Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

New Delhi : ભારતની અધ્યક્ષતામાં પ્રથમ BRICS અધ્યક્ષતાનો પ્રારંભ, શેરપા બેઠક દ્વારા વૈશ્વિક એકતાનો સુર

ભારતે ફરી એકવાર વૈશ્વિક મંચ પર નેતૃત્વ સ્વીકારતા, તેની બ્રિક્સ (BRICS) અધ્યક્ષતા હેઠળ પ્રથમ શેરપા અને સોસ-શેરપા બેઠકનો પ્રારંભ નવી દિલ્હીમાં કર્યો છે. 9 ફેબ્રુઆરીથી શરૂ થયેલી આ ત્રણ દિવસીય બેઠક 11 ફેબ્રુઆરીના રોજ સંપન્ન થશે. આ બેઠક માત્ર ચર્ચા પૂરતી મર્યાદિત નથી, પરંતુ તે આગામી વર્ષ માટેના બ્રિક્સના એજન્ડા અને વૈશ્વિક સહયોગની બ્લુપ્રિન્ટ તૈયાર કરવાનું કાર્ય કરી રહી છે. બેલારુસના રાજદૂત એમ. કાસ્કોએ આ બેઠકમાં ભાગ લીધો વિદેશ મંત્રાલયના પ્રવક્તા રણધીર જાયસ્વાલના જણાવ્યા અનુસાર, ભારતના બ્રિક્સ શેરપા અને સચિવ (આર્થિક સંબંધો) સુધાકર દલેલા આ બેઠકનું સંચાલન કરી રહ્યા છે. આ બેઠકમાં ચીનના ઉપવિદેશ મંત્રી મા ઝાઓક્સુ સહિત વિવિધ સભ્ય દેશોના વરિષ્ઠ પ્રતિનિધિઓ હાજર રહ્યા છે. એક ઐતિહાસિક ક્ષણ ત્યારે જોવા મળી જ્યારે બેલારુસના રાજદૂત એમ. કાસ્કોએ આ બેઠકમાં ભાગ લીધો. પ્રથમ વખત ‘બ્રિક્સ ભાગીદાર દેશો’ના પ્રતિનિધિઓને આવી ઉચ્ચ સ્તરીય બેઠકમાં આમંત્રિત કરવામાં આવ્યા છે, જે બ્રિક્સના વિસ્તાર અને સર્વસમાવેશક અભિગમને દર્શાવે છે. ભારતની અધ્યક્ષતાના મુખ્ય સ્તંભો રજૂ કર્યા શેરપા સુધાકર દલેલાએ ભારતની અધ્યક્ષતાના મુખ્ય સ્તંભો રજૂ કર્યા હતા. ભારતની આ વખતની થીમ ‘બિલ્ડિંગ ફોર રેઝિલ્યન્સ, ઇનોવેશન, કોઓપરેશન તથા સસ્ટેનેબિલીટી’ પર આધારિત છે. વડાપ્રધાન નરેન્દ્ર મોદીના વિઝન મુજબ, ભારત બ્રિક્સને નીચેના બે મહત્વના પાસાઓ પર આગળ વધારવા માંગે છે. પીપલ-સેન્ટ્રિક (લોક-કેન્દ્રીત): નીતિઓના કેન્દ્રમાં સામાન્ય માનવીનું હિત હોય. હ્યુમેનિટી-ફર્સ્ટ (માનવતા પ્રથમ): વૈશ્વિક પડકારોમાં માનવીય મૂલ્યોને પ્રાધાન્ય આપવું. ભવિષ્યનું ગ્રાઉન્ડવર્ક આ ત્રણ દિવસીય મંથન દરમિયાન આર્થિક સહયોગ, વિકાસલક્ષી પ્રોજેક્ટ્સ અને વૈશ્વિક ગવર્નન્સમાં સુધારા જેવા જટિલ મુદ્દાઓ પર ચર્ચા કરવામાં આવી રહી છે. આ બેઠક વર્ષના અંતે યોજાનારી મુખ્ય ‘બ્રિક્સ સમિટ’ અને મંત્રી સ્તરની બેઠકો માટે પાયો નાખવાનું કામ કરશે. ભારતનું ઐતિહાસિક યોગદાન નોંધનીય છે કે ભારત માટે આ ગૌરવની ક્ષણ છે કારણ કે તે ચોથી વખત બ્રિક્સની અધ્યક્ષતા કરી રહ્યું છે. આ અગાઉ વર્ષ 2012, 2016 અને 2021માં ભારતે સફળતાપૂર્વક આ જવાબદારી નિભાવી હતી. વર્તમાન ભૌગોલિક-રાજકીય પરિસ્થિતિમાં ભારતનું નેતૃત્વ ગ્લોબલ સાઉથ (વિકાસશીલ દેશો) ના અવાજને મજબૂત બનાવવામાં મહત્વની ભૂમિકા ભજવશે.આ પણ વાંચોઃ US-Israel: નેતન્યાહૂ અને ટ્રમ્પ વચ્ચે દ્વિપક્ષીય બેઠક, ઈરાન મુદ્દે ઇઝરાયલ પોતાનું વલણ સ્પષ્ટ કરશે

