ્ટમથી સજ્જ છે. ઘાતક મિસાઇલ્સ: લાંબા અંતરની 'મેટિયોર' (Meteor) હવાથી હવા અને 'સ્કાલ્પ' (SCALP) ક્રુઝ મિસાઇલ તેને દુશ્મન માટે યમરાજ સમાન બનાવે છે. યુદ્ધમાં સાબિત થયેલી ક્ષમતા: રાફેલે ભૂતકાળમાં 'ઓપરેશન સિંદૂર' દરમિયાન પોતાની તાકાત બતાવીને પાકિસ્તાનને ઘૂંટણિયે પાડી દીધું હતું. આ વિમાન હવાથી જમીન અને હવાથી હવામાં એકસાથે હુમલો કરવામાં માહિર છે. નૌકાદળની સમુદ્રી તાકાતમાં વધારો DAC ની મંજૂરી મળતા જ ભારતીય નૌકાદળને 6 નવા P-8I પોસાઈડન એરક્રાફ્ટ મળશે. હિંદ મહાસાગરમાં ચીની સબમરીનની વધતી ગતિવિધિઓને રોકવા માટે આ વિમાન અચૂક શસ્ત્ર છે. ભારત પાસે પહેલેથી જ 12 આવા એરક્રાફ્ટ છે, જેમણે 40,000 થી વધુ અકસ્માત-મુક્ત ઉડાન ભરીને પોતાની વિશ્વસનીયતા સાબિત કરી છે. આ વિમાન સમુદ્રમાં લાંબા અંતરની દેખરેખ અને એન્ટી-સબમરીન વોરફેર (Submarine Hunting) માં નિષ્ણાત ગણાય છે. લીલી ઝંડી અંતિમ મંજૂરી માટે સુરક્ષા પરની કેબિનેટ સમિતિ પાસે જશે DAC ની લીલી ઝંડી બાદ હવે આ દરખાસ્ત અંતિમ મંજૂરી માટે સુરક્ષા પરની કેબિનેટ સમિતિ (CCS) પાસે જશે. આ સોદો પૂર્ણ થતાં જ ભારત માત્ર દક્ષિણ એશિયામાં જ નહીં, પરંતુ વૈશ્વિક સ્તરે એક સૈન્ય મહાશક્તિ તરીકે ઉભરી આવશે. આ ડીલ આત્મનિર્ભર ભારત અને મજબૂત રક્ષા કવચની દિશામાં એક માઇલસ્ટોન સાબિત થશે. આ પણ વાંચોઃ AI New Rules સાવધાન! સોશિયલ મીડિયા પર AI ફોટો-વીડિયો શેર કરતા પહેલા જાણી લો નવા નિયમો, નહીંતર થશે જેલ

Read Full Story arrow_forward

calendar_today February 12, 2026

UPSC CSE 2026: ફોર્મ ભરવામાં ભૂલ થઈ છે? ગભરાશો નહીં, કમિશન આપશે સુધારાની છેલ્લી તક, જાણો સમયગાળો