Read Full Story arrow_forward

calendar_today February 11, 2026

UP Budget 2026 : દીકરીઓના લગ્ન માટે મળશે ₹1.01 લાખ સહાય

ઉત્તર પ્રદેશના નાણામંત્રી સુરેશ ખન્નાએ રાજ્ય વિધાનસભામાં બજેટ રજૂ કરતાં જણાવ્યું કે આ વર્ષનું બજેટ ગયા વર્ષની સરખામણીએ અંદાજે 12.2 ટકા વધુ છે. તેમણે આશા વ્યક્ત કરી કે 2025-26 દરમિયાન રાજ્યની પ્રતિ વ્યક્તિ આવક ₹1,20,000 સુધી પહોંચશે. સરકારનો દાવો છે કે છેલ્લા કેટલાક વર્ષોમાં કાયદો અને વ્યવસ્થા, ઔદ્યોગિક રોકાણ, રોજગાર સર્જન, મહિલા સશક્તિકરણ અને ખેડૂતોના વિકાસમાં નોંધપાત્ર પ્રગતિ થઈ છે. દીકરીઓના લગ્ન માટે સહાય રકમ બમણી આ બજેટમાં સૌથી મોટી જાહેરાતોમાંથી એક મુખ્યમંત્રી સમૂહ લગ્ન યોજના સંબંધિત છે. અત્યાર સુધી આ યોજનામાં દીકરીઓને લગ્ન માટે ₹51,000 આપવામાં આવતા હતા. હવે આ રકમ વધારીને ₹1.01 લાખ કરવામાં આવી છે. એટલે કે સહાય રકમ લગભગ બમણી કરી દેવામાં આવી છે. ₹750 કરોડની જોગવાઈ કરવાનો પ્રસ્તાવ સરકારે આ યોજના માટે ₹750 કરોડની જોગવાઈ કરવાનો પ્રસ્તાવ મૂક્યો છે. આ સહાય તમામ વર્ગોની દીકરીઓ માટે લાગુ રહેશે. તેનો હેતુ આર્થિક રીતે નબળા પરિવારોને દીકરીના લગ્નમાં મદદરૂપ થવાનો છે, જેથી તેઓ પર આર્થિક બોજ ઓછો પડે. ગરીબ પરિવારોની પુત્રીઓ માટે લગ્ન તે ઉપરાંત અનુસૂચિત જાતિના ગરીબ પરિવારોની પુત્રીઓ માટે લગ્ન અનુદાન યોજના હેઠળ ₹100 કરોડની જોગવાઈનો પ્રસ્તાવ છે. જ્યારે સામાન્ય વર્ગના ગરીબ પરિવારોની દીકરીઓ માટે ₹50 કરોડ ફાળવવાની યોજના છે. સરકારનું કહેવું છે કે આ પગલું સમાજમાં સમાનતા અને મહિલા સશક્તિકરણ તરફ મહત્વપૂર્ણ છે. રોજગાર અને કૌશલ્ય વિકાસ પર ધ્યાન