યુનિયન પબ્લિક સર્વિસ કમિશન (UPSC) દ્વારા સિવિલ સર્વિસીસ પ્રિલિમ્સ પરીક્ષા 2026 માટેની તૈયારીઓ તેજ કરી દેવામાં આવી છે. આ દરમિયાન, જે ઉમેદવારોએ અરજી ફોર્મ ભરવામાં ઉતાવળ કે અજાણતામાં ભૂલો કરી છે, તેમના માટે કમિશને એક મોટી રાહતની જાહેરાત કરી છે. UPSC દ્વારા અરજી પ્રક્રિયા પૂર્ણ થયા બાદ ત્રણ દિવસ માટે 'એડિટ/કરેક્શન વિન્ડો' ખોલવામાં આવશે. સુધારા માટેનો સમયગાળો અને મર્યાદા UPSC ના સત્તાવાર સમયપત્રક મુજબ, અરજી સબમિટ કરવાની અંતિમ તારીખના બીજા જ દિવસથી આ સુધારણા લિંક સક્રિય કરવામાં આવશે. ઉમેદવારો પાસે પોતાની ભૂલો સુધારવા માટે કુલ ત્રણ દિવસનો સમય રહેશે. ખાસ નોંધવું કે, ત્રીજા દિવસે સાંજે 6:00 વાગ્યા પછી આ વિન્ડો આપમેળે બંધ થઈ જશે અને ત્યારબાદ કોઈપણ સંજોગોમાં ફેરફાર માટેની વિનંતી સ્વીકારવામાં આવશે નહીં. તમે કઈ વિગતોમાં ફેરફાર કરી શકશો? કમિશન ઉમેદવારોને તેમની અરજીના અમુક ચોક્કસ ભાગોમાં જ સુધારો કરવાની મંજૂરી આપે છે: વ્યક્તિગત માહિતી: માતા-પિતાના નામની જોડણી કે જન્મતારીખ જેવી નાની ભૂલો સુધારી શકાશે. શૈક્ષણિક વિગતો: ગ્રેજ્યુએશનના ગુણ, યુનિવર્સિટીનું નામ કે પાસ થયાનું વર્ષ અપડેટ કરી શકાશે. દસ્તાવેજો: જો અપલોડ કરેલ ફોટોગ્રાફ અથવા સહી અસ્પષ્ટ હોય, તો તેને ફરીથી સ્પષ્ટ રીતે અપલોડ કરવાની તક મળશે. પરીક્ષા કેન્દ્ર: ઉપલબ્ધતાને આધારે, ઉમેદવારોને તેમનું પરીક્ષા કેન્દ્ર બદલવાની મર્યાદિત મંજૂરી મળી શકે છે. નોંધ: જો તમારે OTR (વન ટાઈમ રજીસ્ટ્રેશન) પ્રોફાઈલમાં જ ફેરફાર કરવો હોય, તો તેના માટે અલગ OTR પોર્ટલનો ઉપયોગ કરવાનો રહેશે. સુધારા કરવાની સ્ટેપ-બાય-સ્ટેપ પ્રક્રિયા સૌ પ્રથમ UPSC ની સત્તાવાર વેબસાઇટ upsc.gov.in અથવા upsconline.nic.in પર જાઓ. તમારા રજિસ્ટર્ડ OTR ID અને પાસવર્ડની મદદથી લોગિન કરો. ડેશબોર્ડ પર 'Latest Notification' વિભાગમાં જઈને 'CSE 2026 Correction Window' લિંક પર ક્લિક કરો. જરૂરી સુધારા કર્યા બાદ ફોર્મનું પ્રિવ્યૂ જોઈ લો અને તેને ફરીથી સબમિટ કરો. આ તક શા માટે અનિવાર્ય છે? ભારતની સૌથી પ્રતિષ્ઠિત ગણાતી આ પરીક્ષામાં સ્પર્ધા ખૂબ જ વધુ હોય છે. ઘણીવાર ફોર્મમાં રહેલી નાની ટેકનિકલ ભૂલને કારણે ઉમેદવારની પાત્રતા છેલ્લી ઘડીએ રદ થઈ શકે છે. તેથી, UPSC ઉમેદવારોને સલાહ આપે છે કે તેઓ આ ત્રણ દિવસની વિન્ડોનો ગંભીરતાથી ઉપયોગ કરે અને ખાતરી કરે કે તેમની તમામ માહિતી સત્તાવાર દસ્તાવેજો સાથે સુસંગત છે.આ પણ વાંચોઃ Defense deal: પાકિસ્તાનની થશે ઊંઘ હરામ,ભારતની સૌથી મોટી રક્ષા ડીલને DACની મંજૂરી