બજેટમાં યુવાનો માટે રોજગાર અને તાલીમના અવસરો વધારવા ખાસ યોજના રજૂ કરવામાં આવી છે. રાજ્યમાં હાલના તાલીમ કેન્દ્રોનો વિસ્તાર કરવામાં આવશે અને નવા કેન્દ્રો પણ શરૂ કરાશે. સરકાર જાહેર-ખાનગી ભાગીદારી (PPP) મોડલ હેઠળ ખાનગી ક્ષેત્રને પણ જોડશે, જેથી રોજગાર તાલીમ અને પ્લેસમેન્ટ કેન્દ્રો વધુ અસરકારક રીતે કાર્ય કરી શકે. મહિલાઓની કાર્યબળમાં ભાગીદારી વધારવા માટે ખાસ તાલીમ કેન્દ્રો સ્થાપિત કરાશે, જે મહિલાઓને કૌશલ્ય વિકાસ અને નોકરી મેળવવામાં મદદરૂપ થશે. કૃષિ નિકાસ અને ખેડૂતોની આવકમાં વધારો કૃષિ ક્ષેત્રમાં પણ મહત્વપૂર્ણ જાહેરાત કરવામાં આવી છે. વિશ્વ બેંકના સહયોગથી UP-AGRIZ પ્રોજેક્ટ હેઠળ કૃષિ નિકાસ કેન્દ્ર સ્થાપિત કરવામાં આવશે. તેનો હેતુ કૃષિ ઉત્પાદનોની નિકાસ વધારવાનો અને ખેડૂતોની આવકમાં સુધારો કરવાનો છે. સરકાર ઉદ્યોગોને સરળ નોંધણી અને લાઇસન્સિંગ પ્રક્રિયા દ્વારા સહાય કરશે, જેથી વેપાર અને રોકાણ માટે અનુકૂળ વાતાવરણ સર્જાય. આ પગલાં રાજ્યના આર્થિક વિકાસને વધુ ગતિ આપશે. UP બજેટ 2026માં મહિલા સશક્તિકરણ કુલ મળીને, UP બજેટ 2026માં મહિલા સશક્તિકરણ, દીકરીઓના કલ્યાણ, યુવાનોના રોજગાર અને ખેડૂતોની સમૃદ્ધિ પર વિશેષ ભાર મૂકાયો છે. ખાસ કરીને સમૂહ લગ્ન યોજનામાં સહાય રકમ વધારવાનો નિર્ણય ગરીબ અને મધ્યમ વર્ગના પરિવારો માટે મોટી રાહત સાબિત થઈ શકે છે.આ પણ વાંચો : Entertainment : “હું મારો ધર્મ બદલવા માંગુ છું” રેમો ડિસોઝાનો મોટો ખુલાસો!

Read Full Story arrow_forward

calendar_today February 11, 2026

UP Budget: પહેલીવાર કોઇ મુખ્યમંત્રીને 10 વખત બજેટ રજૂ કરવાની તક મળીઃ યોગી આદિત્યનાથ