Read Full Story arrow_forward

calendar_today February 12, 2026

Space Debris : 2030 સુધી ફ્લાઇટ વિલંબ વધશે? અવકાશ કાટમાળથી ઊભો નવો ખતરો

હાલમાં ફ્લાઇટ મોડું થવાના મુખ્ય કારણોમાં ખરાબ હવામાન, ટેકનિકલ ખામી અથવા હડતાળ જેવી પરિસ્થિતિઓનો સમાવેશ થાય છે. પરંતુ હવે વૈજ્ઞાનિકોએ ચેતવણી આપી છે કે ભવિષ્યમાં એક નવું જોખમ હવાઈ મુસાફરીને અસર કરી શકે છે અને તે છે અવકાશ કાટમાળ (Space Debris). ખામીયુક્ત રોકેટના ટુકડાઓ હવે હવાઈ માર્ગ માટે જોખમ સાયન્ટિફિક રિપોર્ટ્સમાં પ્રકાશિત થયેલા એક અભ્યાસ અનુસાર, પૃથ્વીની આસપાસ ફરતા હજારો ઉપગ્રહો અને ખામીયુક્ત રોકેટના ટુકડાઓ હવે હવાઈ માર્ગ માટે જોખમ બની રહ્યા છે. જ્યારે કોઈ ખામીયુક્ત ઉપગ્રહ અથવા રોકેટનો ભાગ અનિયંત્રિત રીતે પૃથ્વી પર પાછો પ્રવેશ કરે છે, ત્યારે તે હવાઈ ક્ષેત્રમાંથી પસાર થઈ શકે છે. સંશોધન મુજબ, આવા અનિયંત્રિત રોકેટ ફરીથી પ્રવેશવાની વાર્ષિક સંભાવના લગભગ 26 ટકા છે.  કાટમાળ વિમાન સાથે અથડાશે જો કે, તેનો અર્થ એ નથી કે દરેક વખતે કાટમાળ વિમાન સાથે અથડાશે. પરંતુ જો કાટમાળ હવાઈ માર્ગમાંથી પસાર થવાની શક્યતા હોય, તો સલામતી માટે અધિકારીઓએ તે વિસ્તારનું હવાઈ ક્ષેત્ર થોડા સમય માટે બંધ કરવું પડે. આ કારણે અનેક ફ્લાઇટ્સ મોડું પડી શકે છે અથવા રદ પણ થઈ શકે છે. હાલ સુધી અવકાશ કાટમાળ અને પેસેન્જર વિમાન વચ્ચે સીધી અથડામણની કોઈ ઘટના નોંધાઈ નથી. છતાં પણ, સાવચેતીના પગલાં તરીકે હવાઈ માર્ગ બંધ કરવાની ફરજ પડે તો મુસાફરોને મુશ્કેલીનો સામનો કરવો પડી શકે છે.  58,000 થી 70,000 ઉપગ્રહો અવકાશમાં મોકલાઈ વૈશ્વિક કનેક્ટિવિટી વધતાં ઉપગ્રહ પ્રક્ષેપણમાં ઝડપથી વધારો થઈ રહ્યો છે. અંદાજ મુજબ 2030 સુધીમાં 58,000 થી 70,000 ઉપગ્રહો અવકાશમાં મોકલાઈ શકે છે. બીજી તરફ, 2050 સુધી વૈશ્વિક હવાઈ ટ્રાફિકમાં દર વર્ષે સરેરાશ 3.5 થી 4.2 ટકા વૃદ્ધિ થવાની સંભાવના છે. એટલે કે, આકાશમાં વિમાનો અને અવકાશમાં ઉપગ્રહોની સંખ્યા બંને ઝડપથી વધી રહી છે અને એ સાથે જોખમ પણ વધી રહ્યું છે. એરલાઈન્સે કેટલીક ફ્લાઇટ્સનું સમયપત્રક આ પહેલેથી જ કેટલાક પ્રસંગોમાં જોવા મળ્યું છે. જાન્યુઆરી 2025માં સ્પેસએક્સ રોકેટના સંભવિત કાટમાળને કારણે ક્વાન્ટાસ એરલાઈન્સે કેટલીક ફ્લાઇટ્સનું સમયપત્રક બદલી દીધું હતું, જેમાં કેટલીક ફ્લાઇટ્સ 6 કલાક સુધી મોડી પડી હતી. ડિસેમ્બર 2025માં ચીની રોકેટ ટિલ્ટ-3 દક્ષિણ પેસિફિકમાં પડ્યો ત્યારે બ્રિટનમાં રેડ એલર્ટ જાહેર કરવામાં આવ્યું હતું. 2022માં સ્પેન અને ફ્રાન્સના કેટલાક હવાઈ વિસ્તારો રોકેટ કાટમાળની આશંકાને કારણે બંધ કરવામાં આવ્યા હતા, જેના કારણે સૈંકડો ફ્લાઇટ્સ અસરગ્રસ્ત થઈ હતી. ભવિષ્યમાં આ સમસ્યાને ટાળવા માટે વિશેષજ્ઞોના મતે, ભવિષ્યમાં આ સમસ્યાને ટાળવા માટે રોકેટ અને ઉપગ્રહોના નિયંત્રિત પુનઃપ્રવેશ (controlled re-entry) માટે કડક નિયમો બનાવવાની જરૂર છે. સાથે સાથે અવકાશ કચરો ઘટાડવા માટે આંતરરાષ્ટ્રીય સ્તરે સહકાર જરૂરી બનશે. જો સમયસર પગલાં ન લેવાય, તો 2030 સુધી ફ્લાઇટ વિલંબ માત્ર સામાન્ય સમસ્યા નહીં પરંતુ વૈશ્વિક પડકાર બની શકે છે.આ પણ વાંચો ; Rajpal Yadav : રાજપાલ યાદવને હાઈકોર્ટનો કડક ઠપકો, 25 તક છતાં ચૂકવણી નહીં

Read Full Story arrow_forward