ઉત્તર પ્રદેશના મુખ્યમંત્રી યોગી આદિત્યનાથે રાજ્યના ઇતિહાસમાં એક નવો માઈલસ્ટોન સ્થાપિત કર્યો છે. સતત 10મું બજેટ રજૂ કરવાની તક મેળવનાર તેઓ પ્રથમ મુખ્યમંત્રી બન્યા છે. આ વર્ષનું બજેટ માત્ર આંકડાઓની રમત નથી, પરંતુ દેશની સૌથી મોટી વસ્તી ધરાવતા રાજ્યના ભાવિની બ્લુપ્રિન્ટ છે. ₹9,12,696 કરોડનું વિશાળ બજેટ રજૂ કર્યુ સીએમ યોગીએ ₹9,12,696 કરોડનું વિશાળ બજેટ રજૂ કરતા જણાવ્યું હતું કે, છેલ્લા 9 વર્ષમાં ઉત્તર પ્રદેશ પ્રત્યે વિશ્વનો દૃષ્ટિકોણ બદલાયો છે. આ બજેટની મુખ્ય થીમ "સુરક્ષિત મહિલાઓ, સક્ષમ યુવાનો અને ખુશ ખેડૂતો" રાખવામાં આવી છે. ખાસ વાત એ છે કે છેલ્લા નવ વર્ષમાં રાજ્યમાં એક પણ નવો ટેક્સ લાદવામાં આવ્યો નથી, છતાં બજેટનું કદ ત્રણ ગણાથી વધુ વધી ગયું છે. કરચોરી અટકાવીને અને પારદર્શક વહીવટ દ્વારા રાજ્યની આવકમાં મોટો વધારો થયો છે. માળખાગત સુવિધાઓ અને ઔદ્યોગિક વિકાસ રાજ્યના ઔદ્યોગિકીકરણને વેગ આપવા માટે બજેટમાં મજબૂત જોગવાઈઓ કરવામાં આવી છે. નવા બાંધકામો અને માળખાગત સુવિધાઓ માટે ₹2 લાખ કરોડથી વધુની રકમ ફાળવવામાં આવી છે. શહેરી વિસ્તારોમાં આર્થિક ગતિવિધિઓ વધારવા માટે 'ક્લસ્ટર' વિકસાવવાની નવી યોજના અમલમાં મુકાશે. સીએમએ ગર્વ સાથે જણાવ્યું કે યુપીમાં ₹50 લાખ કરોડના રોકાણની દરખાસ્તો પર કામ ચાલી રહ્યું છે, જે રોજગારીની વિપુલ તકો ઊભી કરશે. કૃષિ અને ગ્રામીણ ઉત્થાન ખેડૂતોને વિકાસના ભાગીદાર ગણાવતા સીએમ યોગીએ જાહેરાત કરી કે રાજ્યની ચાર ખાંડ મિલોની ક્ષમતા વધારવામાં આવશે. ખેડૂત હવે માત્ર અન્નદાતા નથી, પણ રાજ્યની પ્રગતિનો મુખ્ય હિસ્સો છે. આ ઉપરાંત, નવી યોજનાઓ માટે ₹43,565 કરોડનો પ્રસ્તાવ મૂકવામાં આવ્યો છે, જે ગ્રામીણ અર્થતંત્રને વેગ આપશે. "કાયદાનું શાસન" એ જ વાસ્તવિક વિકાસની ગેરંટી મુખ્યમંત્રીએ ભારપૂર્વક જણાવ્યું હતું કે "કાયદાનું શાસન" એ જ વાસ્તવિક વિકાસની ગેરંટી છે. સુરક્ષિત વાતાવરણને કારણે જ આજે ઉત્તર પ્રદેશ દેશમાં રોકાણ માટેનું સૌથી પસંદગીનું સ્થળ બની રહ્યું છે. મહિલાઓની સુરક્ષા માટે બજેટમાં વિશેષ ભંડોળ ફાળવવામાં આવ્યું છે, જે તેમને વધુ આત્મનિર્ભર બનાવશે. આ પણ વાંચોઃ New Delhi : ભારતની અધ્યક્ષતામાં પ્રથમ BRICS અધ્યક્ષતાનો પ્રારંભ, શેરપા બેઠક દ્વારા વૈશ્વિક એકતાનો સુર

Read Full Story arrow_forward